ಕೊಂಕ್ಣಿ ಕಾರ್ಯಿಂ

[ಕವಿತಾ] ಕುರ್ಕೂಟ್ [ವೃಶಾಲಿ ಕೆಳೆಕಾರ್,ಪೀರವ್ಳ್, ಗೊಂಯ್]

ಕುರ್ಕೂಟ್

ಸಂಸಾರಾಚೆಂ ಮರ್ಮ್,
ಸದಾಂಚೆಚ್ ನಿತ್ಯಕರ್ಮ್

ಬಾಟ್ಲೆಚಿ ಗುಡ್ಡಿ
ಕುಕ್ಕರಾಚಿ ಶಿಟಿ
ಜೆವ್ಣಾಚೆಂ ಟಿಫೀನ್
ಆನಿ ವೊಶಿಂಗ್ ಮಶೀನ್.
ಘರ್‌ಕಾಮ್‌ಯೀ ಕರ್ಚೆಂ ಆನಿ
ಆಫಿಸ್‌ಕಾಮ್ ತರ್ ಸದಾಚೆಂ.

ಸಗ್ಳೆಂ ತಿ ಕರ್ತಾ
ಮನ್ ಮಾರೂನ್ ಜಗ್ತಾ.

ದಿಸ್ತಾ ತಿಕಾಯ್
ಭೌವ್ಪಾಕ್ ವಚೂಂಕ್ ಜಾಯ್.
ಹೊಟೆಲಾನ್ ವಚ್ಚೆಂ
ನವೆ ಪದಾರ್ಥ್ ಚಾಖ್ಚೆ
ಮನ್ಸೊಕ್ತ್ ಜಗ್ಚೆಂ
ತಾಜೆಂ ಟವ್ಟವೀತ್ ಜಾವ್ಚೆಂ.

ಆಡಾಯ್ತಾ ತಿಕಾ
ಕುರ್ಕೂಟಾಚಿ ಚೌಕಟ್.

ವನ್ಟಿವೆಲಿ ಚೌಕಟ್ ಮೊಡುಂಕ್
ಶಿಮ್-ಮ್ಹೆರ್ ಹುಪೂಂಕ್
ಮನ್ಸೊಕ್ತ್ ಜಗುಂಕ್
ಜಾಯ್ ತೆಂ ಕರುಂಕ್
ತಿಕಾ ನಾ ಮುಭಾ
ತೆನ್ನಾ ತಿ ಘರ್ಚಿ ಸೊಭಾ.

ಕರ್ತಾ ತಿಜಿ ಫರ್ಫಟ್
ಸಮಾಜಾಚೆಂ ಕುರ್ಕೂಟ್.

- ವೃಶಾಲಿ ಕೆಳೆಕಾರ್, ಪೀರವ್ಳ್, ಗೊಂಯ್ [ಜುಲಾಯ್ 2018]

कविता

कुर्कूट (कंत्राळ) म्हळ्ळे संकीर्ण इमाजेंत मनीस दादलो आनी बायल म्हळ्ळ्या दोन प्रकाराच्या मनशाक भांदून घाल्ता, फिचार कर्ता. दादलो उग्तो भंवुंक सक्ता, जाय तें करुंक सक्ता पूण तेंच एक बायल फकत घर्चो गसटो काडचें यंत्र जावन केलां. देकून बाटलेची गुडदी, कुक्कराची शिटी सक्कड तिचेलागीं संवाद कर्ताना खरीच जावन कविता उदेता. आमच्या देशांत न्हंयांक देवतेंचें नांव दिलां पूण आमच्या कितलेश्या घरांनी स्त्रीयांक मान आसा? कितलेश्या घरांनी, समाजेंत स्त्री आज पासोन कट‌पुतळी जशी जियेवन ना? हीं सवालां आमी आमकांच कर्चीं.

बाय वृशाली हिंदी, मराठी, इंगलीश तशेंच कोंकणी भाशेंनी कविता बरयता. सादो विशय घेवन आयल्या तर‌यी कवितेंत जिवसाण आसची पार्कुंक तुकाच सोडतां

- सं

[कविता] कुर्कूट [वृशाली केळेकार ,पीरवळ, गोंय]

कुर्कूट


संसाराचें मर्म,
सदांचेच नित्यकर्म

बाट्लेचि गुड्डी
कूकराची शिटी
जेवणाचें टिफीन
आनी वॉशिंग मशीन.
घरकामुय करचें आनी
ऑफिसकाम तर सदचें.

सगळें ती करता
मन मारून जगता.

दिसता तिकाय
भौव्पाक वचूंक जाय.
होटेलान वच्चें
नवे पदार्थ चाखचे
मनसोक्त जगचें
ताजें टवटवीत जावचें.

आडायता तिका
कुर्कूटाचि चौकट.

वन्टिवेली चौकट मोडुंक
शिम-म्हेर हुपूंक
मनसोक्त जगुंक
जाय तें करुंक
तिका ना मुभा
तेन्ना ती घरची सोभा.

करता तिजी फरफट
समाजाचें कुर्कूट.

- वृशाली केळेकार ,पीरवळ, गोंय [जुलाय २०१८]

वृशाली केळेकार, पीरवळ, गोंय: इंगलिशांत एम.ए. दूसऱ्या वर्साचें शिकप जोडून आसची बाय वृशाली विपूल केळेकर गोंयांत वसती कर्ता. इंगलीश, कोंकणी, मराठी तशेंच हिंदी भासेंनी कविता बरयता. कोंकणी कविगोश्टिंनी उर्भेन भाग घेंवची ही एका इसकोलांत इंगलीश भास शिकयता.

Kovita

Kurkutt (kontrall) mholl'lle sonkirnn imajent monis dadlo ani bail mholl'llea don prokarachea monxak bhandun ghalta, fichar korta. Dadlo ugto bhomvunk sokta, zai tem korunk sokta punn tench ek bail fokot ghorcho gostto kaddchem yontr zaun kelam. Dekun battlechi gudd'di, kukkorachi xitti sokkodd tichelagim somvad kortana khorich zaun kovita udeta. Amchea dexant nhomyank deutenchem namv dilam punn amchea kitlexea ghoramni striyank man asa? kitlexea ghoramni, somajent stri az pason kott‌putlli zoxi jieun na? him sovalam ami amkanch korchim.

Bai vrixali hindi, moratthi, inglix toxench konkonni bhaxemni kovita boroita. Sado vixoi gheun ailea tor‌yi kovitent jivsann aschi parkunk tukach soddtam

- Som.

[Kovita] Kurkutt [Vrixali kellekar ,piroull, Gõy]

Kurkutt


somsarachem morm',
sodanchech nityokrm'

battlechi gudd'ddi
kukrachi xitti
jeunnachem ttifin
ani voxing moxin.
Ghorkamui korchem ani
efisokam' tor sodchem.

Sogllem ti korta
mon marun zogta.

Dista tikai
bhouvpak vochunk zai.
Hottelan vochchem
nove podarth chakhche
monsokt zogchem
tajem ttouttovit zauchem.

Addaita tika
kurkuttachi choukott.

Vonttiveli choukott moddunk
xim'-mher hupunk
monsokt zogunk
zai tem korunk
tika na mubha
ten'na ti ghorchi sobha.

Korta tiji forfott
somazachem kurkutt.

- Vrushali Kellekar, Gõy [July 2018]

Vrushali Kellekar, Piroull, Gõy: Inglixant M.A. Dusrea vorsachem xikop zoddun aschi bai vrixali vipul kellekor gõyant vosti korta. Inglix, konknni, moratthi toxench hindi bhasemni kovita boroita. Konknni kovigoxttimni urbhen bhag ghemvchi hi eka iskolant inglix bhas xikoita.

ದಾಯ್ಜ್.ಕೊಮ್