ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ದೊಮೊ ಆರಿಗಾತೊ (- ಮನೋಜ್ ನರೇಂದ್ರ ಕಾಮತ್)

ಜಪಾನಿ ಭಾಸೆಂತ್ ’ದೊಮೊ ಅರಿಗಾತೊ’ ಮ್ಹಳ್ಯಾರ್ ’ಚಡ್ ಧಿನ್ವಾಸ್ ತುಕಾ’, ಇಂಗ್ಲಿಶಾಂತ್ 'Thank you very much', ಪುಣ್ ಹಾಂಗಾಸರ್ ಕವಿಚ್ಯಾ ಹ್ಯಾ ಧಿನ್ವಾಸಾ ಪಾಟಲ್ಯಾನ್ ಕವಿತೆಂತ್ ಉಭ್ಯೊ ಕೆಲ್ಲ್ಯೊ ಇಮಾಜಿ ತಶೆಂಚ್ ರುತಾಂ ಕೆಲ್ಲೊ ಸಂಸಾರ್ ಪಳೆಯಾತ್. ಆಧ್ಯಾತ್ಮಿಕ್ ಚಿಂತಪಾಚಿ ಕವಿತಾ ಕೆದ್ನಾಂಯ್ ಖೂಪ್ ಸಾಂಗತಾ ಆನಿ ಹ್ಯಾ ಕವಿತೆಂತ್ ಸಯ್ತ್ ತೆಂ ಆಮಿ ಪಳೆವ್ಯೆತಾ.

ಬಾಬ್ ಮನೋಜ್ ಕಾಮತ್ ಹ್ಯಾ ಆಧಿಂ ಸಯ್ತ್ ಅಮೂರ್ತ್ ಚಿಂತಪಾಚ್ಯೊ ಕವಿತಾ ಘೆವ್ನ್ ಆಯ್ಲಾ. ತಾಚ್ಯಾ ದರೇಕಾ ಕವಿತೆಂನಿ ಏಕ್ ಖಾಶೆಲೆಂಪಣ್ ಆಸಾ ಆನಿ ಹ್ಯಾ ಕವಿತೆಚ್ಯಾ ಖೂಪ್ ರುಪಾಂಕ್ ಪಳೆಂವ್ಕ್ ಆತಾಂ ತುಕಾಚ್ ಉಲೊ ದಿತಾಂ.

- ಸಂ

[ಕವಿತಾ] ದೊಮೊ ಆರಿಗಾತೊ (- ಮನೋಜ್ ನರೇಂದ್ರ ಕಾಮತ್)

ದೊಮೊ ಆರಿಗಾತೊ ಹಾಂವ್ ದಿನ್ವಾಸತಾಂ ತುಕಾ ಮ್ಹಜೆ ಜಿಣೆಂತ್ ಸಾಸಾಯ್ ಹಾಡಿಲ್ಲೆಖಾತೀರ್ ತೊ ಬೀಜ್ ಬ್ರಹ್ಮಾಚೊ ಪ್ರವಾಸ್ ತುಜ್ಯಾ ಹಾತಾನ್ ಅಚ್ಳಯ್ ಹುಬೂನ್ ಜತ್ನಾಯೆನ್ ಫುಲೂನ್ ಗರ್ಭಾಂತ್ ಪಸವ್ನ್ ದೆಠಾಂತ್ಲ್ಯಾನ್ ಉರ್ಬೆನ್ ತರ್ತರೂನ್ ನಾಂವಾಕ್ ಆಯ್ಲೊ ದೆಖೂನ್ ತುವೆಂ ಭರಿಲ್ಲೆಂ ರಗತ್ ಶಿರಂತರಾನಿ ಸಳ್ಸಳಟನಾ ಮ್ಹಜೆಂ ಬಳ್ಗೆಂ ಆತ್ಮಶಕ್ತ್ ಉದಾತ್ತೀಕರಣ್ ತರ್ತರಲೆಂ ದೆಖೂನ್ ಮಾತ್ಯೆಚೆಂ ರೀಣ್ ಮಾತೆಚ್ಯಾಚ್ ಪಾವಂಡ್ಯಾಚೆಂ ಪಾಯ್ ಜಮ್ನೀರ್ ಆನಿ ನದರ್ ಆಸ್ಮಂತಾರ್ ಬಿ ಕುಸ್ವ್ಯಾಂತ್ ಆನಿ ರೂಖ್ ಕಾಳ್ಜಾಂತ್ ಕಿಲ್ಲಲೊ ದೆಖೂನ್ ತೆಂ ದಾಯ್ಜ್ ಸಂಸ್ಕೃತಾಯ್ ಮನಿಸ್ ಧರಮ್ ಲ್ಹಾನ್ವಿಕಾಯ್ ಮೊಗ್ ದಾನತ್ ರುಜಯ್ಲಿ ದೆಖೂನ್ ತಿಂ ಶೆವ್ಣಿಂ ಸೈಮ್ ಝಾಡಾಂ - ಪೆಡಾಂ ಉದ್ಕಾಚೊ ಖೊಲ್ ಪಾಜರ್ ದುದಾಚ್ಯಾ ಝರ್ಯಾತ್ ಚೈತ್ನ್ಯಾನ್ ಫಾಂಕೂನ್ ಫುಟ್ಲೊ ದೆಖೂನ್ ಹೊ ನವೊ ದೀಸ್ ಪಳೊವ್ಪಾಚಿ ಶಕ್ತ್ ದೊಳ್ಯಾಂಚ್ಯಾ ಅಥಾಂಗ್ ಸಾಗ್ರಾಂತ್ ಸ್ವಾಸಾಚೆ ಹುನ್ಸಾಣೀತ್ ವಿಚಾರ್ ಶಕ್ತೀತ್ ಉಜ್ವಾಡೂನ್ ಪ್ರಾಣಾಂತ್ಲ್ಯಾನ್ ಉಪ್ಜಲಿ ದೆಖೂನ್ ಹಾಂವ್ ಸಗ್ಳೆಂಚ್ ದಿನ್ವಾಸತಾಂ ಮ್ಹಜಿ ಭೊಂವ್ತಣಲೆಗೀತ್ ಮ್ಹಜೆ ಜಿಣೆಚೊ ಭಾಗ್ ಜಾಲ್ಲಿ ಕಾಳ್ಖಾಂತ್ಲ್ಯಾನ್ ಉಜ್ವಾಡಾಚಿ ಚೂಡ್ ದಾಖೊವ್ನ್ ದಾಯ್ಜಾಚ್ಯಾ ಸುಗುರ್ವ್ಯಾನ್ **** - ಮನೋಜ್ ನರೇಂದ್ರ ಕಾಮತ್**. [ಮಾರ್ಚ್, 2020]

	ಮನೋಜ್ ನರೇಂದ್ರ ಕಾಮತ್: ಪಾಟ್ಲ್ಯಾ ವೀಸ್ ವರ್ಸಾಂ ಥಾವ್ನ್ ಕೊಂಕ್ಣೆಂತ್ ಬರ್ಪಾಂ ಬರಂವ್ಚೊ ಬಾಬ್ ಮನೋಜ್ ನರೇಂದ್ರ ಕಾಮತ್ ವೃತ್ತೆನ್ ಪ್ರಾಧ್ಯಾಪಕ್ ಜಾವ್ನ್ ಗೊಯಾಂತ್ ವಸ್ತಿ ಕರುನ್ ಆಸಾ. ’ತಾಂಬ್ಶಿ’, ’ನವಿದಾದಿಚೆಂ ಶಿಕಪ್’ (ಶಿಕ್ಷಕ್, ಪಾಲಕ್ ಆನಿ ವಿಧ್ಯಾರ್ಥಿಂ ಖಾತಿರ್), ’ಕೊಂಕ್ಣಿ’ (ವಿಧ್ಯಾರ್ಥಿಂಖಾತಿರ್ ಶೈಕ್ಷಣಿಕ್ ಆಧಾರಾವಳ್), ’ರಂಗ್‌ಫಳ್', 'ಆತ್ಮ-ಬ್ರಹ್ಮ’ ಹಾಚೆ ಯೆದೊಳ್ ಪರ್ಗಟ್‌ಲ್ಲೆ ಬೂಕ್. ಕವಿತೆಂಕ್ ಸಭಾರ್ ಇನಾಮಾಂ/ಪುರಸ್ಕಾರ್ ಹಾಕಾ ಲಾಭ್ಲ್ಯಾತ್.
[kovita] Domo arigato* (- Manoj Narendra Kamat)*
Japani bhasent ’domo origato’ mhollear ’chodd dhinvas tuka’, inglixant 'Thank you very much', punn hangasor kovichea hea dhinvasa pattolean kovitent ubheo kel'leo imaji toxench rutam kel'lo somsar polleyat. Adheatmik chintopachi kovita kednam-i khup sangota ani hea kovitent soit tem ami polleuyeta. Bab Manoj Kamat hea adhim soit omurt chintopacheo kovita gheun aila. Tachea doreka kovitemni ek khaxelemponn asa ani hea kovitechea khup rupank polleunko atam tukach ulo ditam. - Som
[kovita] Domo arigato* (- Manoj Narendra Kamat)*
Domo arigato hamv dinvasotam tuka mhoje jinnent sasai haddil'lekhatir to biz brohmacho provas tujea hatan ochlloi hubun zotnayen fulun gorbhant posoun detthantlean urben tortorun namvak ailo dekhun tuvem bhoril'lem rogot xirontorani sollsollottona mhojem bollgem atmoxkt udat'tikoronn tortorolem dekhun matyechem rinn matecheach paunddeachem pai zomnir ani nodor asmontar bi kusveant ani rukh kallzant kil'lolo dekhun tem daiz somskritai monisodhrm' lhanvikai mog danot ruzoili dekhun tim xeunnim soim' zhaddam - peddam udkacho khol pazor dudachea zhoreat choitnean fankun futtlo dekhun ho novo dis polloupachi xokt dolleanchea othang sagrant svasache hunsannit vichar xoktit ujvaddun prannantlean upzoli dekhun hamv sogllench dinvasotam mhoji bhomvtonnolegit mhoje jinnecho bhag zal'li kallkhantlean ujvaddachi chudd dakhoun daizachea sugurvean **** - Manoj Narendra Kamat.** [Mar, 2020]

	Manoj Narendra Kamat: Pattlea vis vorsam thaun konknnent borpam boromvcho bab monoz norendro kamot vrit'ten pradheapok zaun goyant vosti korun asa. ’Tambxi’, ’Novidadichem Xikop’ (xikxok, palok ani vidhearthim khatir), ’Konknni’ (vidhearthinkhatir xoikxonnik adharaull), ’Rong‌foll', 'Atmo-Brohmo’ hache yedoll porgott‌l'le buk. Kovitenk sobhar inamam/puroskar haka labhleat.
[कविता] दोमो आरिगातो (- मनोज नरेंद्र कामत)
जपानी भासेंत ’दोमो अरिगातो’ म्हळ्यार ’चड धिन्वास तुका’, इंगलिशांत 'Thank you very much', पूण हांगासर कविच्या ह्या धिन्वासा पाटल्यान कवितेंत उभ्यो केल्ल्यो इमाजी तशेंच रुतां केल्लो संसार पळेयात. आध्यात्मीक चिंतपाची कविता केदनांय खूप सांगता आनी ह्या कवितेंत सयत तें आमी पळेव्येता. बाब मनोज कामत ह्या आधीं सयत अमूर्त चिंतपाच्यो कविता घेवन आयला. ताच्या दरेका कवितेंनी एक खाशेलेंपण आसा आनी ह्या कवितेच्या खूप रुपांक पळेवंक आतां तुकाच उलो दितां. - सं
[कविता] दोमो आरिगातो (- मनोज नरेंद्र कामत)
दोमो आरिगातो हांव दिनवासतां तुका म्हजे जिणेंत सासाय हाडिल्लेखातीर तो बीज ब्रह्माचो प्रवास तुज्या हातान अचळय हुबून जतनायेन फुलून गर्भांत पसवन देठांतल्यान उर्बेन तरतरून नांवाक आयलो देखून तुवें भरिल्लें रगत शिरंतरानी सळसळटना म्हजें बळगें आत्मशक्त उदात्तीकरण तरतरलें देखून मातयेचें रीण मातेच्याच पावंड्याचें पाय जमनीर आनी नदर आसमंतार बी कुसव्यांत आनी रूख काळजांत किल्ललो देखून तें दायज संस्कृताय मनिसधर्म ल्हानविकाय मोग दानत रुजयली देखून तीं शेवणीं सैम झाडां - पेडां उदकाचो खोल पाजर दुदाच्या झऱ्यात चैतन्यान फांकून फुटलो देखून हो नवो दीस पळोवपाची शक्त दोळ्यांच्या अथांग सागरांत स्वासाचे हुनसाणीत विचार शक्तीत उजवाडून प्राणांतल्यान उपजली देखून हांव सगळेंच दिनवासतां म्हजी भोंवतणलेगीत म्हजे जिणेचो भाग जाल्ली काळखांतल्यान उजवाडाची चूड दाखोवन दायजाच्या सुगुर्व्यान **** - मनोज नरेंद्र कामत.** [मार्च, २०२०]

	मनोज नरेंद्र कामत: पाटल्या वीस वर्सां थावन कोंकणेंत बर्पां बरंवचो बाब मनोज नरेंद्र कामत वृत्तेन प्राध्यापक जावन गोयांत वसती करून आसा. ’तांबशी’, ’नविदादिचें शिकप’ (शिक्षक, पालक आनी विध्यार्थीं खातीर), ’कोंकणी’ (विध्यार्थिंखातीर शैक्षणीक आधारावळ), ’रंग‌फळ', 'आत्म-ब्रह्म’ हाचे येदोळ पर्गट‌ल्ले बूक. कवितेंक सभार इनामां/पुरसकार हाका लाभल्यात.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.