[ಕವಿತಾ] ಜವಾಬ್ (-   ಶೀಲಾ ಭಂಡಾರ್‌ಕಾರ್)

ಜವಾಬ್

ಪಂಚ್‍ವೀಸ್ ವರ್ಸಾ ಉಪರಾಂತ
ಪರತ ತಾಕ್ಕಾ ಭೇಟೂಚೊ ಅವಕಾಶ.
ತಶಿ ಮಣೂನ ಆಯ್ಲಾ ತಾಗೆಲೆ ಸಂದೇಶ‌.

ಮನ ಧಾಂವ್ಲೆ ಪಂಚ್‍ವೀಸ ವರಸಾ ಮಾಕ್ಷಿ.
ಪತಂಗಾ ವರಿ ಉಬಲೆ ದೇವ ಸಾಕ್ಷಿ.
ತಾಗೆಲೊ ಏಕ ಸವಾಲಾಚೊ ಝಾಪ್
ಮೆಗೆಲೆ ಭಿತ್ತರಿ ವರಲಾ.
ತ್ಯಾ ವೇಳ ಉತ್ರಾಂನ ಮೆಗೆಲೆ ಸಾಥ್ ದಿಲಲೆ ನಾ.

ಆಜ ಹಾಂವ ತಾಗೆಲೆ ಸಗ್ಳೇ ಸವಾಲಾಚೆ ಜವಾಬ ದಿತ್ತಲಿ
ಮನಾಚೆ ಜಡಾವಣ ದೆವೊನು ಹಗೂರ ಜಾತ್ತಲಿ

ಧಾಂವಲಿ ಹಾಂವ ಸಾನ ಚೆಲ್ಯೆಲ ವರಿ.
ತೆದನಾ ಆಮ್ಮಿ ಮೆಳ್ಚೆ ಕೆದಳಾಚೆ ಜಾಗೇರಿ.
ಹರ್ದೆ ಧಡಧಡು. ಪೊಟ್ಟಾಂತು ಭಂವರಾ ಗೊಂದೊಳು.
ಆಯ್ಲೊ ತೊ.. ತಾಣೆ ಲಾಗ್ಗಿ ಯೆವ್ಚೆ ದಿಸಲೆ.
ವಯ್ ಕೀ ನಯ್ ಮಳೆಲೆ ಸಂಶಯ ಆಯ್ಲೆ.

ಮಾಸ್ಕ್ ಗಾಲ್ಲೆಲೆ ತೊಂಡಾನ ಹಾಂವ ಹಾಸ್ಲಿ
ತೋ ಹಾಸ್ಲೊ ಕಿ ನಾ ಮಳೆಲೆ ಮಾಕ್ಕಾ ದಿಸನಿ
ಬಸ್ಲಿಂಚಿ ಆಮ್ಮಿ ಏಕ ಮೀಟರ್ ದೂರ
ರಾಕುಕ ಮೊಣು ಸಾಮಾಜಿಕ ಅಂತರ.

ತೋ ಬಶಿಲೊ ಮೌನ ಆನಿ ಮೆಗೆಲೆ ಉತ್ರಂ ಭಾಯರ ಪಣಿ.
ಚಡತಾ ಆಶಿಲಿ ವತ್ತಾ ಚಿ ಹುನಸಾಣಿ
ಸಾಬಾರ ವೇಳಾನ ತಾಣೆ ಆಪಯ್ಲೆ ಮೆಗೆಲೆ ನಾಂವ.
ಹೂಂ ಮಳ್ಳೆ ಶಿವಾಂಯ್ ವಿಂಗಡ ಉಲ್ಲಯ್ನಿ ಹಾಂವ.

ತಾಣೆ ಸಾಂಗ್ಲಿ ತಾಗೆಲಿ ಘರ್ ಚಿ ಖಬರ.
ಚೆರ್ಡುಂವಾಲಿ, ಬಾಯ್ಲೆಲಿ ಆನಿ ತಾಗೆಲೆ ಉದ್ಯೋಗಾಚಿ.
ಹಾಂವೆ ಮೆಗೆಲೆ ಸಂಸಾರಾಚಿ.
ತಾಗೆಲೆ ಡಯಾಬಿಟೀಸ್ ಆನಿ ಮೆಗೆಲೆ ಸೈನಸ್.
ಇತುಲೇಚಿ ಆಮ್ಮಿ ಉಲ್ಲಯಿಲೆ ಸಗ್ಳೇ ದೀಸ್.

ಸಾಂಜ್ ಜಾಲ್ಲಿ ಸುರ್ಯೊ ಬುಡ್ಲೊ.
ತಾಗೆಲೆ ಸವಾಲಾಚೊ ಜವಾಬ ಮೆಗೆಲೆ ಭಿತ್ತರೀ ವರಲೊ.
ಹಾಂವ ಮೆಗೆಲೆ ಘರಾ ಆನಿ ತೋ ತಾಗೆಲೆ ಘರಾ ಚಮಕಲೊ.
ಮನಾಚೊ ಭಾರು ಮನಾನ ಪರತ ವಾಂವಲೊ.

 ******

-   ಶೀಲಾ ಭಂಡಾರ್‌ಕಾರ್. [ಮಾಯ್, 2020]

[kovita] Zovab (- Sheela Bhandarkar)

Zovab.

Ponch‍vis vorsa uporanto
poroto takka bhettucho ovokaxo.
Toxi monnuno aila tagele sondexo‌.

Mono dhamvle ponch‍viso vorosa makxi.
Potonga vori ubole devo sakxi.
Tagelo eko sovalacho zhap
megele bhit'tori vorola.
Tea vello utramno megele sath dilole na.

Azo hamvo tagele soglle sovalache zovabo dit'toli
monache zoddaunno devonu hoguro zat'toli

dhamvoli hamvo sano chelyelo vori.
Tedona am'mi mellche kedollache zageri.
Horde dhoddodhoddu. Pott'ttantu bhomvora gondollu.
Ailo to.. Tanne laggi yeuche disole.
Voi ki noi mollele sonxoi aile.

Mask gal'lele tonddano hamvo hasli
to haslo ki na mollele makka disoni
boslinchi am'mi eko mittor duro
rakuko monnu samajiko ontoro.

To boxilo mouno ani megele utrom bhairo ponni.
Choddota axili vot'ta chi hunosanni
sabaro vellano tanne apoile megele namvo.
Hum moll'lle xivam-i vingoddo ul'loini hamvo.

Tanne sangli tageli ghor chi khoboro.
Cherddumvali, baileli ani tagele udeogachi.
Hamve megele somsarachi.
Tagele ddoyabittis ani megele soinos.
Itulechi am'mi ul'loyile soglle dis.

Sanz zal'li sureo buddlo.
Tagele sovalacho zovabo megele bhit'tori vorolo.
Hamvo megele ghora ani to tagele ghora chomokolo.
Monacho bharu monano poroto vamvolo.

******

- Sheela Bhandarkar. [May, 2020]

[कविता] जवाब (- शीला भंडार‌कार)

ही जवाब उतरांची न्हय, ही जवाब वेळाची, ही जवाब आवाजाची न्हय, ही जवाब मावनाची. आनी जेदनां जिविताचो लांब काळ आनी त्या काळांत अनभव करुंक मेळचीं वेवेगळीं घटनां एकामेका समजुंक फकत दोळ्यांची भास पावता.

बाय शीला भंडारकर हिनें जे.एस.बी. बोलिंत बरयिल्ल्या ह्या कवितेची सोभाय पार्कुंक तुकाच उलो दितां.

- सं

[कविता] जवाब (- शीला भंडार‌कार)

जवाब

पंच‍वीस वर्सा उपरांत
परत ताक्का भेटूचो अवकाश.
तशी मणून आयला तागेले संदेश‌.

मन धांवले पंच‍वीस वरसा माक्षी.
पतंगा वरी उबले देव साक्षी.
तागेलो एक सवालाचो झाप
मेगेले भित्तरी वरला.
त्या वेळ उत्रांन मेगेले साथ दिलले ना.

आज हांव तागेले सगळे सवालाचे जवाब दित्तली
मनाचे जडावण देवोनू हगूर जात्तली

धांवली हांव सान चेल्येल वरी.
तेदना आम्मी मेळचे केदळाचे जागेरी.
हर्दे धडधडू. पोट्टांतू भंवरा गोंदोळू.
आयलो तो.. ताणे लाग्गी येवचे दिसले.
वय की नय मळेले संशय आयले.

मासक गाल्लेले तोंडान हांव हासली
तो हासलो की ना मळेले माक्का दिसनी
बसलिंची आम्मी एक मीटर दूर
राकूक मोणू सामाजीक अंतर.

तो बशिलो मौन आनी मेगेले उत्रं भायर पणी.
चडता आशिली वत्ता ची हुनसाणी
साबार वेळान ताणे आपयले मेगेले नांव.
हूं मळ्ळे शिवांय विंगड उल्लयनी हांव.

ताणे सांगली तागेली घर ची खबर.
चेर्डुंवाली, बायलेली आनी तागेले उद्योगाची.
हांवे मेगेले संसाराची.
तागेले डयाबिटीस आनी मेगेले सैनस.
इतुलेची आम्मी उल्लयिले सगळे दीस.

सांज जाल्ली सूऱ्यो बुडलो.
तागेले सवालाचो जवाब मेगेले भित्तरी वरलो.
हांव मेगेले घरा आनी तो तागेले घरा चमकलो.
मनाचो भारू मनान परत वांवलो.

******

-   शीला भंडार‌कार. [माय, २०२०]

ದಾಯ್ಜ್.ಕೊಮ್