|
[ಖಬರ್]
ಬಹುಭಾಶಿಕ್ ಕವಿಸಮ್ಮೇಳನ್ -
ದಿಲ್ಲಿಂತ್ |
2018 ಫೆಬ್ರೆರ್ 21
ವೆರ್, ಅಂತರ್ರಾಶ್ಟ್ರೀಯ್ ಆವಯ್ ಭಾಶೆಚೊ ದೀಸ್ ಆಸ್ಲೊ.
ತ್ಯಾ ಪಾಸುನ್, ಹ್ಯಾ ದಿಸಾ, ಸಾಹಿತ್ಯ ಅಕಾಡೆಮಿನ್
ಡೆಲ್ಹಿಂತ್, ಬಹು-ಭಾಶಿಕ್ ಕವಿ ಸಮ್ಮೇಳನ್ ಘಡುನ್ ಹಾಡ್ಲೆಂ.
ಸಕಾಳಿಂಚ್ಯಾ 10:30 ವೊರಾಂಚೆರ್ ಹ್ಯಾ ಸಮ್ಮೇಳಂತ್ ಆಮ್ಚ್ಯಾ
ದೇಸಾಮ್ತ್ಲ್ಯಾ 22 ಕವಿ-ಕವಯತ್ರಿಂನಿ ಭಾಗ್ ಘೆತ್ಲೊ.
ವೆವೆಗ್ಳ್ಯಾ ವಿಶ್ಯಾಂಚೆರ್ ಮಾಂಡ್ಲಲ್ಯೊ ಕವಿತಾ ವಾಚುನ್,
ತಾಣಿಂ ಪ್ರೇಕ್ಶಕಾಂಕ್ ಅಪಾಪ್ಲೆ ಆವಯ್-ಭಾಶೆಚಿ ರೂಚ್
ಚಾಕುಂಕ್ ದಿಲಿ. ತಾಂತ್ಲಿ ಏಕ್ ಕವಯತ್ರಿ ಆಸ್ಲಿ ಫಿಲೋಮೆನಾ
ಬಾಯ್ ಸಾಂಫ್ರಾನ್ಸಿಸ್ಕೊ; ಆಮ್ಚೆ ಭಾಶೆಚಿ, ಕೊಂಕ್ಣಿ
ಆವೊಯ್ಚಿ.
ಹ್ಯಾ ಕಾರ್ಯಕ್ರಮಾಚೆಂ
ಸ್ವಾಗತ್ ಭಾಶಣ್ ಶ್ರೀ ಶ್ರೀನಿವಾಸ್ರಾವ್ - ಸಾಹಿತ್ಯ
ಅಕಾಡೆಮಿಚೊ ಸಚಿವ್, ಹಾಣಿಂ ಭೋವ್ ಮೊಲಾಧಿಕ್ ಉತ್ರಾಂನಿ
ಕರುನ್, ಹಾಜಿರ್ ಆಸ್ಲೆಲ್ಲ್ಯಾಂಕ್ ಯೆವ್ಕಾರ್ ದಿಲೊ;
ಜಾಲ್ಯಾರ್, ಉಕ್ತಾವಣಾಚೆಂ ಉಲವ್ಪ್, ಭೋವ್ ಮಾನೆಸ್ತಿಣ್
ಡೋಗ್ರಿ ಕವಯತ್ರಿ ಪದ್ಮಾ ಸಚ್ದೇವ್ ಹಿಣೆಂ ಕೆಲೆಂ.
ಏಕಾ ದಿಸಾಚೊ ಹೊ ಕಾರ್ಯಕ್ರಮ್ ಖೂಬ್ಚ್ ರಂಗೊನ್ ಆಯ್ಲೊ;
ಆನಿ ಸಾಂಜೆಚ್ಯಾ ಪಾಂಚ್ ವೊರಾಂಚೆರ್ ಖುಶಾಲ್ಕಾಯೆನ್
ಸಗ್ಳ್ಯಾಂನಿ ಎಕಾಮೆಕಾ ನಿರೋಪ್ ದಿಲೊ.
- ಭಾತ್ಮಿ: ಆಮ್ಚೊ ಭಾತ್ಮಿ |
[खबर]
बहुभाशीक कविसम्मेळन - दिल्लिंत |
२०१८ फेबरेर २१ वेर,
अंतरराश्ट्रीय आवय भाशेचो दीस आसलो. त्या पासून,
ह्या दिसा, साहित्य अकाडेमीन डेल्हिंत, बहू-भाशीक
कवी सम्मेळन घडून हाडलें. सकाळिंच्या १०:३०
वोरांचेर ह्या सम्मेळंत आमच्या देसामतल्या २२
कवी-कवयत्रिंनी भाग घेतलो. वेवेगळ्या विश्यांचेर
मांडलल्यो कविता वाचून, ताणीं प्रेक्षकांक अपापले
आवय-भाशेची रूच चाकुंक दिली. तांतली एक कवयत्री
आसली फिलोमेना बाय सांफ्रान्सिसको; आमचे भाशेची,
कोंकणी आवोयची.
ह्या काऱ्यक्रमाचें
स्वागत भाशण श्री श्रीनिवासराव - साहित्य
अकाडेमिचो सचीव, हाणीं भोव मोलाधीक उत्रांनी करून,
हाजीर आसलेल्ल्यांक येवकार दिलो; जाल्यार,
उक्तावणाचें उलवप, भोव मानेसतीण डोग्री कवयत्री
पद्मा सचदेव हिणें केलें.
एका दिसाचो हो कारयक्रम खूबच रंगोन आयलो; आनी
सांजेच्या पांच वोरांचेर खुशालकायेन सगळ्यांनी
एकामेका निरोप दिलो.
- भात्मी: आमचो भात्मी |
[Kho'bo'r]
Bhov Bhaxik Kovi Sammellon - Dil'iik |
2018
Febrerache 21ver, oNtor-raxttriya avoi bhaxecho
dis monoupant ailo. Hea nimtan, hea disa,
Sahitya Academin, Dil'li, Bhou-bhaxik Kovi
Sammellon ghoddoun haddlem. Sokallchea 10:30
vorancher hea Sommellant amchea desantlea 22
kovi koviyotrimni bhag ghetlo. Veg-vegllea
vexoyancher manddleleo kovita vachun, tannim
prexokank ap-apale avoi-bhaxechi ruch chakunk
dili. Tantuntli ek kovoyotri asli Philomena-bai
Samfrancisco; amche bhaxechi, Konknni avoichi,
goddi, chakuck diupi.
Hea kariokromachem svagot bhaxonn Shri K.
Sreenivasrao, Sahitya akademicho sochiv, hannim
bhov moladik utramni korun, hazir asleleank
yevkar dilo; zalear, Uktavonnachem uloup, bhov
manest Dogri kovorotri Srimati Padma Sachdev
hinnem kelem.
Eka
disacho ho kariokrom khupuch rongon ailo; ani
sanjecheam panch vorancher khoxalkaen saglleamni
eka-mekak nirop dilo
-
Bat'mi: Amcho Bat'mi | |
|
2004 ಥಾವ್ನ್
2011 ಪರ್ಯಾಂತ್ ಕಾರ್ಯಾಳ್ ಆಸ್ಲ್ಲ್ಯಾ
ದಾಯ್ಜ್.ಕೊಮ್ ಚೆರ್
ಪರ್ಗಟ್ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ
ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್
ಲಾಭಯ್ತೆಲ್ಯಾಂವ್. | |
| |
|
|