[ಕವಿತಾ] ತೆನ್ನಾ ತುಕಾ ಕಳ್ತಲೆಂ (- ಐಶ್ವರ್ಯ ಮಲಿಕ್)

ತೆನ್ನಾ ತುಕಾ ಕಳ್ತಲೆಂ

ಜೊಗುಲ್ ಜಾವ್ನ್ ಯೆತ್ಲೆ ರೆ ಹಾವ್
ನೀತಳ್ ತುಜ್ಯಾ ಕಾಳ್ಜಾನ್
ಉಜೊ ಲಾಯ್ತ್ ಸುಟ್ತಲೊ ಮೊಗ್
ಮವ್ಹಾಳ್ ತುಜ್ಯಾ ಮನಾನಂ

ಖಯ್ ಘಾಲ್ತಲೊ ಮೆಂರ್
ಆನಿ ಖಯ್ ಘಾಲ್ತಲೊ ಆಡೊ
ಉತ್ರಾ ಮ್ಹಜಿ ಯಾದೀಂಚಿ
ನಾ ಖಾಲಿ ಜಾತ್ಲೊ ಘಡೊ

ಉಣ್ಯಾ ಉಮಾಳಯಾಚೊ ಬಾಂಧ್
ಘಸ್ಘಸೂನ್ ಫುಟ್ತಲೊ
ಜೀವೀತಾಚೊ ರಂಗ್ಪಟ್
ತೆನ್ನಾಚ್ ತುಕಾ ಕಳ್ತಲೊ

ಭಾಸಾಂಚೆ ಕಾಂಬ್ಳೀವಯ್ಲ್ಯಾನ್
ಥೆಂಬೆ ಪಾವ್ಳ್ಯಾಂನಿ ಗಳ್ತಲೆ
ಹಾವ್ ತುಜ್ಯಾಖಾತೀರ್ ಕೀದೆ ಅಸ್ಲೆ
ತೆ ತೆನ್ನಾಚ್ ತುಕಾ ಕಳ್ತಲೆಂ
ತೆ ತೆನ್ನಾಚ್ ತುಕಾ ಕಳ್ತಲೆಂ

 ******

- ಐಶ್ವರ್ಯ ಮಲಿಕ್. [ಜುಲಾಯ್, 2020]

[kovita] Ten'na tuka kolltolem (- Aishwarya Malik)

Ten'na tuka kolltolem

zogul zaun yetle re havo
nitoll tujea kallzan
uzo lait sutt'tolo mog
mouhall tujea monanom

khoi ghaltolo memr
ani khoi ghaltolo addo
utra mhoji yadinchi
na khali zatlo ghoddo

unnea umalloyacho bandh
ghosghosun futt'tolo
jivitacho rongpott
ten'nach tuka kolltolo

bhasanche kamblliuylean
thembe paulleamni golltole
havo tujeakhatir kide osle
te ten'nach tuka kolltolem
te ten'nach tuka kolltolem

******

- Aishwarya Malik. [July, 2020]

[कविता] तेन्ना तुका कळतलें (- ऐश्वऱ्य मलीक)

सभार पावटीं सांगात समजावंक सकानासलें तो सांगात संप्तच यादी जावन धोसुंक लाग्ताना समजता. हें चडताव मनशाचें कर्तूब. आसच्याचें मोल समजनासताना होगडावन घेवन उपरांत चुर्चुर्चें. हेच चिंत्पाचेर उभी केल्ली कविता ही.

- सं

[कविता] तेन्ना तुका कळतलें (- ऐश्वऱ्य मलीक)

तेन्ना  तुका कळतलें

जोगुल जावन येतले रे हाव
नीतळ तुज्या काळजान
उजो लायत सुटतलो मोग
मव्हाळ तुज्या मनानं

खय घालतलो मेंर
आनी खय घालतलो आडो
उतरा म्हजी यादींची
ना खाली जातलो घडो

उण्या उमाळयाचो बांध
घसघसून फुटतलो
जीवीताचो रंगपट
तेन्नाच तुका कळतलो

भासांचे कांबळीवयल्यान
थेंबे पावळ्यांनी गळतले
हाव तुज्याखातीर कीदे असले
ते तेन्नाच तुका कळतलें
ते तेन्नाच तुका कळतलें

******

-  ऐश्वऱ्य मलीक. [जुलाय, २०२०]

ದಾಯ್ಜ್.ಕೊಮ್