![]() |
 |
|
ಗೊಂಯಾಂತ್ ಕೊಂಕಣಿ ಮೊಟ್ವ್ಯಾ ಕಥೆಂಚೆರ್ ರಾಷ್ಟ್ರೀಯ್
ಪರಿಸಂವಾದ್ |
20 ಫೆಬ್ರೆರ್ 2026: ಆಶಾವಾದಿ ಪ್ರಕಾಶನ್ ಆನಿ ಫಾದರ್
ಆಗ್ನೆಲ್ ಕೊಲೆಜ್ ಪಿಲಾರ್ ಗೊಂಯ್ ಹಾಂಚ್ಯಾ ಜೊಡ್ ಪಾಲವಾನ್
ಆಯೋಜಿತ್ ಕೆಲ್ಲೆಂ ’ಕೊಂಕಣಿ ಮೊಟ್ವ್ಯಾ
ಕಥೆಂಚೆರ್ ರಾಷ್ಟ್ರೀಯ್ ಪಾಂವ್ಡಾಚೆಂ ಪರಿಸಂವಾದ್’
ಫೆಬ್ರೆರ್ 20 ತಾರಿಕೆರ್ ಗೊಂಯ್ಚ್ಯಾ ಪಿಲಾರಾಂತ್ಲ್ಯಾ
ಫಾದರ್ ಆಗ್ನೆಲ್ ಕೊಲೆಜಿಚ್ಯಾ ಸಭಾಂಗ್ಣಾಂತ್ ಚಲ್ಲೆಂ.
ಡೊ. ಚಂದ್ರಲೇಖ ಡಿಸೋಜಾಚ್ಯಾ
ಅಧ್ಯಕ್ಷ್ಪಣಾಖಾಲ್ ಚಲ್ಲೆಲ್ಯಾ ಹ್ಯಾ ಪರಿಸಂವಾದಾಂತ್
ರೋಮಿ ಲಿಪಿಂತ್ಲ್ಯೊ ಕೊಂಕಣಿ ಮೊಟ್ವ್ಯೊ ಕಥಾ-ಚೆರ್
ಬಾಬ್ ವಿನ್ಸಿ ಕ್ವಾಡ್ರಸಾನ್ ಅಪ್ಲೆಂ
ಪ್ರಪತ್ರ್ ಸಾದರ್ ಕೆಲೆಂ,
ನಾಗರಿ ಲಿಪಿಯೆಂತ್ಲ್ಯೊ ಮೊಟ್ವ್ಯೊ ಕಥಾ-ಚೆರ್
ಬಾಬ್ ಶೈಲೇಂದ್ರ ಮೆಹ್ತಾನ್ ಅಪ್ಲೆಂ ಪ್ರಪತ್ರ್
ಸಾದರ್ ಕೆಲೆಂ.
ಕನ್ನಡ ಲಿಪಿಂತ್ಲ್ಯೊ ಮೊಟ್ವ್ಯೊ ಕಥಾ-ಚೆರ್ ಬಾಬ್
ವಲ್ಲಿ ಕ್ವಾಡ್ರಸಾನ್ ಅಪ್ಲೆಂ ಪ್ರಪತ್ರ್ ಸಾದರ್
ಕೆಲೆಂ.
ಡೊ. ಚಂದ್ರಲೇಖ ಡಿಸೋಜಾನ್ ಅಪ್ಲ್ಯಾ ಉಲವ್ಪಾಂತ್ "ಕೊಂಕಣಿ
ಲಿಪಿಂಚ್ಯೊ ಗಡಿ ಉತ್ರೊನ್’ ಗೆಲ್ಯಾರ್ ಮಾತ್ರ್ ಕೊಂಕಣಿಚಿ
ಸಮಗ್ರ್ ವಾಡಾವಳ್ ಸಾಧ್ಯ್ ಆಸಾ. ಲಿಪಿಂ ಮಧೆಂ ಸಾಂಕವ್
ಭಾಂದ್ಚೊ ಗರ್ಜ್ ಆಸಾ ಆನಿ ಆಶಾವಾದಿ ಪ್ರಕಾಶನಾಚ್ಯಾ
ಪಾಟ್ಲ್ಯಾ ಕಾಂಯ್ ವರ್ಸಾಂನಿ ಹ್ಯಾ ದಿಶೆನ್ ಚಲ್ಲೆಲ್ಯಾ
ವಾವ್ರಾಕ್ ಲಾಗೊನ್ ಆಜ್ ಮ್ಹಾಕಾ ತಶೆಂಚ್ ಗೊಂಯಾಂತ್
ಕೊಂಕಣಿ ಶಿಕ್ಚ್ಯಾ ಜಾಯ್ತ್ಯಾ ವಿಧ್ಯಾರ್ಥಿಂಕ್ ಕನ್ನಡ
ಲಿಪಿಂತ್ ಬರಯ್ತೆಲ್ಯಾ ಕೊಂಕಣಿ ಲೇಖಕಾಂಚಿ ಒಳೊಕ್ ಜಾಂವ್ಕ್
ತಶೆಂಚ್ ಕನ್ನಡ ಲಿಪಿಂತ್ಲ್ಯಾ ಕೊಂಕಣಿಂತ್ಲೆಂ ಉಂಚ್ಲೆಂ
ಸಾಹಿತ್ಯ್ ವಾಚುಂಕ್ ಆವ್ಕಾಸ್ ಲಾಭ್ಲೊ. ದೆಕುನ್ ಹ್ಯಾ
ದಿಶೆನ್ ವಾವ್ರ್ ಮುಖಾರುನ್ ವಚೊಂಕ್ ಜಾಯ್"
ಮ್ಹಣಾಲಿ.
ದಿವೊ ಪೆಟವ್ನ್ ಕಾರ್ಯಾಚಿ ಸುರ್ವಾತ್ ಜಾಲಿ. ಫಾದರ್
ಆಗ್ನೆಲ್ ಕೊಲೆಜಿಚೆ ನಿರ್ವಾಹಕ್ ಬಾಪ್ ಆಂಟನಿ ಡಿಸಿಲ್ವಾ,
ಆಧ್ಲೆ ಪ್ರಿನ್ಸಿಪಾಲ್ ಬಾಪ್ ಫ್ರೆಡ್ರಿಕ್ಸ್ ರೊಡ್ರಿಗಸ್,
ಆಶಾವಾದಿ ಪ್ರಕಾಶನಾಚೊ ಬಾಬ್ ವಲ್ಲಿ ಕ್ವಾಡ್ರಸ್, ರೆಶ್ಮಾ
ಕೌರ್ ಬಾಮ್ರಾ ಆನಿ ಕೊಂಕಣಿ ವಿಭಾಗಾಚಿ ಮುಖೆಸ್ತ್ ಬಾಯ್
ರಾಜಶ್ರೀ ಸೈಲ್ ಹಿಂ ವೆದಿಚೆರ್ ಉಪಸ್ಥಿತ್ ಆಸ್ಲಿಂ.
ಕಾರ್ಯಾಚೆಂ ಸೂತ್ರ್ ಸಂಚಾಲಕ್ ಬಾಯ್ ಉಶಾ ಝರಾಂವ್ಕಾರ್
(ಸಹಾಯಕ್ ಪ್ರಾಧ್ಯಾಪಕ್) ಹಿಣೆಂ ವಲ್ಲಿ ಕ್ವಾಡ್ರಸಾಚಿ
ಒಳೊಕ್ ಕರುನ್ ದಿತಚ್, ವಲ್ಲಿ ಕ್ವಾಡ್ರಸಾನ್ ಅಪ್ಲ್ಯಾ
ಉಲವ್ಪಾಂತ್ "ಮನಿಸ್ ಹ್ಯಾ
ಸಂಸಾರಾಕ್ ಯೆತಾಸ್ತಾಂ, ಸಂಕಷ್ಟ್ ಆನಿ ಗೊಂದೊಳ್ ಸಯ್ತ್
ಹ್ಯಾ ಸಂಸಾರಾಂತ್ ಆಸ್ಚೆ ಸಹಜ್, ಪುಣ್ ಹ್ಯಾ ಸಂಕಷ್ಟಾಂಕ್
ಸರ್ವ್ ಮನಿಸ್ ಎಕಾ ರಿತಿನ್ ಘೆಂವ್ಕ್ ಸಕಾನಾ. ಥೊಡೆ ಹ್ಯಾ
ಸಂಕಷ್ಟಾಂ ಥಾವ್ನ್ ಚುಕಾರಿ ಮಾರ್ತಾ ಆನಿ ಧಾಂವ್ತಾ, ಥೊಡೊ
ಹ್ಯಾ ಸಂಕಷ್ಟಾಂಕ್ ಲಾಗೊನ್ ಶರಣಾಗತ್ ಜಾತಾ ಆನಿ ಹಾರ್ತಾ,
ಆನಿ ಭೋವ್ ಥೊಡೊ ಹ್ಯಾ ಸಂಕಷ್ಟಾಂಕ್ ಫುಡ್ ಕರುಂಕ್ ಶಿಕ್ತಾ
ವಾ ಉಪಾಯ್ ಸೊಧ್ತಾ. ಬರವ್ಪಿ ಹ್ಯಾ ಪಯ್ಕಿಂತ್ ಹ್ಯಾ
ಸಂಕಷ್ಟಾಂಕ್ ಫುಡ್ ಕರ್ತಾ ಮಾತ್ರ್ ನ್ಹಯ್, ಹೆರಾಂಕ್
ಸಯ್ತ್ ತಾಚೆರ್ ಉಜ್ವಾಡ್ ಫಾಂಕಯ್ತಾ. ಇತಿಹಾಸಾಂತ್ ಸಯ್ತ್
ಫಾತ್ರಾಂಚೆರ್ ಚಿತ್ರಾಂಚ್ಯಾ ರುಪಾರ್ ಕೆಲ್ಲಿ ಅಭಿವ್ಯಕ್ತಿ
ಜಾಂವ್, ಪಯ್ಲೆಂ ತೊಂಡ್ಪಾಶಿಂ ಆನಿ ಉಪ್ರಾಂತ್ ಲಿಖಿತ್ ಆನಿ
ಆತಾಂ ತಾಂತ್ರಿಕ್ ರುಪಾಂನಿ ಹಿ ಅಭಿವ್ಯಕ್ತಿ ಮುಕಾರ್
ಪಾವ್ಲ್ಯಾ. ದೆಕುನ್ ಸಾಹಿತ್ಯಾಂತ್ ’ಕಥಾ’ ಏಕ್ ಬಳ್ವಂತ್
ಪ್ರಕಾರ್, ಆನಿ ಸಮಗ್ರ್ ಕೊಂಕಣಿಂತ್ ’ಮೊಟ್ವಿ ಕಥಾ’ ಆಜ್
ಖಂಚ್ಯಾ ಪಾಂವ್ಡಾರ್ ಆಸಾ ಆನಿ ತ್ಯಾ ತ್ಯಾ ಲಿಪಿಂತ್ಲ್ಯಾ
ಕೊಂಕಣಿಂತ್ ಜಾಲ್ಲ್ಯಾ ಕೊಂಕಣಿ ಕಥೆಂಚೆರ್ ತಶೆಂಚ್
ವಾವ್ರಾಚೆರ್ ಆಮಿ ಖೊಲಾಯೆನ್ ಅಧ್ಯಯನ್ ಕರ್ಚಿ ಗರ್ಜ್ ಆಸಾ"
ಮ್ಹಣಾಲೊ.
ಬಾಯ್ ಕ್ವೀವಾ ಫೆರ್ನಾಂಡಿಸಾನ್ ಧಿನ್ವಾಸಿ ಉಲವ್ಪ್ ಕೆಲೆಂ. |
|
गोंयांत कोंकणी मोटव्या कथेंचेर राषट्रीय
परिसंवाद |
|
२० फेबरेर २०२६: आशावादी प्रकाशन आनी फादर आग्नेल
कोलेज पिलार गोंय हांच्या जोड पालवान आयोजीत
केल्लें ’कोंकणी मोटव्या कथेंचेर राषट्रीय
पांवडाचें परिसंवाद’ फेबरेर २० तारिकेर
गोंयच्या पिलारांतल्या फादर आग्नेल कोलेजिच्या
सभांगणांत चल्लें. डो. चंद्रलेख डिसोजाच्या
अध्यक्षपणाखाल चल्लेल्या ह्या परिसंवादांत रोमी
लिपिंतल्यो कोंकणी मोटव्यो कथा-चेर बाब विन्सी
क्वाड्रसान अपलें प्रपत्र सादर केलें, नागरी
लिपियेंतल्यो मोटव्यो कथा-चेर बाब शैलेंद्र मेहतान
अपलें प्रपत्र सादर केलें. कन्नड लिपिंतल्यो
मोटव्यो कथा-चेर बाब वल्ली क्वाड्रसान अपलें
प्रपत्र सादर केलें. डो. चंद्रलेख डिसोजान अपल्या
उलवपांत "कोंकणी
लिपिंच्यो गडी उत्रोन’ गेल्यार मात्र कोंकणिची
समग्र वाडावळ साध्य आसा. लिपीं मधें सांकव भांदचो
गर्ज आसा आनी आशावादी प्रकाशनाच्या पाटल्या कांय
वर्सांनी ह्या दिशेन चल्लेल्या वावराक लागोन आज
म्हाका तशेंच गोंयांत कोंकणी शिकच्या जायत्या
विध्यार्थिंक कन्नड लिपिंत बरयतेल्या कोंकणी
लेखकांची ओळोक जावंक तशेंच कन्नड लिपिंतल्या
कोंकणिंतलें उंचलें साहित्य वाचुंक आवकास लाभलो.
देकून ह्या दिशेन वावर मुखारून वचोंक जाय"
म्हणाली.
दिवो पेटवन काऱ्याची सुर्वात जाली. फादर आग्नेल
कोलेजिचे निर्वाहक बाप आंटनी डिसिलवा, आधले
प्रिन्सिपाल बाप फ्रेड्रिक्स रोड्रिगस, आशावादी
प्रकाशनाचो बाब वल्ली क्वाड्रस, रेश्मा कौर बाम्रा
आनी कोंकणी विभागाची मुखेसत बाय राजश्री सैल हीं
वेदिचेर उपस्थीत आसलीं. काऱ्याचें सूत्र संचालक
बाय उशा झरांवकार (सहायक प्राध्यापक) हिणें वल्ली
क्वाड्रसाची ओळोक करून दितच, वल्ली क्वाड्रसान
अपल्या उलवपांत "मनीस
ह्या संसाराक येतासतां, संकषट आनी गोंदोळ सयत ह्या
संसारांत आसचे सहज, पूण ह्या संकषटांक सर्व मनीस
एका रितीन घेवंक सकाना. थोडे ह्या संकषटां थावन
चुकारी मार्ता आनी धांवता, थोडो ह्या संकषटांक
लागोन शरणागत जाता आनी हार्ता, आनी भोव थोडो ह्या
संकषटांक फूड करुंक शिक्ता वा उपाय सोधता. बरवपी
ह्या पयकिंत ह्या संकषटांक फूड कर्ता मात्र न्हय,
हेरांक सयत ताचेर उज्वाड फांकयता. इतिहासांत सयत
फात्रांचेर चित्रांच्या रुपार केल्ली अभिव्यक्ती
जांव, पयलें तोंडपाशीं आनी उपरांत लिखीत आनी आतां
तांत्रीक रुपांनी ही अभिव्यक्ती मुकार पावल्या.
देकून साहित्यांत ’कथा’ एक बळवंत प्रकार, आनी
समग्र कोंकणिंत ’मोटवी कथा’ आज खंच्या पांवडार आसा
आनी त्या त्या लिपिंतल्या कोंकणिंत जाल्ल्या
कोंकणी कथेंचेर तशेंच वावराचेर आमी खोलायेन अध्ययन
कर्ची गर्ज आसा" म्हणालो.
बाय क्वीवा फेर्नांडिसान धिन्वासी उलवप केलें.
|
|
Gõyant Konknni Mottvea Kothencher Raxttri-i
Porisomvad |
20 Febrer 2026:
Ashawadi Prokoxon ani Fr. Agnel College
Pilar Gõy hanchea zodd palvan ayojit
kel'lem ’Konknni Mottvea Kothencher
Raxttri-i Pamvddachem Porisomvad’
Febrer 20 tariker Gõychea Pilarantlea
Fr.Agnel College-chea sobhangonnant
chol'lem. Dr. Chandralekha Dsouza-chea
odhyokxponnakhal chol'lelea hea porisomvadant
Romi lipintleo Konknni mottveo kotha-cher
Bab Vincy Quadros-an oplem proptr sador
kelem, Nagari lipientleo mottveo kotha-cher
Bab Shailendra Mehta-an oplem proptr sador
kelem. Kon'nodd lipintleo mottveo kotha-cher
Bab Valley Quadros-an oplem proptr sador
kelem. Dr. Chandralekha DSouza-an oplea uloupant
"Konknni lipincheo
goddi utron’ gelear matr konknnichi somgr
vaddaull sadhy asa. Lipim modhem sankou bhandcho
gorz asa ani axavadi prokaxonachea pattlea kaim
vorsamni hea dixen chol'lelea vaurak lagon az
mhaka toxench gõyant konknni xikchea zaitea
vidhearthink kon'nodd lipint boroitelea konknni
lekhkanchi ollok zaunk toxench kon'nodd
lipintlea konknnintolem unchlem sahity vachunk
aukas labhlo. Dekun hea dixen vaur mukharun
vochonk zai" mhonnali.
Divo pettoun kareachi
survat zali. Fr. Agnel College-che
nirvahok Bap Antony DSilva, adhle
Prinsipal Bap Fredrick Rodrigues,
Ashawadi Prokoxon-acho Bab Valley
Quadros, Reshma Kaur Bamra ani
Konknni vibhagachi mukhesot Bai Rajashree
Sail him vedicher upsthit aslim. Kareachem
sutr sonchalok Bai Usha Zarounkar
(Sohaik Pradheapok) hinnem Valley Quadros-achi
ollok korun ditoch, Valley Quadros-an
oplea uloupant "Monis
hea somsarak yetasotam, sonkxott ani gondoll
soit hea somsarant asche sohoz, punn hea
sonkxottank sorv monis eka ritin gheunk sokana.
Thodde hea sonkxottam thaun chukari marta ani
dhamvta, thoddo hea sonkxottank lagon xornnagot
zata ani harta, ani bhovo thoddo hea sonkxottank
fudd korunk xikta va upai sodhta. Boroupi hea
poikint hea sonkxottank fudd korta matr nhoi,
herank soit tacher ujvadd fankoita. Itihasant
soit fatrancher chitranchea rupar kel'li
obhivyokti zamv, poilem tonddpaxim ani uprant
likhit ani atam tantrik rupamni hi obhivyokti
mukar paulea. Dekun sahiteant ’kotha’ ek
bollvont prokar, ani somgr konknnint ’mottvi
kotha’ az khonchea pamvddar asa ani tea tea
lipintlea konknnint zal'lea konknni kothencher
toxench vauracher ami kholayen odhyoin korchi
gorz asa" mhonnalo.
Bai Queeva
Ferandes-an dhinvasi uloup kelem. |
|
|
|
|
|
|
|
|
|
|
|
|
|
|
 |
|
|
2004 ಥಾವ್ನ್
2011 ಪರ್ಯಾಂತ್ ಕಾರ್ಯಾಳ್ ಆಸ್ಲ್ಲ್ಯಾ
ದಾಯ್ಜ್.ಕೊಮ್ ಚೆರ್
ಪರ್ಗಟ್ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ
ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್
ಲಾಭಯ್ತೆಲ್ಯಾಂವ್. | |
| |
 |
|
