|
ಲಾರೆನ್ಸ್ ವಿನೋದ್ ಬಾರ್ಬೋಜ್ -
ಪಯ್ಣಾರಿ.ಕೊಮ್ಚೊ ನವೊ ಸಹಾಯಕ್-ಸಂಪಾದಕ್
ಕೊಂಕಣಿ ಬರವ್ಪಿ, ಕಾರ್ಯೆಂ ನಿರ್ವಾಹಕ್ ಲಾರೆನ್ಸ್ ವಿನೋದ್
ಬರ್ಬೋಜ್ ಶಿರ್ವಾಂ (ಆತಾಂ ಮ್ಯಾಂಚೆಸ್ಟರ್),
ಪಯ್ಣಾರಿ.ಕೊಮ್ಚೊ 2026 ಥಾವ್ನ್ 2029 ಆವ್ದೆಚೊ
ಸಹಾಯಕ್-ಸಂಪಾದಕ್ ಜಾವ್ನ್ ವಿಂಚೊನ್ ಆಯ್ಲಾ. ಪಾಟ್ಲ್ಯಾ ಧಾ
ವರ್ಸಾಂನಿ ಪಯ್ಣಾರಿ, ವೀಜ್ ಇ-ಪತ್ರ್, ಕಿಟಾಳ್ ತಶೆಂಚ್
ಕೊಂಕಣಿಚ್ಯಾ ನೆಮಾಳ್ಯಾಂನಿ ಅಪ್ಲ್ಯಾ ಬರ್ಪಾಂನಿ ಲೊಕಾಕ್
ಒಳ್ಕಿಚೊ ಲಾರೆನ್ಸ್ ವಿನೋದ್ ಬಾರ್ಬೋಜ್ ಮುಳಾನ್ ಶಿರ್ವಾಂ
ಫಿರ್ಗಜಿಚೊ. ಪ್ರಸ್ತುತ್ ಯು.ಕೆ.ಂತ್ಲ್ಯಾ
ಮ್ಯಾಂಚೆಸ್ಟರಾಂತ್ ಅಪ್ಲ್ಯಾ ಕುಟ್ಮಾಸವೆಂ ವಸ್ತಿ ಕರುನ್
ಆಸಾ. ಪಯ್ಣಾರಿ ಮಯ್ನ್ಯಾಚೊ ಕವಿ ತಶೆಂಚ್ ಪಯ್ಣಾರಿ-ವೀಜ್
ರಾಷ್ಟ್ರೀಯ್ ಮಟ್ಟಾಚ್ಯಾ ಸಾಹಿತಿಕ್ ಸ್ಪರ್ಧ್ಯಾಂತ್ ಇನಾಮ್
ಜೊಡ್ಪಿ ಜಾವ್ಸಾಸಾ.
ಹ್ಯಾ ಆಧಿಂ ಸಹಾಯಕ್-ಸಂಪಾದಕ್
ಜಾವ್ನ್ ವಾವ್ರ್ ಕೆಲ್ಲಿಂ;
ಪ್ರಿಯಾ ಸಿಕ್ವೇರಾ ಫೆರಾರ್
(ಸಹಾಯಕ್-ಸಂಪಾದಕ್: ದಾಯ್ಜ್.ಕೊಮ್: 2003-2005)
ಮೆಲ್ವಿನ್ ಜೆ. ವಾಸ್ ಕೆಲರಾಯ್
(ಸಹಾಯಕ್-ಸಂಪಾದಕ್: ದಾಯ್ಜ್.ಕೊಮ್: 2005-2009)
ನಜ್ರೆತ್ ನೆರಿ ತಾಕೊಡೆ
(ಸಹಾಯಕ್-ಸಂಪಾದಕ್: ಪಯ್ಣಾರಿ.ಕೊಮ್: 2015-2018)
ಪ್ರಸನ್ನ್ ನಿಡ್ಡೊಡಿ ಮಿರಾರೋಡ್
(ಸಹಾಯಕ್-ಸಂಪಾದಕ್: ಪಯ್ಣಾರಿ.ಕೊಮ್: 2019-2022)
ಶಯ್ಲೇಂದ್ರ ಮೆಹ್ತಾ
(ಸಹಾಯಕ್-ಸಂಪಾದಕ್: ಪಯ್ಣಾರಿ.ಕೊಮ್: 2022-2025)
ಕೊಂಕಣಿ ಭಾಸೆಕ್ (ಸಾಹಿತ್ಯ್ ಪ್ರತ್ಯೇಕ್ ಥರಾನ್)
ಡಿಜಿಟಲ್ ಮಾಧ್ಯಮಾಂತ್ ಮುಖಾರ್ ವರುಂಕ್ ಆಶಾವಾದಿ
ಪ್ರಕಾಶನಾಚ್ಯಾ ಮಿಸಾಂವಾಂತ್ ಹಾಣಿಂ ಕೆಲ್ಲ್ಯಾ ವಾವ್ರಾಕ್
ಧಿನ್ವಾಸ್ ಪಾಠಯ್ತಾ.
| 
