[ಖಬರ್] ಕಾಳ್ಜಾ ಭಿತರ್ಲೆ ರಂಗ್ ಕವಿತಾ ಪುಂಜೊ ಮೊಕ್ಳಿಕ್

17 ದಸೆಂಬರ್ 2023 (ಮಂಗ್ಳುರ್): "ತೀಸ್ ಚಾಳೀಸ್ ವರ್ಸಾಂ ಆದಿಂ ಅವಿಲ್ ರಸ್ಕೀನ್ಹಾನ್ ಕೊಂಕ್ಣಿ ಪತ್ರಿಕುದ್ಯಮಾಕ್ ವ್ಹಡ್ ಮಾಪಾನ್ ಸೆವಾ ದಿಲ್ಯಾ. ಎಕಾ ನಿರ್ದಿಷ್ಟ್ ಧ್ಯೇಯ್ ಧೋರಣಾಖಾಲ್, ಸರ್ವಾಂಚ್ಯಾ ಮೆಚ್ವೊಣೆಕ್ ಪಾತ್ರ್ ಜಾಂವ್ಚೆಪರಿಂ ತಾಣೆಂ 'ಕಾಣಿಕ್' ಪತ್ರ್ ಚಲಯಿಲ್ಲೆಂ. ವೀಸ್ ವರ್ಸಾಂಚ್ಯಾ ಪತ್ರಿಕುದ್ಯಮ್ ವಾವ್ರಾಂತ್ ಸಬಾರ್ ಯುವ ಲೇಖಕಾಂಕ್ ಅವಿಲ್ ರಸ್ಕೀನ್ಹಾನ್ ಫ್ರೋತ್ಸಾಹ್ ದಿಲಾ. ಮ್ಹಜ್ಯಾ ಯುವಪ್ರಾಯೆರ್ ಬರಯಿಲ್ಲ್ಯೊ ಥೊಡ್ಯೊ ಕಾಣಿಯೊ ಕಾಣಿಕ್ ಪತ್ರಾರ್ ಪರ್ಗಟುಂಕ್ ತಾಚೆಲಾಗಿಂ ದಿಲ್ಲ್ಯೊ. ಮ್ಹಾಕಾಯೀ ಸಾಹಿತಿಕ್ ವಾವ್ರಾಂತ್ ತಾಚೆಂ ಥಾವ್ನ್ ಫ್ರೋತ್ಸಾಹ್ ಲಾಭ್ಲಾ. ಆತಾಂ ತಾಣೆಂ ಬರಯಿಲ್ಲ್ಯಾ ಕವಿತಾಚೆಂ ಪುಸ್ತಕ್ ಉಗ್ತಾವಣ್ ಕರುಂಕ್ ಮ್ಹಾಕಾ ಭೋವ್ ಚಡ್ ಸಂತೊಸ್ ಭಗ್ಲೊ. ತಾಚ್ಯಾ ಸಾಹಿತಿಕ್ ವಾವ್ರಾಕ್ ಜಯ್ತ್ ಹಾಂವ್ ಆಶೆತಾಂ" ಮ್ಹಣ್ ದಾಯ್ಜಿ ವ್ಹರ್ಲ್ಡ್ ಟಿ. ವಿ. ಚೊ ಮುಖ್ಯಸ್ತ್ ವಾಲ್ಟರ್ ನಂದಳಿಕೆ ಸಾಂಗಾಲಾಗ್ಲೊ.

ಅವಿಲ್ ರಸ್ಕೀನ್ಹಾಚೆಂ 'ಕಾಳ್ಜಾ ಭಿತರ್ಲೆ ರಂಗ್' ಉಗ್ತಾವಣ್ ಕರುನ್ ತೊ ಉಲಯ್ತಾಲೊ.'ಶತಮಾನಾಚಿ ಗಾವ್ಪಿಣ್' ಶ್ರೀಮತಿ ಮೀನಾ ರೆಬಿಂಬಸ್, ಆದ್ಲೊ ಸೆವಕ್ ಸಂಪಾದಕ್ ಬಾಪ್ ರೋಶನ್ ಕಾಪುಚಿನ್, ಬೆಳ್ಳೂರ್ ಫಿರ್ಗಜ್ ವಿಗಾರ್ ಬಾಪ್ ಪ್ಯಾಟ್ರಿಕ್ ಸಿಕ್ವೇರಾ, ಹಾಣಿಂ ಸರ್ವಾಂನಿ ಬರೆಂ ಮಾಗೊನ್ ಕವಿ ಅವಿಲ್ ರಸ್ಕೀನ್ಹಾ ಹಾಂಕಾಂ ಉಲ್ಲಾಸಿಲೆಂ.

ಡೋನ್ ಬೊಸ್ಕೊ ಸಭಾಸಾಲ್ ಮಂಗ್ಳುರ್ ಹಾಂಗಾಸರ್ ಸಾಂಜೆರ್ 4:30 ಥಾವ್ನ್ 6 ಪರ್ಯಾಂತ್ ಚಲ್‌ಲ್ಲ್ಯಾ ಹ್ಯಾ ಕಾರ್ಯಾಂತ್ ನಾಮ್ನೆಚೆ ಕೊಂಕಣಿ ಬರಯ್ಣಾರ್ ರಿಚ್ಚಿ ಪಿರೇರ್, ನವೀನ್ ಕುಲ್ಶೇಕರ್, ಎಚ್ಚೆಮ್ ಪೆರ್ನಾಲ್, ಮಾವ್ರಿಸ್ ಶಾಂತಿಪುರ್, ಸಮಾಜ್ ಸೆವಕ್ ಜೆರಾರ್ಡ್ ಟವರ್ಸ್ ಆನಿ ಹೆರ್ ಹ್ಯಾ ಕಾರ್ಯಾಂತ್ ಹಾಜರ್ ಆಸ್ಲೆ. ಜಿಯೋ ಅಗ್ರಾರ್ ಹಾಣಿಂ ಕಾರ್ಯೆಂ ಚಲವ್ನ್ ವ್ಹೆಲೆಂ. ಪಂಚು, ಬಂಟ್ವಾಳ್ ಹಾಣಿಂ ಸರ್ವಾಂಕ್ ಸ್ವಾಗತ್ಸಿಲೆಂ. ವಲ್ಲಿ ಕ್ವಾಡ್ರಸ್ ಹಾಣಿಂ 'ಕಾಳ್ಜಾ ಭಿತರ್ಲೆ ರಂಗ್' ಕವಿತಾ ಬೂಕಾವಿಶಿಂ ಪ್ರಸ್ತಾವನ್ ಕೆಲೆಂ. ಶ್ರೀಮತಿ ಮಾರಿಯೆಟ್ ರಸ್ಕೀನ್ಹಾ ಹಿಣೆಂ ಸರ್ವಾಂಚೊ ಅಭಾರ್ ಮಾಂದ್ಲೊ.

 ಖಬರ್: ಮಾರಿಯೆಟ್ ರಾಸ್ಕಿನ್ಹಾ

[खबर] काळजा भितरले रंग कविता पुंजो मोकळीक

१७ दसेंबर २०२३ (मंगळूर): "तीस चाळीस वर्सां आदीं अवील रसकीन्हान कोंकणी पत्रिकुद्यमाक व्हड मापान सेवा दिल्या. एका निर्दिषट ध्येय धोरणाखाल, सर्वांच्या मेचवोणेक पात्र जांवचेपरीं ताणें 'काणीक' पत्र चलयिल्लें. वीस वर्सांच्या पत्रिकुद्यम वावरांत सबार यूव लेखकांक अवील रसकीन्हान फ्रोत्साह दिला. म्हज्या युवपरायेर बरयिल्ल्यो थोड्यो काणियो काणीक पत्रार पर्गटुंक ताचेलागीं दिल्ल्यो. म्हाकायी साहितीक वावरांत ताचें थावन फ्रोत्साह लाभला. आतां ताणें बरयिल्ल्या कविताचें पुसतक उग्तावण करुंक म्हाका भोव चड संतोस भगलो. ताच्या साहितीक वावराक जयत हांव आशेतां" म्हण दायजी व्हरल्ड टी. वी. चो मुख्यसत वाल्टर नंदळिके सांगालागलो.

अवील रसकीन्हाचें 'काळजा भितरले रंग' उग्तावण करून तो उलयतालो.'शतमानाची गावपीण' श्रीमती मीना रेबिंबस, आदलो सेवक संपादक बाप रोशन कापुचीन, बेळ्ळूर फिर्गज विगार बाप प्याट्रीक सिकवेरा, हाणीं सर्वांनी बरें मागोन कवी अवील रसकीन्हा हांकां उल्लासिलें.

डोन बोसको सभासाल मंगळूर हांगासर सांजेर ४:३० थावन ६ पऱ्यांत चल‌ल्ल्या ह्या काऱ्यांत नाम्नेचे कोंकणी बरयणार रिच्ची पिरेर, नवीन कुलशेकर, एच्चेम पेर्नाल, मावरीस शांतिपूर, समाज सेवक जेरार्ड टवर्स आनी हेर ह्या काऱ्यांत हाजर आसले. जियो अग्रार हाणीं काऱ्यें चलवन व्हेलें. पंचू, बंटवाळ हाणीं सर्वांक स्वागत्सिलें. वल्ली क्वाड्रस हाणीं 'काळजा भितरले रंग' कविता बूकाविशीं प्रसतावन केलें. श्रीमती मारियेट रसकीन्हा हिणें सर्वांचो अभार मांदलो.

आमचो मारियेट रासकिन्हा

[Khobor] Kallza Bhitorle Rong Kovita Punzo Mokllik

17 Dosembor 2023 (Mongllur): "Tis challis vorsam adim Avil Rasquinhan konknni potrikudyomak vhodd mapan seva dilea. Eka nirdixtt dhyey dhoronnakhal, sorvanchea mechvonnek patr zamvcheporim tannem 'Kannik' potr choloyil'lem. Vis vorsanchea potrikudyom' vaurant sobar yuvo lekhokank Avil Rasquinhan frotsah dila. Mhojea yuvoprayer boroyil'leo thoddeo kannio kannik potrar porgottunk tachelagim dil'leo. Mhakayi sahitik vaurant tachem thaun frotsah labhla. Atam tannem boroyil'lea kovitachem pustok ugtaunn korunk mhaka bhovo chodd sontos bhoglo. Tachea sahitik vaurak zoit hamv axetam" mhonn daiji vhorldd tti. Vi. Cho mukhyost Walter Nandalike sangalaglo.

Avil Rasquinhachem 'Kallza Bhitorle Rong' ugtaunn korun to uloitalo.'xotomanachi gaupinn' Xrimoti Meena Rebimbus, adlo seuk sompadok Bap Roshan Kapuchin, Bell'llur firgoz vigar Bap Patrick Sequeira, hannim sorvamni borem magon kovi Avil Rasquinha hankam ul'lasilem.

Don Bosco sobhasal Mongllur hangasor sanjer 4:30 thaun 6 poreant chol‌l'lea hea kareant namneche Konkonni boroinnar Richie Pereir, Naveen Kulshekar, HM Pernal, Maurice Shantipur, somaz seuk Gerard Towers ani her hea kareant hazor asle. Geo Agrar hannim karyem choloun vhelem. Panchu Bantwal hannim sorvank svagotsilem. Valley Quadros hannim 'Kallza Bhitorle Rong' kovita bukavixim prostaun kelem. Xrimoti Mariette Rasquinha hinnem sorvancho obhar mandlo.

Khobor: Marriette Rasquinha