[ಕವಿತಾ] ಗೊಂಯ್ ಜಾಲಾಂ ಬೆಜಾರ್ (- ಎಚ್. ಮನೋಜ್ ಜೆ)

ಗೊಂಯ್ ಜಾಲಾಂ ಬೆಜಾರ್

ಸೊಬೀತ್ ಅಶೆಂ ಗೊಂಯ್ ಮ್ಹಜೆಂ
ಜಾಲಾಂ ತೆಂ ಬೆಜಾರ್
ಸಗ್ಲ್ಯಾಂತ್ ಸಾನ್ ರಾಜ್ಯ್ ತೆಂ
ಪೂಣ್ ಸಂವ್ಸಾರ್ ಭರ್ಚೊ ತಾಚೆರ್ ಭಾರ್
ಸಾಂಬಾಳೂಕ್ ತೆಂ ಜಾಲಾಂ ಲಾಚಾರ್

ದಿಸಾನ್ ದೀಸ್ ಜಾತಾ ಅತ್ಯಾಚಾರ್
ಕೊಣ್ ದೊಂಗರ್ ಕಾಪ್ತಾ
ತರ್ ಕೊಣ್ ವಾಗಾಕ್ ಮಾರ್ತಾ,
ಸೈಮಾಚೊ ತಾಚ್ಯಾ ಜಾಲಾಂ ಇಬಾಡ್
ದೆಖೂನ್ ಜಾಲಾಂ ತೆಂ ಬೆಜಾರ್

ತಾಚ್ಯೊ ನ್ಹಂಯೊ ಝರಿ ವ್ಹಾಳ್
ಹಾಂಚೆರ್ ಹಾಡ್ಲ್ಯಾ ಹಾವ್ಳ್
ಸೊಬೀತ್ ತಾಚೆ ರುಪ್
ಜಾವಂಕ್ ಪಾವ್ಲಾಂ ಕುರೂಪ್
ದೆಖೂನ್ ಜಾಲಾಂ ತೆಂ ಬೆಜಾರ್

ನವೆಂ ಪಿಳ್ಗೆಚೊ ಚಿಂತೂನ್ ಫುಡಾರ್
ತಾಚೊ ಜೀವ್ ಜಾತಾ ಫುಗಾರ್
ಕಶೆ ಕರಪ್ ತಾಂಕಾ ಸಾಲ್ವಾರ್
ಹೊ ಪ್ರಸ್ನ್ ತಾಚ್ಯಾ ಮುಖಾರ್
ದೆಖೂನ್ ಜಾಲಾಂ ತೆಂ ಬೆಜಾರ್

ಭೆಸ್ ಗೊಂಯ್ಕಾರಾಂಚೊ ಸಗ್ಳೊಚ್ ಬದ್ಲ್ಲಾ
ಪಳೊವ್ನ್ ತಾಚೆಂ ಮನ್ ಉಬ್ಗೆಲಾಂ
ಮುಳಾವೊ ಮನೀಸ್ ದಿಸುಂಕ್ ಕುಸ್ತಾರ್
ದಿಸ್ತಾ ವಚತ್ ಥಂಯ್ ಎಕುಚ್ ಬಾಜಾರ್
ದೆಖೂನ್ ಜಾಲಾಂ ತೆಂ ಬೆಜಾರ್

ಕೊಂಕ್ಣಿ ತಾಚಿ ಮ್ಹೊಂವಾಳ್ ಭಾಸ್
ತೀಕಾ ಜಾಯ್ ಸಗ್ಲ್ಯಾಂನಿ ಉಲೊವ್ಚಿ ಖಾಸ್
ಪೂಣ್ ಕಾಂಯ್ ಜಾಣಾಂಕ್ ಉಲೊವಂಕ್
ಪರ್ಕಿ ಭಾಶೆಚಿ ಜಾಯ್ ಮಿರಾಸ್
ದೆಖೂನ್ ಜಾಲಾಂ ತೆಂ ಬೆಜಾರ್

 ******

- ಎಚ್. ಮನೋಜ್ ಜೆ. [ಜುಲಾಯ್, 2020]

[kovita] Gõy zalam bezar (- H Manoj J.)

Gõy zalam bezar

sobit oxem gõy mhojem
zalam tem bezar
sogleant san rajy tem
punn somvsar bhorcho tacher bhar
samballuk tem zalam lachar

disan dis zata oteachar
konn dongor kapta
tor konn vagak marta,
soimacho tachea zalam ibadd
dekhun zalam tem bezar

tacheo nhomyo zhori vhall
hancher haddlea haull
sobit tache rup
zaunk paulam kurup
dekhun zalam tem bezar

novem pillgecho chintun fuddar
tacho jivo zata fugar
koxe korop tanka salvar
ho prosn tachea mukhar
dekhun zalam tem bezar

bhes gõykarancho soglloch bodl'la
polloun tachem mon ubgelam
mullavo monis disunk kustar
dista vochot thoim ekuch bazar
dekhun zalam tem bezar

konknni tachi mhomvall bhas
tika zai sogleamni ulouchi khas
punn kaim zannank ulounk
porki bhaxechi zai miras
dekhun zalam tem bezar

******

- H. Manoj J. [July, 2020]

[कविता] गोंय जालां बेजार (- एच. मनोज जे)

कविता म्हळ्यार काणी न्हय, कविता म्हळ्यार खबरे पत्रांक धाडची भात्मी न्हय. कविता थोद्याच उत्रांनी खूप सांगची एक कला. ही कविता वयलेभार वाचताना कांय अशें दिसुंक पुरो पूण ह्या कवितेंतले विचार हकीगत आनी मार्मीक. एका तेंपाधलें भांग्राळें गोंय आतां आमचे पयकिंतलेच लुटुंक सुरू कर्ताना खरेंच जावन गोंय बेजार पावताच.

- सं

[कविता] गोंय जालां बेजार (- एच. मनोज जे)

गोंय जालां बेजार

सोबीत अशें गोंय म्हजें
जालां तें बेजार
सगल्यांत सान राज्य तें
पूण संवसार भरचो ताचेर भार
सांबाळूक तें जालां लाचार

दिसान दीस जाता अत्याचार
कोण दोंगर कापता
तर कोण वागाक मारता,
सैमाचो ताच्या जालां इबाड
देखून जालां तें बेजार

ताच्यो न्हंयो झरी व्हाळ
हांचेर हाडल्या हावळ
सोबीत ताचे रुप
जावंक पावलां कुरूप
देखून जालां तें बेजार

नवें पिळगेचो चिंतून फुडार
ताचो जीव जाता फुगार
कशे करप तांका सालवार
हो प्रस्न ताच्या मुखार
देखून जालां तें बेजार

भेस गोंयकारांचो सगळोच बदल्ला
पळोवन ताचें मन उबगेलां
मुळावो मनीस दिसुंक कुस्तार
दिसता वचत थंय एकुच बाजार
देखून जालां तें बेजार

कोंकणी ताची म्होंवाळ भास
तीका जाय सगल्यांनी उलोवची खास
पूण कांय जाणांक उलोवंक
परकी भाशेची जाय मिरास
देखून जालां तें बेजार

******

-  एच. मनोज जे. [जुलाय, २०२०]

ದಾಯ್ಜ್.ಕೊಮ್