|
ಕೊಂಕಣ (ಕೊಂಕಣಿ ಕಲ್ಚರಲ್ ಎಸೋಸಿಯೇಶನ್ ನವಿಮುಂಬಯ್)ಚೊ
ಪಯ್ಲೊ ವಾರ್ಶಿಕೋತ್ಸವ್
ನವಿ ಮುಂಬಯ್ (3
ಫೆಬ್ರೆರ್): ಕೊಂಕಣ (ಕೊಂಕಣಿ ಕಲ್ಚರಲ್ ಎಸೋಸಿಯೇಶನ್, ನವಿ
ಮುಂಬಯ್) ಸಂಘಟನಾಚೊ ಪಯ್ಲೊ ವಾರ್ಶಿಕೋತ್ಸವ್, ಫೆಬ್ರೆರ್ 3
ತಾರಿಕೆರ್, ’ಅವರ್ ಲೇಡಿ ಆಫ್ ವಿಜಿಟೇಶನ್ ಇಗರ್ಜ್ -
ಸೀವುಡ್ಸ್ ನೆರುಳ್’ ಹಾಂಗಾಸರ್ ವರ್ತ್ಯಾ ದಭಾಜಾನ್ ಕೆಲೊ.
ನಾಮ್ಣೆಚೊ ಕೊಂಕ್ಣಿ ಕವಿ, ವಾವ್ರಾಡಿ ಮಾಣೆಸ್ತ್ ಆನ್ಸಿ
ಪಾಲಡ್ಕಾ ಮುಖೆಲ್ ಸಯ್ರೊ ಜಾವ್ನ್ ಹಾಜರ್ ಆಸ್ಲೊ. ಅಧ್ಯಕ್ಷ್
ಮಾನೆಸ್ತ್ ರಿಚಾರ್ಡ್ ಡಿ’ಸೋಜಾನ್ ಆನ್ಸಿನ್ ಪಾಟ್ಲ್ಯಾ
ಪಂಚ್ವೀಸ್ ವರ್ಸಾಂನಿ ಕೊಂಕ್ಣೆಚ್ಯಾ ವೆವೆಗ್ಳ್ಯಾ ಶೆತಾಂತ್
ದಿಲ್ಲ್ಯಾ ಸೆವೆಚಿ ವಳೊಕ್ ಕರುನ್ ದಿತಚ್, ಆನ್ಸಿನ್
ಅಪ್ಲ್ಯಾ ಉಲವ್ಪಾಂತ್, ಆಮ್ಚ್ಯಾ ಭುರ್ಗ್ಯಾಂಕ್ ಆಮಿ
ಕೊಂಕ್ಣಿ ಶಿಕಂವ್ಚಿ, ತಾಂಚೆಲಾಗಿಂ ಕೊಂಕ್ಣೆಂತ್ ಉಲಂವ್ಚಿ
ಗರ್ಜ್ ಆಸಾ ಮ್ಹಣಾಲೊ.
ಉಪ್ರಾಂತ್ ಚಲ್‌ಲ್ಲ್ಯಾ ಸಾಂಸ್ಕೃತಿಕ್ ಕಾರ್ಯಾಂತ್
’ಕೊಂಕಣ’ ಸಾಂದ್ಯಾಂನಿ ಕೊಂಕಣಿ ಪದಾಂ, ಫೊಕಾಣಾಂ ಪ್ರೇಕ್ಷಕಾಂ
ಹುಜಿರ್ ಪ್ರಸ್ತುತ್ ಕೆಲಿಂ. ಉಪ್ರಾಂತ್ ರಿಚಾರ್ಡ್
ಡಿ’ಸೋಜನ್ ಬರವ್ನ್ ನಿರ್ದೇಶನ್ ದಿಲ್ಲೊ ಕೊಂಕ್ಣಿ ನಾಟ್ಕುಳೊ
’ಸೆಜಾರ್‍ಯಾಚಿ ಕೊಂಬಿ’ ಸಂಘಟನಾಚ್ಯಾ ಸಾಂದ್ಯಾಂನಿ ಖೆಳವ್ನ್
ಧಾಖಯ್ಲೊ.
ಜೆರಾಲ್ ಕಾರ್‍ಯದರ್ಶಿ ಮಾನೆಸ್ತ್ ಲ್ಯಾನ್ಸಿ ಪಿಂಟೊನ್
ಉಪ್ಕಾರ್ ಆಟವ್ಣೆಚೆಂ ಕಾರ್‍ಯೆಂ ಚಲವ್ನ್ ವೆಲೆಂ. ಅಖೇರಿಕ್
ಜೆವ್ಣಾಸವೆಂ ಪಯ್ಲ್ಯಾ ವರ್ಸಾಚೆಂ ಆಚರಣ್ ಸಂಭ್ಲೆಂ.
ಭಾತ್ಮಿ: ರಿಚಾರ್ಡ್ ಡಿ’ಸೋಜ್ | 
