ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಕೇಕ್ ಆನಿ ಖುನಿ (- ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್)

ಹಿ ಕವಿತಾ ಥೊಡ್ಯೊ ವಯ್ಚಾರಿಕ್ ಗುಳಿಯೊ ಘೆವ್ನ್ ಆಯ್ಲ್ಯಾ ದೆಕುನ್ ವಾಚ್ಪ್ಯಾಕ್ ಪರತ್ ವಾಚುಂಕ್ ಕರತಾತ್. ಹ್ಯಾ ಕವಿತೆಚ್ಯೊ ಪ್ರಮುಕ್ ಇಮಾಜ್ಯೊ ಪಳೆಯಾತ್; ವಾತ್, ಮನಿಸ್, ತಾಂತಿಯಾಂ. ವಾತ್ ಜಾಯ್ತ್ಯಾ ರಿತಿನ್ ಘೆವ್ಯೆತಾ ಪುಣ್ ಹ್ಯಾ ಕವಿತೆಂತ್ ಮನ್ಶಾನ್ ಆಧಾರ್ಚ್ಯಾ, ಸಮ್ಜುಂಚ್ಯಾ ತಶೆಂಚ್ ಆಚರಣ್ ಕರ್ಚ್ಯಾ ರಿತಿ-ರಿವಾಜಿಂಚೆರ್ ಎಕಾ ರಿತಿಚೊ ಅರ್ಸೊ ಕಸೊ ಧರತಾ. ಮನಿಸ್ ಜಾವ್ನ್ ಜಲ್ಮತಾನಾ ಜಾಂವ್ ವಾ ಜಲ್ಮಾದೀಸ್ ಸಂಭ್ರಮ್ ಕರತಾನಾ ಜಾಂವ್; ಸೊಭಿತ್ ಕೆಕಿಚೆರ್ ಪೆಟಯಿಲ್ಲಿ ವಾತ್ ಪಾಲ್ವತಚ್ ಸಂತೊಸ್ ಪಾವ್ತಾಂವ್. ತೆಂಚ್ ತೊ ಮನಿಸ್ ಜೀವ್ ಸಾಂಡುನ್ ಫೊಂಡಾಕ್ ವೆತಚ್ ತಾಚೊ ತೊ ಫೊಂಡ್ ಪುರುನ್ ತ್ಯಾ ಫೊಂಡಾಚೆರ್ ವಾತಿ ಪೆಟಯ್ತಾಂವ್. ಮ್ಹಳ್ಯಾರ್ ಸುರವಿಲ್ಲ್ಯಾ ಪಂಗ್ತೆಂತ್ ವಾತಿಚಿ ಖುನ್ ಕರುನ್ ಸಂತೊಸ್ ಭಗ್ಚಿಂ ಆತಾಂ ಮನ್ಶಾಚೆಂ ಅಂತ್ಯ್ ಜಾತಾನಾ ತಿ ಪೆಟವ್ನ್ ವೆತಾಂವ್. ಕವಿತೆಂಚ್ ವಿಚಾರ್ ಉಗ್ತ್ಯಾ ಸಂಪ್ಣೆಚೆ ಶಿವಾಯ್ ಧಾಂಪ್ಲೆಲೆ ನ್ಹಯ್ ಆಸ್ತಾಂ ಹ್ಯಾ ಕವಿತೆಚೆ ವಿಚಾರ್ ತ್ಯಾ ತ್ಯಾ ವೆಕ್ತಿನ್ ಸಮ್ಜುಂಚ್ಯಾ ಸಕ್ತೆಚೆರ್ ಸೊಡತಾಂ.

- ಸಂ

[ಕವಿತಾ] ಕೇಕ್ ಆನಿ ಖುನಿ (- ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್)

ಕೇಕ್ ಆನಿ ಖುನಿ ತಾಂತ್ಯಾಂ ಕರ್ಲಾಂಕ್ ಮಾರುನ್ ಮುಂಡಳ್ಯಾಂಚೆಂ ಮಿಶ್ರಣ್ ಕರ್‍ತಾ ಸೊಬಿತ್ ಸುಂದರ್ ಕೇಕ್ ಜಾಚೆರ್ ಸಾಕ್ರಿ ಮೇಲ್ ಸುಂರ್ಗಾರುನ್ ತೊಪ್ತಾತ್ ವಾತಿ ಲಾಂವ್ಕ್ ಉಜೊ ಉಪ್ರಾಂತ್ ಪಾಲ್ವವ್ನ್ ಪಾಚಾರ್‍ತಾ ಕಾಳೊಕ್ ಸೊಬಿತ್ ಮನ್ಶಾ ರೂಪ್ ಘೆವುನ್ ಸಂಸಾರಿ ಆಯಿಲ್ಲ್ಯಾಕ್ ಕಾತ್ರುಂಕ್ ಕರ್‍ತಾ ರಂಗ್ ರಂಗಾಳ್ ಕೇಕ್ ಸುರಿಯೆ ಧಾರಿಚೊ ಪಯ್ಲೊ ಮಾರ್ ಚಡಯ್ತಾ ಸಂತೊಸ್ ದೊಡ್ತೊ ಉಪ್ರಾಂತ್ ಪೆಟ್ತಾತ್ ಸಂಭ್ರಮಾ ತಾಳಿಯೊ ಮನ್ಶಾ ಕುಡಿಂತ್ಲ್ಯಾ ರಗ್ತಾಕ್ ಚಾಕುನ್ ಮಾಸಾಂತ್ ಪುರ್‍ಚ್ಯೆ ಗುಳಿಯೆಕ್ ಕರ್‍ತಾ ಕೆಕಿ ವಯ್ಲಿ ತಾಂಬ್ಡಿ ಚೆರ್ರಿ ಜಾಕಾ ಪಳೆವ್ನ್ ಜೀಬ್ ದೆಂವಯ್ತಾ ಉದಕ್ ಗುಳಿಯೆಚಿ ದೂಖ್ ಸೊಸ್ಲೆಲಿ ವಾತ್ ಗಳಯ್ತಾ ರಡ್ಣೆಂ ತಿಚೆ ವಯ್ರ್ ಹುನ್ ಮೇಣ್ ಭೆಸಾಂ ಕರುನ್, ಮುಸ್ಕಾರಾಕ್ ಥಾಪ್ಡುನ್ ಸಮಾಜೆ ಭಾಯ್ರ್ ಲೊಟುಂಕ್ ಕರ್‍ತಾ ಕೆಕಿಚಿ ಹಿಂಸಾಳ್ ಖುನಿ ದಿವೆ ಪಾಲ್ವಯಿಲ್ಲೊ ಖುಶೆ-ಅಂದ್ಕಾರ್ ಕ್ರೂರ್‌ಪಣಾಕ್ ದೆಂವಯ್ತಾ ಫೊಂಡಾಂತ್ ತವಳ್ ಫಾಂಕ್ತಾ ಉಜ್ವಾಡ್, ಪೆಟ್ತಾತ್ ವಾತಿ **** - ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್**. [ಅಗೊಸ್ತ್, 2020]

	ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್: ಬಿ.ಎಸ್ಸಿ ಪದ್ವೆಚೆಂ ಶಿಕಪ್ ಜೊಡುನ್ ಆಸ್ಚೊ ಅಲಂಗಾರ್ ಗಾಂವ್ಚೊ ಗ್ಲಾನಿಶ್ ಮಾರ್ಟಿಸ್ ಪಾಟ್ಲ್ಯಾ ಥೊಡ್ಯಾ ವರ್ಸಾಂನಿ ಪತ್ರಾಂನಿ ತಶೆಂಚ್ ಜಾಳಿಜಾಗ್ಯಾಂನಿ ಕವಿತಾ, ಕಾಣಿಯೊ ತಶೆಂಚ್ ಲೇಖನಾಂ ಬರಯ್ತಾ. ಕೊಂಕಣಿ ಕವಿತೆಕ್ ಫುಲಂವ್ಚ್ಯಾ ದಿಶೆನ್ ಕವಿತಾ ಬರಯ್ತೆಲ್ಯಾ ಯುವಕವಿಂ ಪಯ್ಕಿಂತ್ಲೊ ಹೊ ಎಕ್ಲೊ ಮ್ಹಣುನ್ ಹಾಚ್ಯೊ ಕವಿತಾ ಗವಾಯ್ ದಿತಾತ್.
[kovita] Kek ani Khuni* (- Glanish Martis, Alangar)*
Hi kovita thoddeo voicharik gullio gheun ailea dekun vachpeak porot vachunk korotat. Hea kovitecheo promuk imajeo polleyat; vat, monis, tantiam. Vat zaitea ritin gheuyeta punn hea kovitent monxan adharchea, somzunchea toxench achoronn korchea riti-rivajincher eka riticho orso koso dhorota. Monis zaun zolmotana zamv va zolmadis sombhrom' korotana zamv; sobhit kekicher pettoyil'li vat palvotoch sontos pautamv. Tench to monis jivo sanddun fonddak vetoch tacho to fondd purun tea fonddacher vati pettoitamv. Mhollear surovil'lea pongtent vatichi khun korun sontos bhogchim atam monxachem onty zatana ti pettoun vetamv. Kovitench vichar ugtea sompnneche xivai dhamplele nhoi astam hea koviteche vichar tea tea vektin somzunchea soktecher soddotam. - Som
[kovita] Kek ani Khuni* (- Glanish Martis, Alangar)*
*Kek ani Khuni* Kek ani khuni tanteam korlank marun munddolleanchem mixronn kor‍ta sobit sundor kek zacher sakri mel sumrgarun toptat vati launko uzo uprant palvoun pachar‍ta kallok sobit monxa rup ghevun somsari ayil'leak katrunk kor‍ta rong rongall kek surie dharicho poilo mar choddoita sontos doddto uprant pett'tat sombhroma tallio monxa kuddintlea rogtak chakun masant pur‍chye gulliek kor‍ta keki voili tambddi cherri zaka polleun jib demvoita udok gulliechi dukh sosleli vat golloita roddnnem tiche voir hun menn bhesam korun, muskarak thapddun somaje bhair lottunk kor‍ta kekichi himsall khuni dive palvoyil'lo khuxe-ondkar krur‌ponnak demvoita fonddant toull fankta ujvadd, pett'tat vati **** - Glanish Martis Alangar.** [Aug, 2020]

	Glanish Martis Alangar: B.Sc. podvechem xikop zoddun ascho olongar gamvcho glanix marttis pattlea thoddea vorsamni potramni toxench zallizageamni kovita, kannio toxench lekhonam boroita. Konkonni kovitek fulomvchea dixen kovita boroitelea yuvokovim poikintlo ho eklo mhonnun hacheo kovita govai ditat.
[कविता] केक आनी खुनी (- ग्ल्यानीश मार्टीस अलंगार)
ही कविता थोड्यो वयचारीक गुळियो घेवन आयल्या देकून वाचप्याक परत वाचुंक करतात. ह्या कवितेच्यो प्रमूक इमाज्यो पळेयात; वात, मनीस, तांतियां. वात जायत्या रितीन घेव्येता पूण ह्या कवितेंत मनशान आधार्च्या, समजुंच्या तशेंच आचरण कर्च्या रिती-रिवाजिंचेर एका रितिचो अर्सो कसो धरता. मनीस जावन जल्मताना जांव वा जल्मादीस संभ्रम करताना जांव; सोभीत केकिचेर पेटयिल्ली वात पालवतच संतोस पावतांव. तेंच तो मनीस जीव सांडून फोंडाक वेतच ताचो तो फोंड पुरून त्या फोंडाचेर वाती पेटयतांव. म्हळ्यार सुरविल्ल्या पंग्तेंत वातिची खून करून संतोस भगचीं आतां मनशाचें अंत्य जाताना ती पेटवन वेतांव. कवितेंच विचार उग्त्या संपणेचे शिवाय धांपलेले न्हय आसतां ह्या कवितेचे विचार त्या त्या वेक्तीन समजुंच्या सक्तेचेर सोडतां. - सं
[कविता] केक आनी खुनी (- ग्ल्यानीश मार्टीस अलंगार)
केक आनी खुनी तांत्यां करलांक मारून मुंडळ्यांचें मिश्रण कर‍ता सोबीत सुंदर केक जाचेर साक्री मेल सुंर्गारून तोप्तात वाती लावंक उजो उपरांत पालववन पाचार‍ता काळोक सोबीत मनशा रूप घेवून संसारी आयिल्ल्याक कात्रुंक कर‍ता रंग रंगाळ केक सुरिये धारिचो पयलो मार चडयता संतोस दोडतो उपरांत पेटतात संभ्रमा ताळियो मनशा कुडिंतल्या रग्ताक चाकून मासांत पूर‍च्ये गुळियेक कर‍ता केकी वयली तांबडी चेर्री जाका पळेवन जीब देंवयता उदक गुळियेची दूख सोसलेली वात गळयता रडणें तिचे वयर हून मेण भेसां करून, मुसकाराक थापडून समाजे भायर लोटुंक कर‍ता केकिची हिंसाळ खुनी दिवे पालवयिल्लो खुशे-अंदकार क्रूर‌पणाक देंवयता फोंडांत तवळ फांक्ता उज्वाड, पेटतात वाती **** - ग्ल्यानीश मार्टीस अलंगार.** [अगोसत, २०२०]

	ग्ल्यानीश मार्टीस अलंगार: बी.एस्सी पद्वेचें शिकप जोडून आसचो अलंगार गांवचो ग्लानीश मार्टीस पाटल्या थोड्या वर्सांनी पत्रांनी तशेंच जाळिजाग्यांनी कविता, काणियो तशेंच लेखनां बरयता. कोंकणी कवितेक फुलंवच्या दिशेन कविता बरयतेल्या युवकवीं पयकिंतलो हो एकलो म्हणून हाच्यो कविता गवाय दितात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.