ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

ಸಂಪಾದಕೀಯಾಂ

ಕೊಂಕ್ಣಿ ನಿರಂತರಿ..
ಮನಿಸ್ ಧಾಂವ್ಣಿ..

ಲೇಖನಾಂ

ಪ್ರಗತಿಶೀಲ್ ಬರವ್ಪಿ
ಮುಂಬಯಾಂತ್ ಪ್ರಗತಿಪರ್
ಮುಂಬಯಾಂತ್ಲಿ ಕೊಂಕ್ಣಿ

ಕವಿತಾ

ಬ್ರೊತೊ (ಪಯ್ಲಿ ಕವಿತಾ)

ಕವಿತಾ (ಹಫ್ತ್ಯಾಚಿ ಕವಿತಾ)

ಕವಿತಾಪಾಠ್ (ಅಧ್ಯಯನ್)

ಚಿತ್ರಾಂ-ವಿಚಿತ್ರಾಂ

ಕಾಣ್ಯೊ

ಮಟ್ವಿಕಥಾ (ಹಫ್ತ್ಯಾಚಿ ಕಾಣಿ)

ವಿಶ್ಲೇಶಣಾಂ

ಮುಗ್ದೊನಾತ್‌ಲ್ಲಿಂ ಗಿತಾಂ

ಸಂವಾದ್

ಏಕ್ ಭೆಟ್ ಏಕ್ ಸಂವಾದ್

ಕೊಂಕ್ಣಿ ಕಾರ್ಯಿಂ

ಆಗ್ರಾರ್ ಕವಿಗೋಶ್ಟಿ
ಕೊಂಕ್ಣಿ ಸಹಮಿಲನ್ 2015

ಅಂಕಣಾಂ

ದಿವ್ಟಿ (ಜಿಯೋ ಆಗ್ರಾರ್)

ಸಕಾಳಿಕ್ (ಸ್ಟೀಫನ್ ಕ್ವಾಡ್ರಸ್)

ಭಲಾಯ್ಕಿ (ಡಾ|ಎಡ್ವರ್ಡ್ ನಜ್ರೆತ್)

ಮನ್ ಕಿ ಬಾತ್ (ಜೆ.ವಿ.ಕಾರ್ಲೊ)

ನಾನು-ಇಸಂ (ನಾನು ಮರೋಳ್)

[ಕವಿತಾ] ಮೆಕ್ಳೀಕಯಾತ್ರಾ(- ಮನೋಜ್ ನರೇಂದ್ರ ಕಾಮತ್)

ಹ್ಯಾ ಸಂಸಾರಾಂತ್ ಜಿಯೆವ್ನ್ ಆಸ್ತಾ ಪರಯಾಂತ್ ಮನಶಾಕ್ ಸುಕ್ ದೂಕ್ ಸೊಸುಂಕ್ ಆಸಾ, ಬರೆಂ ವಾಯ್ಟ್ ಪೆಳೆಂವ್ಕ್ ಆಸಾ, ಆಶಾ ನಿರಾಶಾ ಭಗುಂಕ್ ಆಸಾ ಪುಣ್ ಜೆದನಾಂ ಆಧ್ಯಾತ್ಮಕ್ ಚಿಂತಪಾನ್ ಹೆಂ ಜಿವಿತ್ ಪಳೆಂವ್ಕ್ ಧರತಾನಾ ಹಿಂ ಸರ್ವ್ ಭಗಣಾಂ ಕ್ಷಣಿಕ್ ವಾ ಥೊಡ್ಯಾಚ್ ವೆಳಾಚಿಂ ಮ್ಹಣುನ್ ಭಗತಾ. ಹಾಂಗಾಸರ್ ಹ್ಯಾ ಚಿಂತಪಾಚೆರ್ ಘಾಲ್ಲೊ ಅಪುರ್ಭಾಯೆಚೊ ನಿಯಾಳ್ ಆಮಿ ಪಳೆವ್ಯೆತಾ.

ಬಾಬ್ ಮನೋಜ್ ಕಾಮತ್ ಏಕ್ ಉಂಚ್ಲೊ ಕವಿ ಮ್ಹಳ್ಳೆಂ ತಾಚಿಂ ಎಕೇಕ್ ಕವಿತಾ ಗವಾಯ್ ದಿತಾತ್. ಹಾಂಗಾಸರ್ ಸಯ್ತ್ ತಾಣೆಂ ಕೆಲ್ಲೆಂ ಪ್ರಯತ್ನ್ ಆಮಿ ಪಳೆವ್ಯೆತಾ. ಆತಾಂ ಹೆಂ ಪಳೆಂವ್ಕ್ ತುಕಾಚ್ ಆಪವ್ಣೆಂ ದಿತಾಂ.

- ಸಂ

[ಕವಿತಾ] ಮೆಕ್ಳೀಕಯಾತ್ರಾ(- ಮನೋಜ್ ನರೇಂದ್ರ ಕಾಮತ್)

ಮೆಕ್ಳೀಕಯಾತ್ರಾ ಮಾಯೆಚೆ ಪಾಸ್ ಘುಸ್ಪತ್ ವತಾಲೆ ತೊ ಶಿರ್ಕತ್ ವತಾಲೊ ಧಾಗ್ಯಾಂಚೆ ಗಚ್ಚ್ ವಿಣೆನ್ ವರ್ಸಾಂ ಪಿರಾಯೆನ್ ವಾಡ್ಲಿಂ ಜಶಿಂ ಜಾಣ್ಟಿಂ ನಾತಿಂ ಶೆಣ್ಲಿಂ ಧವ್ಶಾ ಸಾವ್ರಿ ಕುಪಾಂನಿ ಉಜ್ವಾಡ್ ಕಾಳ್ಖಾಚ್ಯಾ ಖೆಳಾಂತ್ ನವ್ಯಾ ನಾತ್ಯಾಂನಿಂ ಕೊಂಬ್ ಧರ್ಲೊ ಪೊಪ್ಟಿ ರಂಗಾ ತಾಂಬ್ಶಾ ಕೊಂಬ್ರ್ಯಾಂನಿ ಎಕ್ ದೀಸ್ ಅಚ್ಕೀತ್ ತೊಚ್ ಶೆಣ್ಲೊ ಜಿಣೆ ಪಲ್ತಡ್ಚ್ಯಾ ಅಮರ್ತ್ವಾಂತ್ ಉಗ್ಡಾಸ್ ಉರ್ಲೆ ಕಾಂಯ್ ಖೀಣ್ ಕಾಳ್ಜಾಂತ್ ಭುಗ್ಭುಗಪಿ ಸರ್ಣಾ ಕೊಳ್ಶಾಂನಿ ಹಿ ಕುಡೀಚಿ ವಾನ್ಸಾ ಸೂಖ್ ಸೊದ್ಪಿ, ಖೊಸ್ ಮನೊವ್ಪಿ ದೊಳೆ ಲಖ್ಲಖಾವಪಿ ಧಾದೊಸಕಾಯೆನ್ ದೂಕ್ ಗಳೊವ್ಪಿ ದುಖಾಚೆ ಆಮೊರೆರ್ ಕುಡೀಚೆ ವಿತ್ರಾಗ್ - ಕಶ್ಟ್ ಮನಾಂತಲೆ ವಿಚಾರ್ ಕರೀತ್ ಭ್ರಶ್ಟ್ ಪ್ರಾಣ್ ಮಾತ್ ಜಾಲ್ಲೊ ಮುಕ್ತ್ ಕುಡೀಚೆ ಬಂದ್ಖಣೀತ್ಲ್ಯಾನ್ ಮೆಕ್ಳೆಪಣಾಚೊ ಸ್ವಾಸ್ ಘೆತ್ ಅಳಂಗ್ ಹುಬ್ತಾಲೊ ಉಜ್ವಾಡಾ ದಿಕೆನ್ ಅಂಧೂಕ್ ಕಾಳ್ಖಾಂತ್ಲ್ಯಾನ್ ಶುಕ್ರಾಣು ಜಾವ್ನ್ ಅಂಡ್ಕೊಶಾಚೆ ಗಹನ್ ಸಾಧ್ನೆಂತ್ ಆತ್ಮಾವಿಶ್ಕಾರಾಂತ್ಲ್ಯಾನ್ ಬ್ರಹ್ಮ್ ಸಾಸಾಯೆಂತ್ ಸುಖ್- ದುಖ್ಖಾಂತ್ಲ್ಯಾನ್ ಪಯ್ಸ್ ನಾತೆಂ- ಮೊಹಾಂತ್ಲ್ಯಾನ್ ಪಯ್ಸ್ ಇತ್ಸಾ - ಆಕಾಂಕ್ಷಾಂತ್ಲ್ಯಾನ್ ಪಯ್ಸ್ ಯಾತ್ನಾಂ - ಧಗಾಂತ್ಲ್ಯಾನ್ ಪಯ್ಸ್ ಪರ್ಬ್ರಹ್ಮಾಚೆ ಯಾತ್ರೆಕ್ ವತ್ನಾಂ ॐಕಾರಾಚ್ಯಾ ಆಕಾಶ್ಧ್ವನಿಂತ್ಲ್ಯಾನ್ **** - ಮನೋಜ್ ನರೇಂದ್ರ ಕಾಮತ್**. [ಫೆಬ್ರೆರ್, 2020]

	ಮನೋಜ್ ನರೇಂದ್ರ ಕಾಮತ್: ಪಾಟ್ಲ್ಯಾ ವೀಸ್ ವರ್ಸಾಂ ಥಾವ್ನ್ ಕೊಂಕ್ಣೆಂತ್ ಬರ್ಪಾಂ ಬರಂವ್ಚೊ ಬಾಬ್ ಮನೋಜ್ ನರೇಂದ್ರ ಕಾಮತ್ ವೃತ್ತೆನ್ ಪ್ರಾಧ್ಯಾಪಕ್ ಜಾವ್ನ್ ಗೊಯಾಂತ್ ವಸ್ತಿ ಕರುನ್ ಆಸಾ. ’ತಾಂಬ್ಶಿ’, ’ನವಿದಾದಿಚೆಂ ಶಿಕಪ್’ (ಶಿಕ್ಷಕ್, ಪಾಲಕ್ ಆನಿ ವಿಧ್ಯಾರ್ಥಿಂ ಖಾತಿರ್), ’ಕೊಂಕ್ಣಿ’ (ವಿಧ್ಯಾರ್ಥಿಂಖಾತಿರ್ ಶೈಕ್ಷಣಿಕ್ ಆಧಾರಾವಳ್), ’ರಂಗ್‌ಫಳ್', 'ಆತ್ಮ-ಬ್ರಹ್ಮ’ ಹಾಚೆ ಯೆದೊಳ್ ಪರ್ಗಟ್‌ಲ್ಲೆ ಬೂಕ್. ಕವಿತೆಂಕ್ ಸಭಾರ್ ಇನಾಮಾಂ/ಪುರಸ್ಕಾರ್ ಹಾಕಾ ಲಾಭ್ಲ್ಯಾತ್.
[kovita] Mekllikoyatra* (- Monoz Norendro Kamot)*
Hea somsarant jieun asta poroyant monoxak suk duk sosunk asa, borem vaitt pelleunko asa, axa niraxa bhogunk asa punn jedonam adheatmok chintopan hem jivit polleunko dhorotana him sorv bhogonnam kxonnik va thoddeach vellachim mhonnun bhogota. Hangasor hea chintopacher ghal'lo opurbhayecho niall ami polleuyeta. Bab monoz kamot ek unchlo kovi mholl'llem tachim ekek kovita govai ditat. Hangasor soit tannem kel'lem proitn ami polleuyeta. Atam hem polleunko tukach apounnem ditam. - Som
[kovita] Mekllikoyatra* (- Monoz Norendro Kamot)*
Mekllikoyatra mayeche pas ghuspot votale to xirkot votalo dhageanche gochch vinnen vorsam pirayen vaddlim zoxim zannttim natim xennlim dhouxa sauri kupamni ujvadd kallkhachea khellant novea nateamnim komb dhorlo poptti ronga tambxa kombreamni ek dis ochkit toch xennlo jinne poltoddchea omortvant ugddas urle kaim khinn kallzant bhugbhugopi sornna kollxamni hi kuddichi vansa sukh sodpi, khos monoupi dolle lokhlokhaupi dhadosokayen duk golloupi dukhache amorer kuddiche vitrag - koxtt monantole vichar korit bhroxtt prann mat zal'lo mukt kuddiche bondkhonnitlean meklleponnacho svas ghet ollong hubtalo ujvadda diken ondhuk kallkhantlean xukrannu zaun onddkoxache gohon sadhnent atmavixkarantlean brohm' sasayent sukh- dukhkhantlean pois natem- mohantlean pois itsa - akankxantlean pois yatnam - dhogantlean pois porbrohmache yatrek votnam ॐkarachea akaxdhvonintlean **** - Monoz Norendro Kamot.** [Febrer, 2020]

	Manoz Narendra Kamat: Pattlea vis vorsam thaun konknnent borpam boromvcho bab monoz norendro kamot vrit'ten pradheapok zaun goyant vosti korun asa. ’Tambxi’, ’Novidadichem Xikop’ (xikxok, palok ani vidhearthim khatir), ’Konknni’ (vidhearthinkhatir xoikxonnik adharaull), ’Rong‌foll', 'Atmo-Brohmo’ hache yedoll porgott‌l'le buk. Kovitenk sobhar inamam/puroskar haka labhleat.
[कविता] मेकळीकयात्रा (- मनोज नरेंद्र कामत)
ह्या संसारांत जियेवन आसता परयांत मनशाक सूक दूक सोसुंक आसा, बरें वायट पेळेवंक आसा, आशा निराशा भगुंक आसा पूण जेदनां आध्यात्मक चिंतपान हें जिवीत पळेवंक धरताना हीं सर्व भगणां क्षणीक वा थोड्याच वेळाचीं म्हणून भगता. हांगासर ह्या चिंतपाचेर घाल्लो अपुर्भायेचो नियाळ आमी पळेव्येता. बाब मनोज कामत एक उंचलो कवी म्हळ्ळें ताचीं एकेक कविता गवाय दितात. हांगासर सयत ताणें केल्लें प्रयत्न आमी पळेव्येता. आतां हें पळेवंक तुकाच आपवणें दितां. - सं
[कविता] मेकळीकयात्रा (- मनोज नरेंद्र कामत)
मेकळीकयात्रा मायेचे पास घुसपत वताले तो शिरकत वतालो धाग्यांचे गच्च विणेन वर्सां पिरायेन वाडलीं जशीं जाणटीं नातीं शेणलीं धवशा सावरी कुपांनी उजवाड काळखाच्या खेळांत नव्या नात्यांनीं कोंब धरलो पोपटी रंगा तांबशा कोंबऱ्यांनी एक दीस अचकीत तोच शेणलो जिणे पलतडच्या अमरत्वांत उगडास उरले कांय खीण काळजांत भुगभुगपी सरणा कोळशांनी ही कुडीची वानसा सूख सोदपी, खोस मनोवपी दोळे लखलखावपी धादोसकायेन दूक गळोवपी दुखाचे आमोरेर कुडीचे वित्राग - कश्ट मनांतले विचार करीत भ्रश्ट प्राण मात जाल्लो मुक्त कुडीचे बंदखणीतल्यान मेकळेपणाचो स्वास घेत अळंग हुबतालो उजवाडा दिकेन अंधूक काळखांतल्यान शुक्राणू जावन अंडकोशाचे गहन साधनेंत आत्माविश्कारांतल्यान ब्रह्म सासायेंत सुख- दुख्खांतल्यान पयस नातें- मोहांतल्यान पयस इत्सा - आकांक्षांतल्यान पयस यातनां - धगांतल्यान पयस परब्रह्माचे यात्रेक वतनां ॐकाराच्या आकाशध्वनिंतल्यान **** - मनोज नरेंद्र कामत.** [फेबरेर, २०२०]

	मनोज नरेंद्र कामत: पाटल्या वीस वर्सां थावन कोंकणेंत बर्पां बरंवचो बाब मनोज नरेंद्र कामत वृत्तेन प्राध्यापक जावन गोयांत वसती करून आसा. ’तांबशी’, ’नविदादिचें शिकप’ (शिक्षक, पालक आनी विध्यार्थीं खातीर), ’कोंकणी’ (विध्यार्थिंखातीर शैक्षणीक आधारावळ), ’रंग‌फळ', 'आत्म-ब्रह्म’ हाचे येदोळ पर्गट‌ल्ले बूक. कवितेंक सभार इनामां/पुरसकार हाका लाभल्यात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.