Panaji:
Dalgado Konknni Akademi (DKA) Konknni
Desbhokti kovita spordha ghoddoun haddtta. Hi
spordha 15 Agost 2018 disa DKA-chea Reginald
Fernandes Conference Hall-ant Ponnje sanje 4.00
vorancher zatoli. Hi spordha sogllea Konknni
borovpiank ani mogiank ugti asa.
DKA vorsan voros ho Bharotacho Svotontr Dis
veg-vegllie toren monoita. Hea vorsak des-bhokti
kovita spordha ghoddoun haddun monounk yeujilam. Te
khatir Konknni borovpiamni ani mogiamni hie
spordhent vantto gheuncho mhunn DKA ulo marta.
Je konn hie spordhent vantto gheunk sodtat
tannim apli kovita adim fuddench DKA koddem
diunchi poddttoli. Kovitechim utram ani kovita
sadorikoronn hixeobak dhorun porikxonn zatolem
ani poilea tin kovitank inamam astolim. Akademin
nemlolea porikxokancho nirnnoi soglleam kovimni
mandun gheuncho poddttolo.
Kovita 13 Agost 2018 meren Akademichea ofisant,
Old Education Dept. Bldg.18 June Road, Near
Pharmacy College, Ponnje hanga vo dkakademi@gmail.com ;vincyquadros@gmail.com vo tomazinho.goa@gmail.com
hea e-ttopalar pavtat toxio dhaddun diunk magtat.
Vantto ghevpi kovink yevpa-vochpacho khorch
divpachi Akademin tortud kelia hachi nond
gheunchi.
Bhatmi: Vinsi Kvaddros |