ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ಗಝಲ್ (- ಡಾ|ಪೂರ್ಣಾನಂದ ಚಾರಿ)

ಸಂಸಾರಾಂತ್ ಆಯ್ಚೆಂ ಮನ್ಶಾಚೆಂ ಜಿವಿತ್ ದಾಕವ್ಪಾಚೆಂ ಜಾಲಾಂ ದೆಕುನ್ ಆಮ್ಚೆಸಮೊರ್ ರಸ್ತ್ಯಾರ್ ಎಕ್ಲೊ ಪಡುನ್ ಮೊರುನಾಸಾ ತರ್ ತಾಕಾ ಕುಮೊಕ್ ಕರ್ಚ್ಯಾಧಿಂ ಆಮ್ಚೆಂ ಮೊಬಾಯ್ಲ್ ಸೆಲ್ಫಿ ಕಾಡ್ಚೆದಿಶೆನ್ ಚಿಂತುನ್ ಆಸಾ. ತಿಚ್ ಸೆಲ್ಫಿ ಖಿಣಾನ್ ಸಮಾಜಿಕ್ ಜಾಳಿಜಗ್ಯಾಂನಿ ಪಡ್ತಾ ಆನಿ ಹಿ ಪಳೆಲ್ಲೊ ಲೋಕ್ ಸಯ್ತ್ ಕಾಂಯ್ ಎಕಾ ಪಯ್ಶ್ಯಾಚೆಂ ಚಿಂತಿನಾಸ್ತಾನಾ ಲೈಕ್ ಬಟನ್ ಧಾಂಬ್ತಾತ್. ಹ್ಯಾ ಪರಿಗತೆಂತ್ ಏಕ್ ಕವಿ ಅಪ್ಲ್ಯಾ ಮೊರ್ನಾಕ್ ಯೆಯಾತ್ ಆನಿ ಅಪ್ಲ್ಯಾ ಮೊರ್ನಾಚೊ ತಮಾಸೊ ಚೊಯಾತ್ ಮ್ಹಣುನ್ ಉಲೊ ದಿತಾ ಕಿತ್ಯಾಕ್ ಮ್ಹಳ್ಳೆಂ ಅಪುರ್ಭಾಯೆನ್ ಗಝಲಾಚ್ಯಾ ರುಪಾರ್ ಹಾಂಗಾಸರ್ ವಿಚಾರ್ಚೆಂ ಪಳೆಯಾತ್.

ಬಾಬ್ ಪೂರ್ಣಾನಂದ ಚಾರಿ ಗೊಂಯ್ಚೊ ನಾಮ್ನೆಚೊ ಗಾವ್ಪಿ, ಕವಿ ತಶೆಂಚ್ ಪದಾಂ ಘಡ್ಪಿ. ಹಾಚ್ಯಾ ಹ್ಯಾ ಕವಿತೆಂತ್ ಲಿಪುನ್ ಆಸ್ಚ್ಯಾ ಇಮಾಜಿಂಚೆರ್ ಘಾಲ್ಲೊ ಪರ್ದೊ ಉಘಡ್ಚೆಂ ಕಾಮ್ ಕರುಂಕ್ ತುಕಾಚ್ ಉಲೊ ದಿತಾಂ.

- ಸಂ

[ಕವಿತಾ] ಗಝಲ್ (- ಡಾ\|ಪೂರ್ಣಾನಂದ ಚಾರಿ)

ಗಝಲ್ ಮರ್ಣಾರ್ ಮ್ಹಜ್ಯಾ ಆತಾಚ್ ಭೂಜವ್ಣ್ ದಿವಂಕ್ ಯೆಯಾತ್ ಸಾಂತ್ವನಾ ವೆಳಾರ್ ವಾಗ್ತಲೆ ಕಶೆ ದಾಖೊವಂಕ್ ಯೆಯಾತ್ ಚಾಲೂಚ್ ಆಸಾತ್ ನಿಮ್ಣೆ ವಿಧಿ ಇತ್ಸಾ ಹಾವೆಸಾಂಚೆ ಮ್ಹಜೆಯ್ ವಿಧಿಚಿ ಇಲ್ಲಿ ತಾಲೀಮ್ ಘೆವಂಕ್ ಯೆಯಾತ್ ಆಖೂಡ್ ಜಾಲ್ಯಾ ಮನಾಂಚೊ ಪಂಚ್ನಾಮೊ ಕರ್ಚೊ ನಾ ತೆನ್ನಾ ಘಾಲ್ಚೆಂ ಲಾಕೂಡ್ ಆತಾಂ ದಾಖೊವಂಕ್ ಯೆಯಾತ್ ರಾಂಕ್ ಲಾಗ್ತಲಿ ಸುತ್ಕ್ಯಾಂಚಿ ತಿ ರಾಂಗೊಳಿ ದಿಸ್ತಾ ರಂಗ್ ಥಂಯ್ಚ್ಯಾ ವಾಗ್ಪಾಚೊ ಆತಾಂ ಸಾರೊವಂಕ್ ಯೆಯಾತ್ ಘಾತ್ಕಿ ಕರ್ತುಪಾಂಚೆಂ ದರ್ಬ್ -ದರ್ಪ್ ಘೆವ್ನ್ ವಟ್ಟ್ ವತ್ಲೊ ಮುಖವ್ಟಯಾಚಿ ದುಖಿ ಝಲಖ್ ದಾಖೊವಂಕ್ ಯೆಯಾತ್ **** - ಡಾ\|ಪೂರ್ಣಾನಂದ ಚಾರಿ**. [ಜನೆರ್, 2020]

	ಡಾ\|ಪೂರ್ಣಾನಂದ ಚಾರಿ: ಗೊಂಯ್ಚಾ ಶ್ರೀ ಮಲ್ಲಿಕಾರ್ಜುನ್ ಕೊಲೆಜಿಚ್ಯಾ ಕೊಂಕಣಿ ವಿಭಾಗಾಚೊ ಮುಖೇಸ್ತ್ ಜಾವ್ನ್ ವಾವ್ರ್ ಕರುನ್ ಆಸ್ಚೊ ಹೊ ಏಕ್ ನಾಮ್ಣೆಚೊ ಗಾವ್ಪಿ, ಸಂಗೀತ್‌ಕಾರ್, ಕವಿ, ವಾವ್ರಾಡಿ ತಶೆಂಚ್ ಉಲವ್ಪಿ/ಚಿಂತ್ಪಿ. ಯುವ ಚೈತನ್ಯ ಪುರಸ್ಕಾರ್, ಕಾವ್ಯ ಸಂಗಾತಿ ಪುರಸ್ಕಾರ್, ಶ್ರೇಷ್ಟ್ ಸಂಗೀತ್ ಪುರಸ್ಕಾರ್ ಹಾಕಾ ಲಾಭ್‌ಲ್ಲೆ ಪ್ರಮುಕ್ ಪುರಸ್ಕಾರ್. 'ಚಿಂಗಾರ್', 'ಭಜ್ನಮನ್', ಕವಿತಾ-ಗೀತ್ ಸಂಗ್ರಹ್, ಆದಿವಾಸಿ ಅಭ್ಯಾಸ್, ಆಂಕತರಂಗ್ (ಸಂಪಾದನ್). ಕಾಂಯ್ 15ಆಲ್ಬಮಾಂ ಖಾತಿರ್ ಗಿತಾಂ ಬರಯ್ಲ್ಯಾಂತ್. ಎಕಾಂಕಿ ನಾಟಕ್ ಬರಯ್ಲ್ಯಾತ್.
[kovita] Ghozol* (- Dr\|Purnnanondo Chari)*
Somsarant aichem monxachem jivit dakoupachem zalam dekun amchesomor rostear eklo poddun morunasa tor taka kumok korcheadhim amchem mobail selfi kaddchedixen chintun asa. Tich selfi khinnan somajik zallizogeamni poddta ani hi pollel'lo lok soit kaim eka poixeachem chintinastana loik botton dhambtat. Hea porigotent ek kovi oplea mornak yeyat ani oplea mornacho tomaso choyat mhonnun ulo dita kiteak mholl'llem opurbhayen gozholachea rupar hangasor vicharchem polleyat. Bab purnnanondo chari gõycho namnecho gaupi, kovi toxench podam ghoddpi. Hachea hea kovitent lipun aschea imajincher ghal'lo pordo ughoddchem kam' korunk tukach ulo ditam. - Som
[kovita] Ghozol* (- Dr\|Purnnanondo Chari)*
Gozhol mornnar mhojea atach bhuzounn divonk yeyat santvona vellar vagtole koxe dakhounk yeyat chaluch asat nimnne vidhi itsa havesanche mhojey vidhichi il'li talim' gheunk yeyat akhudd zalea monancho ponchnamo korcho na ten'na ghalchem lakudd atam dakhounk yeyat rank lagtoli sutkeanchi ti rangolli dista rong thoinchea vagpacho atam sarounk yeyat ghatki kortupanchem dorb -dorp gheun vott'tt votlo mukhouttoyachi dukhi zholokh dakhounk yeyat **** - Dr\|Purnnanondo Chari.** [Zoner, 2020]

	Dr\|Purnnanondo Chari: Gõycha xri mol'likarzun kolejichea konkonni vibhagacho mukhest zaun vaur korun ascho ho ek namnnecho gaupi, songit‌kar, kovi, vauraddi toxench uloupi/chintpi. Yuvo choitonyo puroskar, kauyo songati puroskar, xrextt songit puroskar haka labh‌l'le promuk puroskar. 'chingar', 'bhojnomon', kovita-git songroh, adivasi obheas, ankotorong (sompadon). Kaim 15albomam khatir gitam boroileant. Ekanki nattok boroileat.
[कविता] गझल (- डा\|पूर्णानंद चारी)
संसारांत आयचें मनशाचें जिवीत दाकवपाचें जालां देकून आमचेसमोर रसत्यार एकलो पडून मोरुनासा तर ताका कुमोक कर्च्याधीं आमचें मोबायल सेलफी काडचेदिशेन चिंतून आसा. तीच सेलफी खिणान समाजीक जाळिजग्यांनी पडता आनी ही पळेल्लो लोक सयत कांय एका पयश्याचें चिंतिनासताना लैक बटन धांबतात. ह्या परिगतेंत एक कवी अपल्या मोर्नाक येयात आनी अपल्या मोर्नाचो तमासो चोयात म्हणून उलो दिता कित्याक म्हळ्ळें अपुर्भायेन गझलाच्या रुपार हांगासर विचार्चें पळेयात. बाब पूर्णानंद चारी गोंयचो नाम्नेचो गावपी, कवी तशेंच पदां घडपी. हाच्या ह्या कवितेंत लिपून आसच्या इमाजिंचेर घाल्लो पर्दो उघडचें काम करुंक तुकाच उलो दितां. -संं
[कविता] गझल (- डा\|पूर्णानंद चारी)
गझल मरणार म्हज्या आताच भूजवण दिवंक येयात सांत्वना वेळार वागतले कशे दाखोवंक येयात चालूच आसात निमणे विधी इत्सा हावेसांचे म्हजेय विधिची इल्ली तालीम घेवंक येयात आखूड जाल्या मनांचो पंचनामो करचो ना तेन्ना घालचें लाकूड आतां दाखोवंक येयात रांक लागतली सुतक्यांची ती रांगोळी दिसता रंग थंयच्या वागपाचो आतां सारोवंक येयात घातकी कर्तुपांचें दर्ब -दर्प घेवन वट्ट वतलो मुखवटयाची दुखी झलख दाखोवंक येयात **** - डा\|पूर्णानंद चारी.** [जनेर, २०२०]

	डा\|पूर्णानंद चारी: गोंयचा श्री मल्लिकार्जून कोलेजिच्या कोंकणी विभागाचो मुखेसत जावन वावर करून आसचो हो एक नामणेचो गावपी, संगीत‌कार, कवी, वावराडी तशेंच उलवपी/चिंत्पी. यूव चैतन्य पुरसकार, काव्य संगाती पुरसकार, श्रेषट संगीत पुरसकार हाका लाभ‌ल्ले प्रमूक पुरसकार. 'चिंगार', 'भजनमन', कविता-गीत संग्रह, आदिवासी अभ्यास, आंकतरंग (संपादन). कांय १५ आलबमां खातीर गितां बरयल्यांत. एकांकी नाटक बरयल्यात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.