ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಅನುಮತೀ (- ಉರ್ಜಿತಾ ಭೊಬೆ)

ಹಿ ಸಮಾಜ್ ಆನಿ ಸಮಾಜೆಚ್ಯೊ ರೆಗ್ರೊ ಕಶೆಂ ಮನ್ಶಾಕ್ ಭಿತರ್ಲೆ ಭಿತರ್ ಕಯ್ದಿ ಕರ್ತಾ ಆನಿ ಅಪ್ಲ್ಯಾ ಮನಾಂತ್ಲೆಂ ಸಪಣ್ ಜಿಯೆಂವ್ಕ್ ವೆವೆಗ್ಳ್ಯೊ ಮೆರೆಂನಿ ಉರಯ್ತಾ?
"ಸ್ವಾತಂತ್ರ್ ಮ್ಹಳ್ಯಾರ್ ಆಮ್ಚೆಭಿತರ್ ಆಸ್ಚೊ ಅತ್ಮೊ ಸೊಧುನ್ ಕಾಡ್ಚೆಂ ಧಯ್ರ್, ಆನಿ ಪರತ್ ಸಪ್ಣಾಂ ಪಳೆಂವ್ಚೆಂ ತಶೆಂಚ್ ಆಮ್ಕಾಂ ಪಾಟಿಂ ಉರಂವ್ಚ್ಯಾ ಭಾಂದಾಂಕ್ ಸುಟಂವ್ಚೆಂ ಮನ್" ಹಾಂಗಾಸರ್‌ಯೀ ಅಸಲೆಂಚ್ ಧಯ್ರ್ ಹ್ಯಾ ಕವಿತೆಂತ್ ದಿಸೊನ್ ಯೆತಾ.

ಬಾಯ್ ಉರ್ಜಿತಾ ಭೊಬೆ ಎಕ್ ಸಂವೇದನ್‌ಶೀಳ್ ಕವಿ. ಹಿಚೆಂ ಆಯ್ಲೆವಾರ್ ಲೊಕಾರ್ಪಣ್ ಜಾಲ್ಲೆಂ ಪುಸ್ತಕ್ ’ಅಂತರ್ ಮನ್’ ಕವಿತೆಂನಿ ಸಯ್ತ್ ಹ್ಯಾ ಮನಾಂತ್ಲ್ಯಾ ಎಕೆಕಾ ಸಪ್ಣಾಂಚ್ಯಾ ಎಕೆಕಾ ರುಪಾಕ್ ಭೋವ್ ನಜೂಕ್ ರಿತಿನ್ ಉತ್ರಾಯಿಲ್ಲೆಂ ದಿಸೊನ್ ಯೆತಾ. ಹಿ ಖವಿತ ಸಯ್ತ್ ಸುಟ್ಕಾ ಆಶೆತೆಲ್ಯಾ ಮತಿಕ್ ಉಭೊಂಕ್ ಪಾಕಟೆ ದಿಂವ್ಚಾಂತ್ ಕಾಂಯ್ ಪಾಟಿಂ ಉರನಾ.

- ಸಂ

[ಕವಿತಾ] ಅನುಮತೀ (- ಉರ್ಜಿತಾ ಭೊಬೆ)

ಅನುಮತೀ ಹಾಲೀಂಸರಾಕ್ ಕಾಳೀಜ್ ಮ್ಹಜೆಂ ಆಡ್ಡೂನ್ ಆಡ್ಡೂನ್ ಸಾಂಗತಾ ಮ್ಹಾಕಾ ಜಿವೀತ್ ಜಗೂನ್ ಪಳಯ್ ತರೀ ಸಪನಾ ಪಳೊಂವಕ್ ಭಿಯೆವ್ ನಾಕಾ ರಂಗ್ ಭರ್ ಗೊ ಜಿವೀತಾಂತ್ ಹ್ಯಾ ಪಡಲಾಂ ಕಶೆಂ ರಂಗಾ ವಿಣೆ ಎಕಟೆಪಣಾಕ್ ಉಪಾಯ್ ತೂಂ ಸೊದ್ ಮೊಗಾನ್ ಫುಲಯ್ ತುಜೆಂ ಜೀಣೆ ತುಜೀ ತುಕಾಚ್ ಸೂಟ್ ದೀ ಗೊ ಮೆಕಳೆಂ ಜಿವೀತ್ ಜಿಯೆವಪಾಚೀ ತುಜೀಂ ತುಕಾಚ್ ಲಾಯ್ ಗೊ ಪಾಖಾಂ ಗರಜ್ ಕಿದೆಂ ಭಿಯೆವಪಾಚೀ ಲಾಗೀಂ ಒಡ್ ಗೊ ಮೊಗಾನ್ ತುಕಾಚ್ ಮೆಳಟಾ ಜೆನ್ನಾ ತುಕಾ ಸವಡ್ ಘೊಟಾನ್ ಘೊಟ್ ಸುಖ್ ಗೊ ಪಿಯೆ ತೂಂ ತುಜ್ಯಾಚ್ ಮೊಗಾನ್ ಗೊ ಪಡ್ ತುಜೆ ತುಕಾಚ್ ಘೆ ಗೊಪಾಂತ್ ವಿಸರ್ ರೂಢೀ ಸೊಡ್ ರಿತೀ ’ತೂಂ’ ಫಕತ್ ’ತೂಂ’ಚ್ ಜಾ ಗೊ ಘೆ ತುಜೀಚ್ ಅನುಮತೀ - ಉರ್ಜಿತಾ ಭೊಬೆ. [ಎಪ್ರಿಲ್, 2026]

	ಉರ್ಜಿತಾ ಭೊಬೆ: ಸಾಹಿತಿಕ್ ಅಭಿರುಚ್ ಆಸ್ಚಿ ಗೊಂಯ್ಚಿ ಉರ್ಭೆವಂತ್ ಕವಯತ್ರಿ ಹಿ. ಕವಿಸಮ್ಮೇಳನಾಂನಿ ತಿ ಕಾರ್ಯಾಳ್. ಹೆರ್ ಭಾಸೆಂತ್ಲಿಂ ಕವಿತಾ ಸಯ್ತ್ ವಾಸ್ಚಿ ಅಭಿರುಚ್ ಆಸ್ಚ್ಯಾ ಹಿಚೊ ಫುಡ್ಲದ್ ಕವಿತಜಮೊ ’ಉರ್ಜಾಸ್ರೋತ್ (2018), ’ಅಂತರ್‌ನಾದ್ (2021), ಪರ್ಗಟ್ ಜಾಲ್ಯಾತ್. ಕೊಂಕಣಿ ಕವಿತೆಂನಿ ನವಿ ಸಕತ್ ಭರ್ಚೆ ದಿಶೆನ್ ಬಾಯ್ ಉರ್ಜಿತಾ ವಾವ್ರ್ ಕರುನ್ ಆಸಾ. ಪಯ್ಣಾರಿ-ವೀಜ್ ಸಾಹಿತಿಕ್ ಸ್ಪರ್ಧೊ 2018 ಚೆರ್ ಹಿಚ್ಯಾ ಕವಿತೆಕ್ ದುಸ್ರೆಂ ಇನಾಮ್, ಪಯ್ಣಾರಿ-ವೀಜ್ ಸಾಹಿತಿಕ್ ಸ್ಪರ್ಧೊ 2019 ಚೆರ್ ಪಯ್ಲೆಂ ಇನಾಮ್ ಲಾಭ್ಲಾಂ.
[kovita] Onumoti* (- Urjitha Bhobe)*
Hi somaz ani somajecheo regro koxem monxak bhitorle bhitor koidi korta ani oplea monantlem soponn jieunko veveglleo meremni uroita? "svatontr mhollear amchebhitor ascho otmo sodhun kaddchem dhoir, ani porot sopnnam pollemvchem toxench amkam pattim uromvchea bhandank suttomvchem mon" hangasor‌yi osolench dhoir hea kovitent dison yeta. Bai urjita bhobe ek somvedon‌xill kovi. Hichem ailevar lokarponn zal'lem pustok ’ontor mon’ kovitemni soit hea monantlea ekeka sopnnanchea ekeka rupak bhovo nozuk ritin utrayil'lem dison yeta. Hi khovito soit suttka axetelea motik ubhonk pakotte dimvchant kaim pattim urona. - Som
[kovita] Onumoti* (- Urjitha Bhobe)*
Onumoti halimsorak kalliz mhojem add'ddun add'ddun sangota mhaka jivit zogun polloi tori sopona pollomvok bhievo naka rong bhor go jivitant hea poddolam koxem ronga vinne ekotteponnak upai tum sod mogan fuloi tujem jinne tuji tukach sutt di go mekollem jivit jieupachi tujim tukach lai go pakham goroz kidem bhieupachi lagim odd go mogan tukach mellotta jen'na tuka soudd ghottan ghott sukh go pie tum tujeach mogan go podd tuje tukach ghe gopant visor ruddhi sodd riti ’tum’ fokot ’tum’ch za go ghe tujich onumoti - Urjita Bhobe. [Aug, 2026]

	Urjita Bhobe: Sahitik obhiruch aschi gõychi urbheunt kouyotri hi. Kovisom'mellonamni ti kareall. Her bhasentlim kovita soit vaschi obhiruch aschea hicho fuddlod kovitozomo ’Urzasrot (2018), 'Ontornad (2021)’ porgott zaleat. Konkonni kovitemni novi sokot bhorche dixen bai urjita vaur korun asa. Poinnari-viz sahitik spordho 2018 cher hichea kovitek dusrem inam' labhlam. Poinnari-viz sahitik spordho 2019 cher poilem inam' labhlam.
[कविता] अनुमती (- उर्जिता भोबे)
ही समाज आनी समाजेच्यो रेग्रो कशें मनशाक भितरले भितर कयदी कर्ता आनी अपल्या मनांतलें सपण जियेवंक वेवेगळ्यो मेरेंनी उरयता? "स्वातंत्र म्हळ्यार आमचेभितर आसचो अत्मो सोधून काडचें धयर, आनी परत सपणां पळेंवचें तशेंच आमकां पाटीं उरंवच्या भांदांक सुटंवचें मन" हांगासर‌यी असलेंच धयर ह्या कवितेंत दिसोन येता. बाय उर्जिता भोबे एक संवेदन‌शीळ कवी. हिचें आयलेवार लोकार्पण जाल्लें पुसतक ’अंतर मन’ कवितेंनी सयत ह्या मनांतल्या एकेका सपणांच्या एकेका रुपाक भोव नजूक रितीन उत्रायिल्लें दिसोन येता. ही खवीत सयत सुटका आशेतेल्या मतीक उभोंक पाकटे दिंवचांत कांय पाटीं उरना. - सं
[कविता] अनुमती (- उर्जिता भोबे)
अनुमती हालींसराक काळीज म्हजें आड्डून आड्डून सांगता म्हाका जिवीत जगून पळय तरी सपना पळोंवक भियेव नाका रंग भर गो जिवीतांत ह्या पडलां कशें रंगा विणे एकटेपणाक उपाय तूं सोद मोगान फुलय तुजें जीणे तुजी तुकाच सूट दी गो मेकळें जिवीत जियेवपाची तुजीं तुकाच लाय गो पाखां गरज किदें भियेवपाची लागीं ओड गो मोगान तुकाच मेळटा जेन्ना तुका सवड घोटान घोट सूख गो पिये तूं तुज्याच मोगान गो पड तुजे तुकाच घे गोपांत विसर रूढी सोड रिती ’तूं’ फकत ’तूं’च जा गो घे तुजीच अनुमती - उर्जिता भोबे. [एप्रील, २०२६]

	उर्जिता भोबे: साहितीक अभिरूच आसची गोंयची उर्भेवंत कवयत्री ही. कविसम्मेळनांनी ती काऱ्याळ. हेर भासेंतलीं कविता सयत वासची अभिरूच आसच्या हिचो फुडलद कवितजमो ’उर्जास्रोत (२०१८), ’अंतर‌नाद (२०२१), पर्गट जाल्यात. कोंकणी कवितेंनी नवी सकत भर्चे दिशेन बाय उर्जिता वावर करून आसा. पयणारी-वीज साहितीक स्पर्धो २०१८ चेर हिच्या कवितेक दुस्रें इनाम लाभलां. पयणारी-वीज साहितीक स्पर्धो २०१९ चेर पयलें इनाम लाभलां.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.