[ಕವಿತಾ] ಥೆಂಬೊ (- ರೆನಿಟಾ ಡಿ’ಸೋಜ್ ಹೊಸ್ಪೇಟ್)

ಥೆಂಬೊ


ಥೆಂಬೊ ತುಂ ಪಾವ್ಸಾಚೊ
ವೇಗಾನ್ ಮೊಳ್ಬಾ ಥಾವ್ನ್ ನಿಸ್ರೊನ್
ಪೃಕ್ರತಿಚ್ಯಾ ಪಾಂಳ್ನ್ಯಾಂತ್ ಧಲ್ಚೊ!!

ಥೆಂಬೊ ತುಂ ಘಾಮಾಚೊ
ವಾಂವ್ಟಿನ್ ಪಾಜರೊನ್
ದಿತಾಯ್ ಫಳ್ ದಿಸ್ಪೊಡ್ತ್ಯಾ ಗ್ರಾಸಾಚೊ!!

ಥೆಂಬೊ ತುಂ ಆವೊಯ್ಚ್ಯಾ ದೂದಾಚೊ
ಸತ್ವಾನ್ ಭರೊನ್ ತಾಂಬ್ತಾಯ್
ಭುಕ್ ನೆಣ್ತುಲ್ಯಾ ಬಾಳಾಚೊ!!

ಥೆಂಬೊ ತುಂ ದುಃಖಾಚೊ
ಬಿಜೊನ್ ಮೊತಿಯಾ ಗಳ್ತಾನಾ
ಕಳವೊಳ್ತಾ ವೇಗ್ ಕಾಳ್ಜಾ ಉಡಿಚೊ!!

ಥೆಂಬೊ ತುಂ ರಗ್ತಾಚೊ
ಸಕ್ರೀಯ್ ರಿತಿನ್ ಮೆಳೊನ್ ಕರ್ತಾಯ್
ಪೋಶಿತ್ ಹರ್ ಜೀವ್ ಕಣಾಚೊ!!

ಥೆಂಬೊ ತುಂ ಮನ್ಶಾಪಣಾಚೊ
ವಿಸರ್ ಪಡತ್ ತರ್,
ಜಾಶಿ ಗುಲಾಮ್ ಪಾತ್ಕಿಪಣಾಚೊ!!

 ******

-  ರೆನಿಟಾ ಡಿ’ಸೋಜ್ ಹೊಸ್ಪೇಟ್. [ಅಗೋಸ್ತ್, 2020]

[kovita] Thembo (- Renita DSouza)

Thembo

thembo tum pausacho
vegan mollba thaun nisron
prikrotichea pamllneant dholcho!!

thembo tum ghamacho
vamvttin pazoron
ditai foll dispoddtea grasacho!!

thembo tum avoichea dudacho
sotvan bhoron tambtai
bhuk nenntulea ballacho!!

thembo tum duHkhacho
bizon motia golltana
kollovollta veg kallza uddicho!!

thembo tum rogtacho
sokri-i ritin mellon kortai
poxit hor jivo konnacho!!

thembo tum monxaponnacho
visor poddot tor,
zaxi gulam' patkiponnacho!!

******

- Renitta DSouza Hospet. [Aug, 2020]

[कविता] थेंबो (- रेनिटा डी’सोज होस्पेट)

मनशाचें अस्थित्व धूळ, धुळी थावन आयिल्लो आनी धुळीक पाटीं वेचो. जीव आसताना राग-हंकार-मोसोर अपणासवें घेवन जियेंवचो मनीस लिसांव शिकुंक सकत आसा तर एकेका थेंब्या थावन दर‍्यातेदें लिसांव शिकुव्येता; जशें उदकाचो एख थेंबो, दुदाचो एक थेंबो, रग्ताचो एख थेंबो, आनी घामाचो एख थेंबो. इतलेंच न्हय. मनशापणाचो एख थेंबो जर ना तर तो मनीस तीस कासांक‌यी उपकाराक पडानासचो म्हळ्ळें सोभीत चिंतप दिंवची ही अपुर्भायेची कविता.

- सं

[कविता] थेंबो (- रेनिटा डी’सोज होस्पेट)

थेंबो

थेंबो तूं पावसाचो
वेगान मोळबा थावन निस्रोन
पृक्रतिच्या पांळन्यांत धल्चो!!

थेंबो तूं घामाचो
वांवटीन पाजरोन
दिताय फळ दिस्पोडत्या ग्रासाचो!!

थेंबो तूं आवोयच्या दूदाचो
सत्वान भरोन तांबताय
भूक नेणतुल्या बाळाचो!!

थेंबो तूं दुःखाचो
बिजोन मोतिया गळताना
कळवोळता वेग काळजा उडिचो!!

थेंबो तूं रग्ताचो
सक्रीय रितीन मेळोन कर्ताय
पोशीत हर जीव कणाचो!!

थेंबो तूं मनशापणाचो
विसर पडत तर,
जाशी गुलाम पात्किपणाचो!!

******

-  रेनिटा डी’सोज होस्पेट. [अगोसत, २०२०]

ದಾಯ್ಜ್.ಕೊಮ್