[ಕವಿತಾ] ಯಾದ್'ಗೊ ತುಜಿ ಯೆತಾ........ (- ಕಲ್ಪೇಶ್ ವೆರೆಂಕಾರ್)

ಯಾದ್ ಗೊ ತುಜಿ ಯೆತಾ........


ಬಸ್ತಾ ಹಾಂವ್ ದರ್ಯಾದೆಗೆರ್ ಜೆನ್ನಾ
ನದ್ರೆಂಮುಖಾರ್ ಯೆತಾ ತುಂ
ಕಿತ್ಲೆಂಯ್ ನದ್ರೆಂಆಡ್ ವೆಲ್ಯಾರ್
ದೊಳ್ಯಾಂತಲೆ ಮ್ಹಜೆಂ ವಚ್ನಾ ತುಂ

ಅಶೆಂ ಕಶೆಂ ಜಾತಾ ಹೆಂ
ಅಜೂನ್ ಮ್ಹಾಕಾ ಕಳ್ನಾ
ಮ್ಹಾಕಾ ಸೊಡೂನ್ ಜಾಲಿ ವರ್ಸಾ
ಪೂಣ್ ತುಜೆರ್ ಹೊ ಮೊಗ್ ಕಮಿ ಜಾಯ್ನಾ

ತುಜೆಂ ತೆ ಕಾಜ್ಳಿ ದೊಳೆ
ಅಜೂನ್ ಘಾಲ್ತಾ ಭುರಳ್ ಮನಾಂತ್
ತುಜೆ ತೆ ಲಾಂಬ್ಚೆ ಲಾಂಬ್ ಕೆಂಸ್
ದಿಸ್ತಾತ್ ಗೆಲ್ಯಾ ಆತ್ತಾ ತೊಂಡಾವೆಲ್ಯಾನ್

ತುಜಿ ತಿ ಮೊಗಾಚಿ ಉತ್ರಾಂ
ಕಸಾರಖಿ ತೊಪ್ತಾ ಮ್ಹಜ್ಯಾ ಕಾಳ್ಜಾನ್
ಪೂಣ್ ಉತ್ರಾಂಕ್ ತ್ಯಾ ದಿವಂಕ್ ಆಕಾರ್
ಕೊಣೂಚ್ ನಾ ತುಜ್ಯಾ ರುಪಾನ್

ಕಶೆಂ ನಕ್ಳತ್ ಗೆಲೆಂ ತುಂ
ಹೆಂ ಮ್ಹಾಕಾ ಅಜೂನ್ ಕಳ್ನಾ
ಸಮ್ಜೂನ್ ಘೆವ್ಪಾಚೊ ಯತ್ನ್ ಕೆಲೊ
ಪೂಣ್ ಯತ್ನಾಕ್ ಫಳ್ ಆಯ್ಲೆಂ ನಾ

ಆತಾಂ ಕಾಡ್ಟಾ ಜಿವಿತ್ ಸಂವ್ಸಾರಾಂತ್
ಅರ್ಥ್ ನಾ ಹ್ಯಾ ಜಿವಿತಾಕ್
ಸೊಡೂನ್ ದಿಲಾ ಸಗ್ಳೆಂ ಹಾಂವೆಂ
ತುಜೆಕಡೆನ್ ಸಾಸ್ಣಾಚೊ ಯೆವ್ಪಾಕ್...
 ******

- ಕಲ್ಪೇಶ್ ವೆರೆಂಕಾರ್. [ಅಕ್ಟೊಬ್ರ್, 2020]

[kovita] Yad go tuji yeta... (- Kalpesh Verenkar)

Yad go tuji yeta...


Bosta hamv doreadeger jen'na
nodrem'mukhar yeta tum
kitlem-i nodremadd velear
dolleantole mhojem vochna tum

oxem koxem zata hem
ozun mhaka kollna
mhaka soddun zali vorsa
punn tujer ho mog komi zaina

tujem te kajlli dolle
ozun ghalta bhuroll monant
tuje te lambche lamb kems
distat gelea at'ta tonddavelean

tuji ti mogachi utram
kosarokhi topta mhojea kallzan
punn utrank tea divonk akar
konnuch na tujea rupan

koxem nokllot gelem tum
hem mhaka ozun kollna
somzun gheupacho yotn kelo
punn yotnak foll ailem na

atam kaddtta jivit somvsarant
orth na hea jivitak
soddun dila sogllem hamvem
tujekodden sasnnacho yeupak...

******

- Kalpesh Verenkar. [Oct, 2020]

[कविता] याद गो तुजी येता........ (- कल्पेश वेरेंकार)

दर‍्यावेळेर चडताव जावन मनीस अपलो मोग यादीक हाडता व प्रेमीक व्हरून मोगाची उचार्णी कर्ता. हांगासर एक प्रेमी आसा, तो दर‍्यावेळेर सांडून गेल्ल्या मोगाची याद हाडून अपल्या जिविताच्या शेवोटांत वेगळी वाट धर्चें चिंतप दिता.

- सं

[कविता] याद गो तुजी येता........ (- कल्पेश वेरेंकार)

याद गो तुजी येता........


बसता हांव दर्यादेगेर जेन्ना
नदरेंमुखार येता तूं
कितलेंय नदरेंआड वेल्यार
दोळ्यांतले म्हजें वचना तूं

अशें कशें जाता हें
अजून म्हाका कळना
म्हाका सोडून जाली वर्सा
पूण तुजेर हो मोग कमी जायना

तुजें ते काजळी दोळे
अजून घालता भुरळ मनांत
तुजे ते लांबचे लांब केंस
दिसतात गेल्या आत्ता तोंडावेल्यान

तुजी ती मोगाची उतरां
ऄकसारखी तोपता म्हज्या काळजान
पूण उतरांक त्या दिवंक आकार
कोणूच ना तुज्या रुपान

कशें नकळत गेलें तूं
हें म्हाका अजून कळना
समजून घेवपाचो यत्न केलो
पूण यत्नाक फळ आयलें ना

आतां काडटा जिवित संवसारांत
अर्थ ना ह्या जिविताक
सोडून दिला सगळें हांवें
तुजेकडेन सासणाचो येवपाक...

******

- कल्पेश वेरेंकार. [अकटोबर, २०२०]

ದಾಯ್ಜ್.ಕೊಮ್