ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಕಾಸ್ತಾಚಿ ಕವಿತಾ (- ಅಮೇಯ್ ನಾಯ್ಕ್)

ಆಯ್ಚ್ಯಾ ಕಾಳಾರ್ ಉಜೊ ಪೆಟಂವ್ಚೆಂ ಭೋವ್ ಸಲೀಸಾಯೆಚೆಂ ಕಾಮ್. ಜಿಣ್ಯೆ ಸಂಘರ್ಶಾಚ್ಯಾ ದಾವೆಂತ್ ಅಪ್ಲೆಂ ಸಯ್ರಣ್, ಅಪ್ಲಿ ಮತ್, ಅಪ್ಲೆ ವಿಚಾರ್, ತಶೆಂಚ್ ಬರೆಂ ಸಗಳೆಂ ಫಕತ್ ಎಕಾ ಕಿಟಳಾನ್ ಹುಲ್ಪಾಂವ್ಕ್, ಲಾಸುಂಕ್ ಚಡ್ ವೇಳ್ ನಾಕಾ. ದೆಕುನ್ ಉಜೊ ಪೆಟಂವ್ಚೆ ಕೊಣ್‌ಯೀ ಆಸುಂ, ಪುಣ್ ಆಮಿ ಲಾಸುನ್ ವೆಚೆನಾಂವ್, ಲಾಸುನ್ ವೆಚೆ ವೆವೆಗಳೆ ’ವಾದ್’ ತರ್‌ಯೀ ಸಿಗ್ರೆಟಿಚ್ಯಾ ಫಿಲ್ಟರಾಭಾಶೆನ್ ಹ್ಯಾ ಹುನ್ ಧುಂವ್ರಾಕ್ ಸೊಸ್ಚೆಂ ಅನಿವಾರ್ಯ್ ಕಶೆಂ ಜಾತಾ.

- ಸಂ

[ಕವಿತಾ] ಕಾಸ್ತಾಚಿ ಕವಿತಾ (- ಅಮೇಯ್ ನಾಯ್ಕ್)

ಕಾಸ್ತಾಚಿ ಕವಿತಾ ಕೊಣಾ ಕಾಸ್ತಾನ್ ಕಾಸ್ತಾಚಿ ಕಿಟಿ ಪೆಟಯ್ಲಿ. ತೆಕಾ ಕೊಣಾ ಕಾಸ್ತಾನ್ ಕಾಸ್ತಾಚೀಚ್ 'ಚುಟ್ಟಿ' ಭೆಟಯ್ಲಿ ಆನಿ ದೊಗಾಂಯ್ನಿ ಸಾಮ್ಯವಾದ್ಯಾಂಚ್ಯಾ ರಾನಾಂಕ್ ಉಜೊ ಲಾವ್ನ್ ಸೊಡ್ಲೊ. : ಹಾವ್ ಗೊಬೊರ್ ಜಾಯ್ಸರ್ ಪಳೆಯ್ತಲೊ... ...ಜಳ್ಟನಾ ದೊಗಾಂಮದಲೆಂ 'ಸಾಮ್ಯ್', 'ವಾದ್' ಮಾತ್ ತಸ್ಸೊ ಉರ್ತಲೊ. ಶಿಗಾರೆಟೀತಲೊ 'ಫಿಲ್ಟರ್' ಕಸೊ. **** - ಅಮೇಯ್ ನಾಯ್ಕ್**. [ನವೆಂಬ್ರ್, 2020]

	ಅಮೇಯ್ ನಾಯ್ಕ್, ಗೊಂಯ್: ಬಿ.ಕೊಮ್. ಶಿಕ್ಪಿ ಅಮೇಯ್ ವಿಶ್ರಾಮ್ ನಾಯ್ಕ್ ಗೊಂಯ್ಚೊ ಉದೆವ್ನ್ ಯೆಂವ್ಚೊ ಪ್ರತಿಭಾವಂತ್ ಕವಿ. ಆಕಾಶ್‌ವಾಣಿಚೆರ್, ಕವಿಸಮ್ಮೇಳನಾಂನಿ ಕವಿತಾ ಸಾದರ್ ಕೆಲ್ಯಾತ್. ಸುನಾಪರಾಂತ್, ಭಾಂಗಾರ್ ಭುಂಯ್, ಬಿಂಬ್ ನೆಮಾಳ್ಯಾಂನಿ ಪರ್ಗಟ್ಲ್ಯಾಂತ್. ತಾಚ್ಯಾ ಕವಿತಾಜಮ್ಯಾಚೆಂ ನಾಂವ್ ’ಮೋಗ್ ಡೊಟ್ ಕೊಮ್’. 2017 ಇಸ್ವೆಚೊ ಸಾಹಿತ್ ಅಕಾಡೆಮಿಚೊ ’ಯುವ ಪುರಸ್ಕಾರ್’ ಜೊಡ್ಪಿ.
[kovita] Kastachi Kovita* (- Amey Naik.)*
Aichea kallar uzo pettomvchem bhovo solisayechem kam'. Jinnye songhorxachea davent oplem soironn, opli mot, ople vichar, toxench borem sogollem fokot eka kittollan hulpaunko, lasunk chodd vell naka. Dekun uzo pettomvche konn‌yi asum, punn ami lasun vechenamv, lasun veche vevegolle ’vad’ tor‌yi sigrettichea filttorabhaxen hea hun dhumvrak soschem onivary koxem zata. - Som
[kovita] Kastachi Kovita* (- Amey Naik.)*
*Kastachi Kovita* konna kastan kastachi kitti pettoili. Teka konna kastan kastachich 'chutt'tti' bhettoili ani dogamyni samyovadeanchea ranank uzo laun soddlo. : havo gobor zaisor polleytolo... ...Zollttona dogam'modolem 'samy', 'vad' mat tosso urtolo. Xigarettitolo 'filttor' koso. **** - Amey Naik.** [Nov, 2020]

	Amey Naik, Gõy: B.Com'. Xikpi Amey Vishram Naik Gõycho udeun yemvcho protibhaunt kovi. Akax‌vannicher, kovisom'mellonamni kovita sador keleat. Sunaporant, bhangar bhum-i, bimb nemalleamni porgottleant. Tachea kovitazomeachem namv ’mog ddott kom'’. 2017 isvecho sahit okaddemicho ’yuvo puroskar’ zoddpi.
[कविता] कास्ताची कविता (- अमेय नायक)
आयच्या काळार उजो पेटंवचें भोव सलीसायेचें काम. जिण्ये संघर्शाच्या दावेंत अपलें सयरण, अपली मत, अपले विचार, तशेंच बरें सगळें फकत एका किटळान हुल्पावंक, लासुंक चड वेळ नाका. देकून उजो पेटंवचे कोण‌यी आसूं, पूण आमी लासून वेचेनांव, लासून वेचे वेवेगळे ’वाद’ तर‌यी सिग्रेटिच्या फिल्टराभाशेन ह्या हून धुंवराक सोसचें अनिवाऱ्य कशें जाता. - सं
[कविता] कास्ताची कविता (- अमेय नायक)
कास्ताची कविता कोणा कास्तान कास्ताची किटी पेटयली. तेका कोणा कास्तान कास्ताचीच 'चुट्टी' भेटयली आनी दोगांयनी साम्यवाद्यांच्या रानांक उजो लावन सोडलो. : हाव गोबोर जायसर पळेयतलो... ...जळटना दोगांमदलें 'साम्य', 'वाद' मात तस्सो उरतलो. शिगारेटीतलो 'फिल्टर' कसो. **** - अमेय नायक.** [नवेंबर, २०२०]

	अमेय नायक, गोंय: बी.कोम. शिकपी अमेय विश्राम नायक गोंयचो उदेवन येंवचो प्रतिभावंत कवी. आकाश‌वाणिचेर, कविस्म्मेळनांनी कविता सादर केल्यात. सुनापरांत, भांगार भुंय, बिंब नेमाळ्यांनी पर्गटल्यांत. ताच्या कविताज्म्याचें नांव ’मोग डोट कोम’. २०१७ इस्वेचो साहीत अकाडेमिचो ’यूव पुर्सकार’ जोडपी.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.