[ಖಬರ್] ಕಥಾಪಾಠ್ 4 - ಕೊಂಕಣಿಂತಲ್ಯೊ ವಿದೇಶಿ ಕಥಾ

ಆಶಾವಾದಿ ಪ್ರಕಾಶನ್ ಆನಿ ಉಜ್ವಾಡ್ ಪಂದ್ರಾಳೆಂ ಹಾಣಿಂ ಡಿಜಿಟಲ್ ಮಾಧ್ಯಮಾಚೆರ್ ಮಾಂಡುನ್ ಹಾಡ್‌ಲ್ಲ್ಯಾ ರಾಶ್ಟ್ರೀಯ್ ಮಟ್ಟಾಚ್ಯಾ ಕಥಾ-ಅಧ್ಯಯನ್ ಶಿಂಕಳೆಚಿ ಚೊವ್ತಿ ಶಿಂಕಳ್ (ವೆಬಿನಾರ್) ದಸೆಂಬ್ರ್ 6 ತಾರಿಕೆಚ್ಯಾ ಆಯ್ತಾರಾ ಸಾಂಜೆರ್ 4:30 ಥಾವ್ನ್ 6:00 ಪರ‍್ಯಾಂತ್ ಚಲ್ಲೆಂ; ಕೊಂಕಣಿಂತ್ಲ್ಯೊ ಪರ್ಗಾಂವ್ಚ್ಯೊ/ವಿದೇಶಿ ಕಥಾ. ಆಶಾವಾದಿ ಪ್ರಕಾಶನಾಚ್ಯಾ ವಲ್ಲಿ ಕ್ವಾಡ್ರಸಾನ್ ಯೆವ್ಕಾರ್ ಉಲವ್ಪ್ ಕರುನ್ ಕಾರ್ಯಾಚೆಂ ಸುಂಕಾಣ್ ಘೆತ್‌ಲ್ಲ್ಯಾ, ಗೊಂಯ್ಚ್ಯಾ ಕಾರ್ಮೆಲ್ ಕೊಲೆಜಿಂತ್ ಸಹ-ಪ್ರಾಧ್ಯಾಪಿಕಾ ಜಾವ್ನ್ ವಾವ್ರ್ ಕರ್ಚ್ಯಾ ಬಾಯ್ ಸಿಯಾಲಿನಿ ಫೆರ್ನಾಂಡಿಸಾಚಿ ಮಟ್ವಿ ವಳೊಕ್ ಕರುನ್ ದಿತಚ್ ಬಾಯ್ ಕೊನ್ಸೆಪ್ಟಾ ಫೆರ್ನಾಂಡಿಸ್ ಆಳ್ವಾನ್ ಕೊಂಕಣಿ ಕಾಣಿಯಾಂನಿ ವಿದೇಶಿ/ಪರ್ಗಾಂವ್ಚೆಂ ಜಿವಿತ್ ಪಿಂತ್ರಾಯಿಲ್ಲ್ಯಾ ಚ್ಯಾರ್-ಪಾಂಚ್ ಕಾಣಿಯೆಂಕ್ ವಿಂಚುನ್ ಅಪ್ಲೆಂ ಉಪನ್ಯಾಸ್ ದಿತಚ್ ಗೊಂಯ್ಚೊ ಕಥಾಕಾರ್ ಬಾಬ್ ವಿಲ್ಲಿ ಗೋಯೆಸಾನ್ ಗೊಂಯ್ಚ್ಯಾ ಕೊಂಕಣಿ ಸಾಹಿತ್ಯಾಂತ್ಲ್ಯೊ ಥೊಡ್ಯೊ ವಿದೇಶಿ ಚಿಂತ್ಪಾಚ್ಯಾ ಸಾಹಿತ್ಯಾಚೆರ್ ಅಪ್ಲೆಂ ಉಪನ್ಯಾಸ್ ದಿಲೆಂ.

ಬಾಬ್ ಶೈಲೇಂದ್ರ ಮೆಹ್ತಾನ್ ಕೊಂಕಣಿ ಕಥೆಂಚೆರ್ ಖೊಲಾಯೆಚೆಂ ಅಧ್ಯಯನಾಚೆಂ ’ಕಥಾಪಾಠ್ - ದುಸ್ರಿ ಶಿಂಕಳ್’ ವಿಶಿಂ ಮಾಹೆತ್ ದಿವುನ್, ಕೊಂಕಣಿಂತ್ಲ್ಯಾ ಕಥೆಂಚೆರ್ ತುಲನಾತ್ಮಕ್ ಅಭ್ಯಾಸ್ (Comparative analysis) ಚಲಂವ್ಚಿಂ ಕಥಾಪಾಠ್; ಜನೆರ್-ಫೆಬ್ರೆರ್ ಮಯ್ನ್ಯಾಂನಿ ಚಲಂವ್ಚೆವಿಶಿಂ ಸವಿಸ್ತಾರ್ ವಿವರ್ ದಿಲೊ. ಕಥಾಪಾಠಾಂತ್ ಹಾಜರ್ ಆಸ್ಲೆಲ್ಯಾಂ ಪಯ್ಕಿಂತ್ ಅಪ್ಲೆ ವಿಚಾರ್ ವೆಕ್ತ್ ಕರಿತ್ ರಿಟಾಯರ್ಡ್ ಡೀನ್ ತಶೆಂಚ್ ಗೊಂಯ್ಚ್ಯಾ ವಿಶ್ವ್' ವಿಧ್ಯಾಲಯಾಚ್ಯಾ ಕೊಂಕಣಿ ವಿಭಾಗಾಚಿ ಆಧ್ಲಿ ಮುಖೇಸ್ತ್ ಡೊ|ಚಂದ್ರಲೇಖ ಡಿ’ಸೋಜಾನ್; ಕೊಂಕಣಿ ಸಾಹಿತ್ಯಾಕ್ ಹೆಂ ಕಥಾಪಾಠ್ ಖೂಪ್ ಮಹತ್ವಾಚೆಂ ಯೋಗ್‍ದಾನ್ ದೀಂವ್ಕ್ ಸಕ್ತಲೆಂ ಮ್ಹಣಾಲಿ.

ದಲ್ಗಾದೊ ಕೊಂಕಣಿ ಅಕಾಡೆಮಿಚೆ ಅಧ್ಯಕ್ಷ್ ಬಾಬ್ ವಿನ್ಸಿ ಕ್ವಾಡ್ರೊಸ್ ಹಾಣಿಂ ಧಿನ್ವಾಸ್ ಪಾಟಯ್ಲೆ. ಬಾಯ್ ಸಿಯಾಲಿನಿ ಫೆರ್ನಾಂಡಿಸಾನ್ ಹೆಂ ವೆಬಿನಾರ್ ಚಲವ್ನ್ ವೆಲೆಂ. ಗೊಂಯ್, ಕರ್ನಾಟಕ್, ಮುಂಬಯ್, ಕೇರಳಾ ಆನಿ ವಿದೇಶ್ ಥಾವ್ನ್ ಸಾಠ್ ವಿಧ್ಯಾರ್ಥಿಂನಿ ಹ್ಯಾ ಕಥಾಪಾಠಾಂತ್ ವಾಂಟೊ ಘೆತ್ಲೊ.

 ಖಬರ್: ಆಮ್ಚೊ ಭಾತ್ಮಿ

[खबर] कथापाठ - 4: कोंकणिंतल्यो विदेशी कथा

कथापाठ - ४: कोंकणिंतल्यो विदेशी कथा

आशावादी प्रकाशन आनी उज्वाड पंद्राळें हाणीं डिजिटल माध्यमाचेर मांडून हाड‌ल्ल्या राश्ट्रीय मट्टाच्या कथा-अध्ययन शिंकळेची चोवती शिंकळ (वेबिनार) दसेंबर ६ तारिकेच्या आयतारा सांजेर ४:३० थावन ६:०० पर‍्यांत चल्लें; कोंकणिंतल्यो पर्गांवच्यो/विदेशी कथा. आशावादी प्रकाशनाच्या वल्ली क्वाड्रसान येवकार उलवप करून काऱ्याचें सुंकाण घेत‌ल्ल्या, गोंयच्या कार्मेल कोलेजिंत सह-प्राध्यापिका जावन वावर कर्च्या बाय सियालिनी फेर्नांडिसाची मटवी वळोक करून दितच बाय कोन्सेपटा फेर्नांडीस आळवान कोंकणी काणियांनी विदेशी/पर्गांवचें जिवीत पिंत्रायिल्ल्या च्यार-पांच काणियेंक विंचून अपलें उपन्यास दितच गोंयचो कथाकार बाब विल्ली गोयेसान गोंयच्या कोंकणी साहित्यांतल्यो थोड्यो विदेशी चिंत्पाच्या साहित्याचेर अपलें उपन्यास दिलें.

बाब शैलेंद्र मेहतान कोंकणी कथेंचेर खोलायेचें अध्ययनाचें ’कथापाठ - दुस्री शिंकळ’ विशीं माहेत दिवून, कोंकणिंतल्या कथेंचेर तुलनात्मक अभ्यास (Comparative analysis) चलंवचीं कथापाठ; जनेर-फेबरेर मयन्यांनी चलंवचेविशीं सविसतार विवर दिलो. कथापाठांत हाजर आसलेल्यां पयकिंत अपले विचार वेक्त करीत रिटायर्ड डीन तशेंच गोंयच्या विश्व' विध्यालयाच्या कोंकणी विभागाची आधली मुखेसत डो|चंद्रलेख डी’सोजान; कोंकणी साहित्याक हें कथापाठ खूप महत्वाचें योग‍दान दीवंक सक्तलें म्हणाली.

दल्गादो कोंकणी अकाडेमिचे अध्यक्ष बाब विन्सी क्वाड्रोस हाणीं धिन्वास पाटयले. बाय सियालिनी फेर्नांडिसान हें वेबिनार चलवन वेलें. गोंय, कर्नाटक, मुंबय, केरळा आनी विदेश थावन साठ विध्यार्थिंनी ह्या कथापाठांत वांटो घेतलो.

आमचो भात्मी

[Khobor] Kothapatth - 4: Mumboicheo Kotha

Kothapatth - 4: Konkonnintoleo Videxi Kotha

Ashawadi Prakashan ani Uzvaad pondrallem hannim ddijittol madhyomacher manddun hadd‌l'lea raxttri-i mott'ttachea kotha-odhyoin xinkollechi chouti xinkoll (vebinar) dosembr 6 tarikechea aitara sanjer 4:30 thaun 6:00 poro‍eant chol'lem; konkonnintleo porgamvcheo/videxi kotha. Ashawadi Prakashanachea Valley Quadrosan yeukar uloup korun kareachem sunkann ghet‌l'lea, Gõychea Carmel kolejint soho-pradheapika zaun vaur korchea Bai Cialini Fernanddisachi mottvi vollok korun ditoch Bai Concepta Fernanddis Allvan konkonni kanniamni videxi/porgamvchem jivit pintrayil'lea chear-panch kannienk vinchun oplem uponeas ditoch gõycho kothakar Bab Willy Goesan Gõychea konkonni sahiteantleo thoddeo videxi chintpachea sahiteacher oplem uponeas dilem.

Bab Shailendra Mehtan Konkonni kothencher kholayechem odhyoinachem ’Kathapatth - dusri xinkoll’ vixim mahet divun, Konkonnintlea kothencher tulonatmok obheas (Comparative analysis) cholomvchim kothapatth; Joner-Febrer moineamni cholomvchevixim sovistar vivor dilo. Kothapatthant hazor asleleam poikint ople vichar vekt korit rittairdd ddin toxench gõychea vixv' vidhealoyachea Konkonni vibhagachi adhli mukhest Dr|Chandralekha DSouzan; Konkonni sahiteak hem kothapatth khup mohotvachem yog‍dan diunko soktolem mhonnali.

Dalgado Konkonni Okaddemiche odhyokx Bab Vincy Quadros hannim dhinvas pattoile. Bai sialini fernanddisan hem vebinar choloun velem. Gõy, kornattok, Mumboi, Kerala ani videx thaun satth vidhearthimni hea kothapatthant vantto ghetlo.

Amcho Bhatmi