ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ಭೊಗ್ಣಾಂ (- ಜೋನ್ ಸುಂಟಿಕೊಪ್ಪ)

ಸಾದಿ ಮ್ಹಣ್ ದಿಸ್ಚಿ ಪುಣ್ ಭೋವ್ ಮಾರ್ಮಿಕ್ ವಿಡಂಬನಾತ್ಮಕ್ ಚಿಂತ್ಪಾಚಿ ಕವಿತಾ ಹಿ. ವ್ಹಾ! ಕಿತೆಂ ಸೊಭಾಯ್ ಹ್ಯಾ ಕವಿತೆಚಿ; ಹಾಂಗಾಸರ್ ಆಮ್ಚ್ಯಾ ಬಾಪಾ ವ ನಮಾನ್ ಮರಿಯೆ ಅಲ್ಲಾ ಹು ಅಖ್ಬರ್ ಆಸುಯೆತಾ, ಬಿಸ್ಮಿಲ್ಲಾ ರೆಹ್ಮಾನ್ ರಹೀಮ್ ಆಸುಯೆತಾ, ಹರಿ ಓಮ್ ವ ಆನಿ ಕಿತೆಂಯ್ ಆಸುಯೆತಾ. ಆನಿ ಖುರಿಸ್ ಮ್ಹಳ್ಯಾರ್ ಚಂದ್ರೆಮ್ ಆಸುಯೆತಾ ವಾ ತ್ರಿಶೂಲ್ ಆಸುಯೆತಾ ತೆಂ ಗರ್ಜೆಚೆಂ ನ್ಹಯ್ ಪುಣ್ ಕಿತೆಂ ಗರ್ಜೆಚೆಂ ಮ್ಹಳ್ಯಾರ್; ಕುಡಿಸವೆಂ ಜೀವ್ ಆಸ್ತಾನಾ ಸಂಸಾರಾಂತ್ ಶೃಂಗಾರ್, ಮುಖೊಟಿಂ ನ್ಹೆಸುನ್ ಲಜ್-ಮರ್ಯಾದ್ ಸಾಂಡುನ್, ಆಪ್ಲ್ಯಾ-ಪೆಲ್ಯಾಂಕ್ ಅಪ್ಲಿಂ ಭಗ್ಣಾಂ ಲಿಪವ್ನ್ ಹೆರಾಂಕ್ ದಾಕವ್ಪಾಚೆಂ ಜಿವಿತ್ ಜಿಯೆವ್ನ್ ಆತಾಂ ಕೂಡ್ ಸಾಂಡ್‌ಲ್ಲೊ ಅತ್ಮೊ ತ್ಯಾ ಮೊರೊನ್ ಗೆಲ್ಲ್ಯಾ ಭಗ್ಣಾಂ ಪಾಸತ್ ಮಾಗ್ಣೆಂ ಕರ್ತಾ ಆನಿ ವಿಪರ್ಯಾಸ್ ಮ್ಹಳ್ಯಾರ್ ಫೊಂಡಾವಯ್ಲೊ ಖುರಿಸ್ ತೆಂ ಮಾಗ್ಣೆಂ ಸುರು ಕರ್ತಾ. ಅನ್ಯೇಕಾ ಅರ್ಥಾನ್ ಸಾಂಗ್ಚೆಂ ತರ್, ಹೊ ಧರ್ಮ್ ಮ್ಹಳ್ಳೊ ಡೋಂಗ್ ಮನ್ಶಾಕ್ ಮನ್ಶಾಪಣಾನ್ ಜಿಯೆಂವ್ಕ್ ಸೊಡಿನಾ.

ಕಾಂಯ್ ಲಾಂಬ್ ಕಾಳ್ ಪರ್ಯಾಂತ್ ಯಾದಿಂತ್ ಉರ್ಚೆತಸಲಿ; ಅಮೂರ್ತ್ ಚಿಂತ್ಪಾಚಿ ವಿಡಂಬನಾತ್ಮಕ್ ಕವಿತಾ ಬರಂವ್ಚ್ಯಾ ಬಾಬ್ ಜೋನ್ ಸುಂಟಿಕೊಪ್ಪಾಚ್ಯಾ ಹ್ಯಾ ಕವಿತೆಚ್ಯಾ ಎಕೆಕಾ ಸಬ್ಧಾಕ್ ತುಕ್ಚೆಂ ಕಾಮ್ ತುಜೆರ್ ಸೊಡ್ತಾಂ.

- ಸಂ

[ಕವಿತಾ] ಭೊಗ್ಣಾಂ (- ಜೋನ್ ಸುಂಟಿಕೊಪ್ಪ)

ಭೊಗ್ಣಾಂ ಏಕ್ ಆಮ್ಚ್ಯಾ ಬಾಪಾ ಏಕ್ ನಮಾನ್ ಮರಿಯೆಕ್ ಹಾಂವ್ ಭೆಟಯ್ತಾಂ ಸರ್‌ಲ್ಲ್ಯಾ ಸಮೇಸ್ತ್ ಭೊಗ್ಣಾಂ ಖಾತಿರ್.... ವೇಳ್ ಕಾಳ್ ಖಂಚೊಯ್ ಜಾಂವ್ ಲಜ್ ಮರ್ಯಾದ್ ನಾಂಚ್ ಜಾವ್ನ್ ದೀಸ್-ರಾತ್ ಮನಾಂತ್ ಲೊಳೊನ್ ಭರೊನ್ ಗಳವ್ನ್ ಕಾಳಿಜ್ ಭಿಜವ್ನ್ ನಪಂಯ್ಚ್ ಜಾಲ್ಲ್ಯಾ ಸರ್ವ್ ಮ್ಹಜ್ಯಾ ಭೊಗ್ಣಾಂನೊ; ಸಾಸ್ಣಾಚೊ ವಿಶೆವ್ ತುಮ್ಕಾಂ ಸುಶೆಗಾತ್ ನಿದೆಂತ್ ಆಸ್ಲೊಂ ಫೊಂಡಾವಯ್ಲೊ ಖುರಿಸ್ ಮಾತ್ರ್ ಜಾಪ್ ದಿತಾಲೊ; ಆಮ್ಚ್ಯಾ ಬಾಪಾ ಸರ್ಗಿಂಚ್ಯಾ... ನಮಾನ್ ಮರಿಯೆಕ್... **** - ಜೋನ್ ಸುಂಟಿಕೊಪ್ಪ**. [ಜನೆರ್, 2020]

	ಜೋನ್ ಸುಂಟಿಕೊಪ್ಪ: ಕಾನಡಿ ಭಾಸೆಂತ್ ಅಪುರ್ಭಾಯೆಚ್ಯೊ ಕವಿತಾ/ಕಾಣ್ಯೊ ಬರಂವ್ಚೊ ಜೋನ್ ಡಿ’ಸೋಜ್, ವೃತ್ತೆನ್ ಏಕ್ ಶಿಕ್ಷಕ್. ಸಾಹಿತ್ಯಾಚೆಂ ಪದ್ಯುತ್ತರ್ ಶಿಕಾಪ್ ಜೊಡುನ್ ಆಸ್ಚೊ ಹೊ ಏಕ್ ಭೋವ್ ಸಂವೇದನ್‌ಶೀಲ್ ತಶೆಂಚ್ ಭೋವ್ ಮೊವಾಳ್/ಖಾಲ್ತೊ. ಪುಣ್ ಚಿಂತ್ನಾಂನಿ ತಿತ್ಲೊಚ್ಚ್ ಪರಿಪಕ್ವ್. ಸಮಾಜಿಂತ್ಲ್ಯಾ ವಾಂಕ್ಡ್ಯಾಂಚೆರ್ ವಿಮರ್ಶಾತ್ಮಕ್ ನದರ್ ಘಾಲ್ಚೆಂ ಚಿಂತಾಪ್ ಹಾಚ್ಯಾ ಚಡ್ತಾವ್ ಬರ್ಪಾಂನಿ ನಿಶೆತಾ. 'ಮೊನಿ ಬೋಬ್' (2017) ಹಾಚ್ಯಾ ಕೊಂಕಣಿ ಕವಿತೆಂಚೊ ಪಯ್ಲೊ ಜಮೊ ಆಶಾವಾದಿ ಪ್ರಕಾಶನಾನ್ ಕಾನಡಿ ತಶೆಂಚ್ ನಾಗರಿ ಲಿಪಿಯೆಂತ್ ಪರ್ಗಟ್ಲಾ.
[kovita] Bhognnam* (- John Suntikoppa)*
Sadi mhonn dischi punn bhovo marmik viddombonatmok chintpachi kovita hi. Vha! kitem sobhai hea kovitechi; hangasor amchea bapa vo noman morie ol'la hu okhbor asuyeta, bismil'la rehman rohim' asuyeta, hori om' vo ani kitem-i asuyeta. Ani khuris mhollear chondrem' asuyeta va trixul asuyeta tem gorjechem nhoi punn kitem gorjechem mhollear; kuddisovem jivo astana somsarant xringar, mukhottim nhesun loz-moread sanddun, aplea-peleank oplim bhognnam lipoun herank dakoupachem jivit jieun atam kudd sandd‌l'lo otmo tea moron gel'lea bhognnam pasot magnnem korta ani viporeas mhollear fonddauylo khuris tem magnnem suru korta. Onyeka orthan sangchem tor, ho dhorm' mholl'llo ddong monxak monxaponnan jieunko soddina. Kaim lamb kall poreant yadint urchetosoli omurt chintpachi viddombonatmok kovita boromvchea Bab John Suntikoppachea hea kovitechea ekeka sobdhak tukchem kam' tujer soddtam. - Som
[kovita] Bhognnam* (- John Suntikoppa)*
Bhognnam ek amchea bapa ek noman moriek hamv bhettoitam sor‌l'lea somest bhognnam khatir.... Vell kall khonchoi zamv loz moread nanch zaun dis-rat monant lollon bhoron golloun kalliz bhizoun nopomych zal'lea sorv mhojea bhognnamno; sasnnacho vixevo tumkam suxegat nident aslom fonddavoilo khuris matr zap ditalo; amchea bapa sorginchea... Noman moriek... ** - John Suntikoppa.** [Jan, 2020]

	*John Suntikoppa: Kanoddi bhasent opurbhayecheo kovita/kanneo borouncho zon ddi’soz, vrit'ten ek xikxok. Sahiteachem podyut'tor xikap zoddun ascho ho ek bhovo somvedon‌xil toxench bhovo movall/khalto. Punn chintnamni titlochch poripokv. Somajintlea vankddeancher vimorxatmok nodor ghalchem chintap hachea choddtavo borpamni nixeta. 'Moni Bob*' (2017) hachea konkonni kovitencho poilo zomo Ashawadi Prakashanan kanoddi toxench nagori lipient porgottla.
[कविता] भोगणां (- जोन सुंटिकोप्प)
सादी म्हण दिसची पूण भोव मार्मीक विडंबनात्मक चिंत्पाची कविता ही. व्हा! कितें सोभाय ह्या कवितेची; हांगासर आमच्या बापा व नमान मरिये अल्ला हू अखबर आसुयेता, बिस्मिल्ला रेह्मान रहीम आसुयेता, हरी ओम व आनी कितेंय आसुयेता. आनी खुरीस म्हळ्यार चंद्रेम आसुयेता वा त्रिशूल आसुयेता तें गर्जेचें न्हय पूण कितें गर्जेचें म्हळ्यार; कुडिसवें जीव आसताना संसारांत शृंगार, मुखोटीं न्हेसून लज-मऱ्याद सांडून, आपल्या-पेल्यांक अपलीं भगणां लिपवन हेरांक दाकवपाचें जिवीत जियेवन आतां कूड सांड‌ल्लो अत्मो त्या मोरोन गेल्ल्या भगणां पासत मागणें कर्ता आनी वीपऱ्यास म्हळ्यार फोंडावयलो खुरीस तें मागणें सुरू कर्ता. अन्येका अर्थान सांगचें तर, हो धर्म म्हळ्ळो डोंग मनशाक मनशापणान जियेवंक सोडिना. कांय लांब काळ पऱ्यांत यादिंत उर्चेतसली अमूर्त चिंत्पाची विडंबनात्मक कविता बरंवच्या बाब जोन सुंटिकोप्पाच्या ह्या कवितेच्या एकेका सब्धाक तुकचें काम तुजेर सोडतां. सं.
[कविता] भोगणां (- जोन सुंटिकोप्प)
भोगणां एक आमच्या बापा एक नमान मरियेक हांव भेटयतां सर‌ल्ल्या समेसत भोगणां खातीर.... वेळ काळ खंचोय जांव लज मऱ्याद नांच जावन दीस-रात मनांत लोळोन भरोन गळवन काळीज भिजवन नपंयच जाल्ल्या सर्व म्हज्या भोगणांनो; सासणाचो विशेव तुमकां सुशेगात निदेंत आसलों फोंडावयलो खुरीस मात्र जाप दितालो; आमच्या बापा सर्गिंच्या... नमान मरियेक... **** - जोन सुंटिकोप्प.** [जनेर, २०२०]

	जोन सुंटिकोप्प: कानडी भासेंत अपुर्भायेच्यो कविता/काण्यो बरंवचो जोन डी’सोज, वृत्तेन एक शिक्षक. साहित्याचें पद्युत्तर शिकाप जोडून आसचो हो एक भोव संवेदन‌शील तशेंच भोव मोवाळ/खाल्तो. पूण चिंत्नांनी तितलोच्च परिपकव. समाजिंतल्या वांकड्यांचेर विमर्शात्मक नदर घाल्चें चिंताप हाच्या चडताव बर्पांनी निशेता. 'मोनी बोब' (२०१७) हाच्या कोंकणी कवितेंचो पयलो जमो आशावादी प्रकाशनान कानडी तशेंच नागरी लिपियेंत पर्गटला.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.