ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

ಕವಿತಾ [ಪಯ್ಣಾರಿ-ವೀಜ್ ಸಾಹಿತಿಕ್ ಸ್ಪರ್ಧ್ಯಾಂತ್ ಪಯ್ಲೆಂ ಇನಾಮ್ ಲಾಭ್‌ಲ್ಲಿ ಕವಿತಾ]

ಆಯ್ಚೊ ಕಾಳ್ ಡಿಜಿಟಲ್ ಕಾಳ್, ಇ-ಕಾಳ್, ಅಂತರ್‌ಜಾಳ್‌ಚ್ ಆಮ್ಚೊ ಉಸ್ವಾಸ್ ಕರುನ್ ಆಮಿ ಟಿವಿಥಾವ್ನ್ ಮೊಬಾಯ್ಲಾಂತ್ ದೆಂವ್ಲ್ಯಾಂವ್ ಆನಿ ಆಮ್ಚೊ ಸಂಸಾರ್‌ಚ್ ಆತಾಂ ಮೊಬಾಯ್ಲ್ ಜಾಲಾ. ಬಾಕಿಚೆಂ ಕಿತೆಂಚ್ ಚಿಂತುಂಕ್ ಆಮ್ಚೆಲಾಗಿಂ ವೇಳ್ ನಾ. ಹ್ಯಾ ಮನ್ಶಾ ಕಾಲೆತಿಚ್ಯಾ ಹಕೀಗತೆಚೆರ್ ಹಿ ಕವಿತಾ ಉಭಿ ಕೆಲ್ಯಾ.

ಮನಿಸ್, ಮನ್ಶಾಚಿಂತಪ್ ಆನಿ ಸಂವೇದನ್ ಆಪ್ಲ್ಯಾ ಕವಿತೆಂನಿ ಇಮಾಜಿರುಪಾರ್ ವಾಪರ್ಚಿ ಕಲಾ ಭೋವ್ ಅಪುರ್ಭಾಯೆನ್ ಕರ್ಚಿ ಶ್ಯಾಥಿ ಆಸ್ಚ್ಯಾ ಬಾಬ್ ಆರ್. ಎಸ್. ಭಾಸ್ಕರಾಚಿ ಹಿ ಕವಿತಾ 2018 ಇಸ್ವೆಂತ್ ಪಯ್ಣಾರಿ ಆನಿ ವೀಜ್ ಹಾಣಿಂ ಮಾಂಡುನ್ ಹಾಡ್‌ಲ್ಲ್ಯಾ ದೆ|ವಿಲ್ಫಿ ರೆಬಿಂಬಸ್ ಸ್ಮಾರಕ್ ರಾಶ್ಟ್ರೀಯ್ ದ್ವಿಲಿಪಿ ಕೊಂಕಣಿ ಸಾಹಿತಿಕ್ ಸ್ಪರ್ಧ್ಯಾಂತ್ ಪಯ್ಲೆಂ ಇನಾಮ್ ಆಪ್ಣಾಯಿಲ್ಲಿ ಜಾವ್ನಾಸಾ. ಹ್ಯಾ ಕವಿತೆಚೊ ಸ್ವಾದ್ ಚಾಕುಂಕ್ ಆತಾಂ ತುಕಾಚ್ ಉಲೊ ದಿತಾಂ.

- ಸಂ.

[ಕವಿತಾ] ಫೇಸ್‌ಬುಕ್ [ಆರ್. ಎಸ್. ಭಾಸ್ಕರ್]

ಫೇಸ್‌ಬುಕ್ ಫೆಸ್ಬುಕಾವೆಲ್ಯಾನ್ ಆಜ್ ಪಳೊವ್ಕ್ ಮೆಳ್ಳೊ ಗಾಂವಾಂತ್ಚ್ಯಾನ್ ಧುವ್ಡೆನ್ ಘಾಲೊ ಪೊಸ್ಟ್ ಅಪುರಬಾಯೆಚ್ಯಾ ತಾಜ್ಯಾ ಕುಕ್ಡಾನ್ ಆಜ್ ಪಯ್ಲೆಂ ಪಾವ್ಟಿ ತಾಂತಿಂ ಘಾಲ್ಯಾ ರುಪೆಸ್ತ್ ಕುಕಡ್ ದಿಸ್ತಾ ಪೊಸ್ಟಾವೆಲ್ಯಾನ್ ಕುಕ್ಡಾಕಡೆಂನಿ ಆಸಾ ಧವೆಂಫೂಲ್ ತಾಂತಿಂ ಮಾಗ್ಣಿ ತಾಜ್ಯಿ ಆಯ್ಕಲಿ ಮ್ಹೊಣ್ ದೆವಾಕಡೆಂನ್ ತೆಂ ಉಪ್ಕಾರೂಯ್ ಮಾಗ್ತಾ ಆತಾಂ ತಾಕಾ ಸಮ್ಜೀಕಾಯ್ ಆಯ್ಲ್ಯಾ ತಾಂತೆಚೆಂ ಭಿತೆರ್ ಜೀವ್ ಬಿ ಆಸಾ ಮುಖಾರ್ಚ್ಯಾನ್ ತೆಂ ತಾಂತಿಂ ಫುಟೊವ್ಚೀನಾ ತಾಂತೆಚಿ ಪೊಳಿ ಕೆನ್ನಾ ಘಾಲ್ಚೀನಾ ಆಪೂಣ್ ಆನಿ ಪೊಳಿ ಖಾವಂಚೀನಾ ಘೊವಾಕಯ್ ಮುಖಾರ್ ಖಾವಂಕ್ ದಿವ್ಚೀನಾ 2 ದೆವಾನ್ ಘಾಲೊ ಜೀವ್ ನ್ಯು ಆಪೂಣ್ ಜಾವ್ನ್ ಕಾಡುಂ ಕಿತ್ಯಾಕ್? ದೆವಾಚ್ಯಾನತರಿ ಅಶೆಂ ಮ್ಹೊಣೂನ್ ಮಾಗೀರ್ ದೆವಾಚ್ಯಾ ನಾವಾರ್ ತೆಂ ಸೊಪುತೂಯ್ ಘೆತಾ ಎಕೂಯ್ ತಾಂತಿ ತೆಂ ಕೊಣಾಕ್ ದಿವ್ಚೀನಾ ಪುರಾಯ್ ತಶೆಂಚ್ ಸಂಬಾಳೂನ್ ಘೆತ್ಲೆಂ ಕುಕಡ್ ಮಾಗೀರ್ ಜೊರಾಕ್ ಬಸ್ತನಾ ಉಬೆಕ್ ಖಾತೀರ್ ತೆಂ ತಾಂತ್ಯೊಂ ದವ್ರತಲೆಂ ತಾಂತ್ಯೊ ಫುಟೂನ್ ಪಿಲಾಂ ಭಾಯ್ರ್ ಸರ್ತಲಿ ಆಂಗಣ್ ಭರ್ ಅಶೆಂಚ್ ಧಾವ್ನ್ ಭೊಂವ್ತಲಿಂ ಸಾನುಲ್ಯಾಕ್ ತಾಜ್ಯಾ ಸಂಗಾತ್ ಖೆಳೂಂಕ್ ಕುಕ್ಡಾ ಪಿಲಾಂ ಆಸ್ತಲೀಂಚ್ ಮುಂ! ಧುವ್ಡಿ ಸಾಂಗ್ತಾಲೆ ತೆ ರೊಖ್ಡೆಂಚ್ ಘೆವ್ನ್ ಪರ್ತೂನ್ ಹಾಂವೆಂ ಲಯ್ಕ್ ಮಾರ್ಲೆಂ - ಆರ್. ಎಸ್. ಭಾಸ್ಕರ್ [ಅಗೋಸ್ತ್, 2019]

	ಆರ್.ಭಾಸ್ಕರ್ ಶೆಟ್ಟಿ: ಕೇರಳಾಚೆ ನಾಮಣೆಚೆ ಕೊಂಕಣಿ ಕವಿ. ಅಕ್ಶರಾಂ (1992), ಅಕ್ಷತಾಂ (1997), ಪಂಚಯ್ತನಾ (1998), ಗುರುಚರಣಿ (2000), ಚಿನು ಮಿನು ಚಾನೊ, ಯುಗಪರಿವಾರ್ತನಂಚೊ ಯಾತ್ರಿ (2014) ಹಾಂಚೆ ಪರ್ಗಟ್‌ಲ್ಲೆ ಕವಿತಾಜಮೆ. ತಾರಾಬಾಯಿ ವಿಷ್ಣು ಮ್ಹಾಪ್ಶೆಂಕಾರ್ ವೈಷ್ಯ ಭಾರತಿ ಪುರಸ್ಕಾರ್ (1996), ಕೊಂಕಣಿ ಭಾಶಾ ಪ್ರಚಾರ್ ಸಭಾ ಪುರಸ್ಕಾರ್ (1994) ಹಾಂಕಾಂ ಯೆದೊಳ್ ಮೆಳ್‌ಲ್ಲೆ ಪುರಸ್ಕಾರ್.
कविता [पय्णारी-वीज साहितिक स्पर्ध्यांत पयलें इनाम लाभ्‌ल्ली कविता]
आयचो काळ डिजिटल काळ, ई-काळ, अंतर‌जाळ‌च आमचो उस्वास करून आमी टिविथावन मोबायलांत देंवल्यांव आनी आमचो संसार‌च आतां मोबायल जाला. बाकिचें कितेंच चिंतुंक आमचेलागीं वेळ ना. ह्या मनशा कालेतिच्या हकीगतेचेर ही कविता उभी केल्या. मनीस, मनशाचिंतप आनी संवेदन आपल्या कवितेंनी इमाजिरुपार वापर्ची कला भोव अपुर्भायेन कर्ची श्याथी आसच्या बाब आर. एस. भासकराची ही कविता २०१८ इस्वेंत पयणारी आनी वीज हाणीं मांडून हाड‌ल्ल्या दे\|विलफी रेबिंबस स्मारक राश्ट्रीय द्विलिपी कोंकणी साहितीक स्पर्ध्यांत पयलें इनाम आपणायिल्ली जावनासा. ह्या कवितेचो स्वाद चाकुंक आतां तुकाच उलो दितां. - सं
[कविता] फॆस्‌बुक [आर. एस. भास्कर]
फॆस्‌बुक फेसबुकावेल्यान आज पळोवक मेळ्ळो गांवांतच्यान धुवडेन घालो पोस्ट अपुरबायेच्या ताज्या कुकडान आज पयलें पावटी तांतीं घाल्या रुपेस्त कुकड दिसता पोस्टावेल्यान कुकडाकडेंनी आसा धवेंफूल तांतीं मागणी ताज्यी आयकली म्होण देवाकडेंन तें उपकारूय मागता आतां ताका समजीकाय आयल्या तांतेचें भितेर जीव बी आसा मुखारच्यान तें तांतीं फुटोवचीना तांतेची पोळी केन्ना घालचीना आपूण आनी पोळी खावंचीना घोवाकय मुखार खावंक दिवचीना 2 देवान घालो जीव न्यू आपूण जावन काडूं कित्याक? देवाच्यानतरी अशें म्होणून मागीर देवाच्या नावार तें सोपुतूय घेता एकूय तांती तें कोणाक दिवचीना पुराय तशेंच संबाळून घेतलें कुकड मागीर जोराक बसतना उबेक खातीर तें तांत्यों दवरतलें तांत्यो फुटून पिलां भायर सरतली आंगण भर अशेंच धावन भोंवतलीं सानुल्याक ताज्या संगात खेळूंक कुकडा पिलां आसतलींच मूं! धुवडी सांगताले ते रोखडेंच घेवन परतून हांवें लयक मारलें - आर. एस. भास्कर [अगॊस्त, २०१९]

	आर. भासकर शेट्टी: केरळाचे नामणेचे कोंकणी कवी. अक्षरां (१९९२, अक्षतां (१९९७), पंचयतना (१९९८), गुरुचरणी (२०००), चिनू मिनू चानो, युगपरिवार्तनंचो यात्री (२०१४) हांचे पर्गट‌ल्ले कविताजमे. ताराबायी विषणू म्हापशेंकार वैषय भारती पुरसकार (१९९६), कोंकणी भाशा प्रचार सभा पुरसकार (१९९४) हांकां येदोळ मेळ‌ल्ले पुरसकार.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.