ಆಶಾವಾದಿ ಪ್ರಕಾಶನಾಚೊ ರುಪ್ಯೋತ್ಸವ್ (2000-2025) ಆನಿ ಪಯ್ಣಾರಿ ದಶಮಾನೋತ್ಸವ್ ಯಾದಿಚೆ ಕೊಂಕಣಿ ಪುರಸ್ಕಾರ್ ಜಾಹೀರ್

2000 ಇಸ್ವೆಂತ್ ಕುವೆಯ್ಟಾಂತ್ ಸುರ್ವಾತ್ ಜಾಲ್ಲ್ಯಾ ಆಶಾವಾದಿ ಪ್ರಕಾಶನಾಚ್ಯಾ ರುಪ್ಯೋತ್ಸವಾಚ್ಯಾ ವರ್ಸಾ, ತಶೆಂಚ್ 2015 ಇಸ್ವೆಂತ್ ಮುಂಬಂಯ್ತ್ ಸುರ್ವಾತ್ ಜಾಲ್ಲ್ಯಾ ಕೊಂಕಣಿಂತ್ಲ್ಯಾ ಪಯ್ಲ್ಯಾ ತೀನ್ ಲಿಪಿಚ್ಯಾ ಪಯ್ಣಾರಿ ಜಾಳಿಜಾಗ್ಯಾಚ್ಯಾ ದಶಮಾನೋತ್ಸವಾಚ್ಯಾ ವರ್ಸಾ ಜಾಹೀರ್ ಜಾಲ್ಲೆ ಪುರಸ್ಕಾರ್ ಹ್ಯೇ ಪರಿಂ ಆಸಾತ್.

ದೆವಾದೀನ್ ಡೆನಿಸ್ ಡಿ’ಕುನ್ಹಾ ಕಿನ್ನಿಕಂಬ್ಳಾ ಸ್ಮಾರಕ್ ’ಉತ್ತೀಮ್ ಕೊಂಕಣಿ (ಕನ್ನಡ ಲಿಪಿಕ್) ಲಿಪ್ಯಂತರಣ್ ಜಾಲ್ಲೆಂ ಪುಸ್ತಕ್' ಪುರಸ್ಕಾರ್

ನಿರ್ವಾಸಿತ್ ಯಾತ್ರಿಚಿ ಭಂವ್ಡಿ (ಕವಿ ಶೈಲೇಂದ್ರ ಮೆಹ್ತಾಚ್ಯೊ ನಾಗರಿ ಕವಿತಾ) ಪುಸ್ತಕಾಕ್ ರು.25,000, ಮಾನ್‌ಪತ್ರ್ ಆನಿ ಯಾದಿಸ್ತಿಕಾ.

14 ದಸೆಂಬರ್ 2025 (ಆಯ್ತಾರಾ) ಮಂಗ್ಳುರಾಂತ್ ಆಸಾ ಕೆಲ್ಲ್ಯಾ ಆಶಾವಾದಿ ಪ್ರಕಾಶನಾಚ್ಯಾ ರುಪ್ಯೋತ್ಸವ್ ಕಾರ್ಯಾವೆಳಾರ್ ಪರ್ಗಟ್ ಮಾನ್ ಘೆತಲಿಂ;

ಬಾಬ್ ಆವಿಲ್ ರಾಸ್ಕಿನ್ಹಾ, ಬೆಳ್ಳೂರ್ (ಜಿಣ್ಯೆ ಆವ್ದೆಚೊ ಪುರಸ್ಕಾರ್ - ಕೊಂಕಣಿ ಮೌಲ್ಯಾಧಾರಿತ್ ಪತ್ರಿಕೋಧ್ಯಮ್)
ಬಾಬ್ ಬರ್ನಾಡ್ ಜೆ. ಕೊಸ್ತಾ, ಕುಂದಾಪುರ್ (ಕೊಂಕಣಿ ನಾಟಕ್, ಸಾಹಿತ್ಯ್ ಆನಿ ಡಿಜಿಟಲ್ ಪತ್ರಿಕುಧ್ಯಮ್)
ಬಾಯ್ ಕ್ಲಾರಾ ಡಿಕುನ್ಹಾ ಅರುಣ್, ಅಜೆಕಾರ್ (ಸಮಾಜ್ ಸೆವಾ)
ಬಾಬ್ ರೋಹಿತ್ ಸಾಂಕ್ತುಸ್ (ಸಮಾಜ್ ಸೆವಾ)
ಬಾಬ್ ಕ್ರಿಸ್ಟೋಫರ್ ಡಿ’ಸೋಜ, ನೀನಾಸಮ್ (ಕೊಂಕಣಿ ನಾಟಕ್ ಆನಿ ಪ್ರಯೋಗ್)
ಬಾಬ್ ವಿಲ್ಸನ್ ಡಿಸೋಜ್, ಕಯ್ಯಾರ್ (ಕಲಾ ಸಾಧನ್)
ಬಾಬ್ ಸ್ಯಾಮ್ಸನ್ ಲೋಪೆಜ್, ಹೊನ್ನಾವರ್ (ಕೊಂಕಣಿ ತಿಯಾತ್ರ್ ಆನಿ ಸಂಗೀತ್)
ಬಾಯ್ ರೆಮೋನಾ ಇವೆಟ್ ಪಿರೇರಾ, ಮಂಗ್ಳುರ್ (ನಾಚ್)
ಬಾಬ್ ಗ್ಲ್ಯಾನಿಶ್ ಮಾರ್ಟಿಸ್, ಅಲಂಗಾರ್ (ಕೊಂಕಣಿ ಸಾಹಿತ್ಯ್)

आशावादी प्रकाशनाच्या रुप्यॊत्सवाचो पुरस्कार आनीं मान

Ashawadi Prakashan's Silver Jubilee - Awards and Honours Declared