ಪಯ್ಣಾರಿ.ಕೊಮ್ Poinnari.Com: Konkani Research, Konkani Study, Progressive Konkanni Literature, Konkani Writing, Konkani Poetry, Creative Writing, Konkani Books, Konkani Association, Konkani Work, Fiction Writing, Poetry Criticism, Poetry Contests, Writing C

[ಕವಿತಾ] ಅಪ್ರೂಪ್ (- ಉರ್ಜಿತಾ ಭೊಬೆ)

ಹ್ಯಾ ಬ್ರಹ್ಮಾಂಡಾಂತ್ ಆಸ್ಚ್ಯಾ ದರೇಕ್ ಜೀವ್, ವಸ್ತುಂಕ್ ತಾಚೆಂಚ್ ಮ್ಹಳ್ಳೆಂ ಖಾಶೆಲೆಂಫಣ್ ಆಸಾ. ಜೀವ್ ಆಸ್ಚಿ ಅಪಲಿ ಸಕತ್ ಆನಿ ಸ್ವಾರ್ಥಾಕ್ ಲಾಗುನ್ ಎಕಾಮೆಕಾ ಲ್ಹಾನ್-ವ್ಹಡ್ ಮ್ಹಳ್ಳೆ ಭೇದ್ ಕರುನ್ ಮಿರಯ್ತಾ ಪುಣ್ ಹಕೀಗತೆಂತ್ ದರೇಕಾಕ್ ಅಪ್ಲಿಚ್ ಮ್ಹಳ್ಳಿ ಮರಯಾದ್ ಆಸ್ತಾ, ಮೋಲ್ ಆಸ್ತಾ ಆನಿ ತೆಂಚ್ ಚಿಂತಪ್ ಹ್ಯಾ ಕವಿತೆಚೆಂ ಮೂಳ್ ಚಿಂತಪ್. ಕವಿಚೆಂ ಚಿಂತಪ್ ಮುಕಾರ್ ಗೆಲ್ಲೆಪರಿಂಚ್ ಇತಿಹಾಸ್ ಯೆತಾ, ಬೌಗೋಳಿಕ್ ಗಿನ್ಯಾನ್ ಯೆತಾ, ಮನಶಾ ತತ್ವಾಚೆಂ ಚಿಂತಪ್ ಸಗಳೆಂ ಎಕಾ ಫಾಟಲ್ಯಾನ್ ಏಕ್ ಯೆವುನ್ ಮನಿಸ್ ಮ್ಹಳ್ಯಾರ್ ಹ್ಯಾ ಬ್ರಹ್ಮಾಂಡಾಚೊಚ್ ಏಕ್ ಕಣ್ ಆಸುಯೆತಾ ಮ್ಹಳ್ಳೆಂ ಚಿಂತಪ್ ಹ್ಯಾ ಕವಿತೆಂತ್ ಉದೆತಾ.

- ಸಂ

[ಕವಿತಾ] ಅಪ್ರೂಪ್ (- ಉರ್ಜಿತಾ ಭೊಬೆ)

ಅಪ್ರೂಪ್ ಹ್ಯಾ ಸಂಸಾರಾತ್ ಅಪ್ರೂಪ್ ಖಂಯ್ ಆಸ್ತಾ? ಚಿಂತುಂಕ್ ಗೆಲ್ಯಾರ್ ಅಜಾಪ್ ದಿಸ್ತಾ ಪೂಣ್ ವಿಜ್ಞಾನಾಚ್ಯಾ ಪಾನಾಂನಿ ಖೆಳ್ಟಲೆಂ ಎಕ್ ಅಟಳ್ ಸತ್ ತುಕಾ ಮೆಳ್ಟಲೆಂ ಅಖಂಡ್ ಹ್ಯಾ ಬ್ರಮ್ಹಾಂಡಾಚೊ ಕಣಾನ್ ಕಣ್ ಅಮರ್ ಆಸ್ತಾ ಅಸಂಖ್ಯ್ ಸಂವ್ತ್ಸರಾಂ ಕಿತ್ಲಿ ಯುಗಾಂ ಹಾಂಗಾಚೆಂ ಸಗ್ಳೆಂ ಉರ್ತಾ ಹಾಂಗಾ ಎಕಾ ಕಾಳಾವೆಲೆ ಜೀವ್ ಜೀವಾಣು ತುಜ್ಯಾಂತ್ ಆಸುಂ ಯೆತಾ ತಾಂಚೆ ಅಣು ರೆಣು ಆಯ್ಜ್ ತುಜೆ ಆಂಗಾರ್ ಜಿ ಆಸಾ ಕಾತ್ ಅಂಶ್ ತಾಜೊ ಆಸುಂ ಯೆತಾ ಪೈಸ್ ಅಂತ್ರಾಳಾಂತ್ ಎಕಾ ತೆಂಪಾರ್ ಉಡ್ಟಾಲೊ ಜೊ ಗರ್ವಾನ್ ಮನೀಸ್ ಜಾವ್ನ್ ಆಯ್ಜ್ ತಾಜೊ ಅಂಶ್ ಆಸತ್ ಖಂಯ್ ತರಿ ಧುಲ್ಲಾನ್ ಆಯ್ಜ್ ಜೆಂ ದಿಸ್ತಾ ಆಸತ್ ಘಡ್ಯೆ ತುಕಾ ವಿದ್ರೂಪ್ ಫಾಟ್ಲ್ಯಾ ಯುಗಾಂತ್ ಆಸತ್ ತೀಚ್ ಸೊಬೀತಕಾಯ್ ಅಪ್ರೂಪ್ ಬ್ರಮ್ಹಾಂಡಾತಲೆಂ ನಕೆತ್ರ್ ಜೆಂ ಸಹ್ಸ್ರ್ ಯುಗಾಂ ಫಾಟಿಂ ರಸ್ತ್ಯಾ ಕೊನ್ಶಾಕ್ ಆಯ್ಜ್ ತೆಂಚ್ ಘಡ್ಯೆ ಧುಲ್ಲ್ ಚಾಟಿ ಕೆನ್ನಾ ಕೆನ್ನಾ ಅಸೊಚ್ ವಿಚಾರ್ ಮನಾತ್ ಚಮ್ಕುನ್ ವತಾ ಹಜಾರ್ ವರ್ಸಾಂ ಫಾಟ್ಲೊ ಅಣು ಕಾಳ್ಜಾಂತ್ ಮ್ಹಜೆ ಆಸುಂ ಯೆತಾ ಸಹ್ಸ್ರಾವಧಿ ಯುಗಾಂ ಪಯ್ಲಿಂ ಜಾಲ್ಲೊ ಆಸತ್ ಉಲ್ಕಾಪಾತ್ ಅಂಶ್ ತಾಜೊ ಆಯ್ಲಾ ಆಸತ್ ಕೊಂಬ್ ಜಾವ್ನ್ ಭುಂಯೆಂ ಗರ್ಭಾಂತ್ ಘಡ್ಯೆ ಕೆನ್ನಾಯ್ ಕಿಲ್ಲೂನ್ ಯೆತ್ ಘೆವ್ನ್ ದಿವ್ಯ್ ತೊ ಉಜ್ವಾಡ್ ಚಂವ್ರೂನ್ ಯೆತ್ ಧರ್ತರೆಚೆರ್ ಜಾವ್ನ್ ಉಜ್ವಾಡಾಚೆಂ ಝಾಡ್ ಬ್ರಮ್ಹಾಂಡಾಂತಲೊ ಪರ್ಮಾಣು ಎಕ್ ಮ್ಹಜೆಯ್ ಕುಡೀಚೊ ಭಾಗ್ ಆಸತ್ ದರ್ಯಾ ಲ್ಹಾರ್ ಖೆಳ್ಟಾ ಆಸತ್ ವಾರ್ಯಾ ತಾಲಾರ್ ಮ್ಹಜೆಚ್ ಪಾಸತ್ ವಾರೆಂ, ಉಜೊ, ಉದಕ್ ಮಳಬ್ ಆನಿ ಧರ್ತರಿ ಎಕ್ಮೆಕಾಂತ್ ಭರ್ಸತ್ ಆಸಾತ್ ಎಕ್ಜೀವ್ ಜಾಲ್ಲೆವರಿಂ ಧರ್ತರೆವೆಲ್ಯಾ ದರ್ ಎಕ್ ಜೀವಾಂತ್ ತಾರೆ ಗೀರೆ ಜಾಲ್ಯಾತ್ ಎಕ್ಜೀವ್ ಉರ್ಜೆನ್ ಫಕತ್ ರೂಪ್ ಬದ್ಲಲಾಂ ನಿರ್ಜೀವ್ ಜಾಂವ್ ಸಜೀವ್ ಬ್ರಮ್ಹಾಂಡ್ ಆಸಾ ಅಖಂಡ್ ದರ್ ಎಕ್ ಜೀವ್ ಖಾಶೆಲೊ ನಾ ಕೊಣ್ ಹೀನ್ ನಾ ಕೊಣ್ ಶ್ರೆಶ್ಠ್ ಎಕ್ ಅಪ್ರೂಪ್ ದರ್ ಎಕ್ಲೊ ಉಣೆ ಲೆಖೀತ್ ಕೊಣುಯ್ ತುಕಾ ಫಕತ್ ಪಳೊವ್ನ್ ರೂಪ್ ವಿಸ್ರು ನಾಕಾ ತುಂ ಆಸಾ ಬ್ರಮ್ಹಾಂಡಾಚೆಂ ಅಪ್ರೂಪ್ **** - ಉರ್ಜಿತಾ ಭೊಬೆ**. [ಮಾಯ್, 2020]

	ಉರ್ಜಿತಾ ಭೊಬೆ: ಸಾಹಿತಿಕ್ ಅಭಿರುಚ್ ಆಸ್ಚಿ ಗೊಂಯ್ಚಿ ಉರ್ಭೆವಂತ್ ಕವಯತ್ರಿ ಹಿ. ಕವಿಸಮ್ಮೇಳನಾಂನಿ ತಿ ಕಾರ್ಯಾಳ್. ಹೆರ್ ಭಾಸೆಂತ್ಲಿಂ ಕವಿತಾ ಸಯ್ತ್ ವಾಸ್ಚಿ ಅಭಿರುಚ್ ಆಸ್ಚ್ಯಾ ಹಿಚೊ ಫುಡ್ಲದ್ ಕವಿತಜಮೊ ’ಉರ್ಜಾಸ್ರೋತ್’ ಪರ್ಗಟ್ ಜಾಲಾ. ಕೊಂಕಣಿ ಕವಿತೆಂನಿ ನವಿ ಸಕತ್ ಭರ್ಚೆ ದಿಶೆನ್ ಬಾಯ್ ಉರ್ಜಿತಾ ವಾವ್ರ್ ಕರುನ್ ಆಸಾ. ಪಯ್ಣಾರಿ-ವೀಜ್ ಸಾಹಿತಿಕ್ ಸ್ಪರ್ಧೊ 2018 ಚೆರ್ ಹಿಚ್ಯಾ ಕವಿತೆಕ್ ದುಸ್ರೆಂ ಇನಾಮ್, ಪಯ್ಣಾರಿ-ವೀಜ್ ಸಾಹಿತಿಕ್ ಸ್ಪರ್ಧೊ 2019 ಚೆರ್ ಪಯ್ಲೆಂ ಇನಾಮ್ ಲಾಭ್ಲಾಂ.
[kovita] Oprup* (- Urjita Bhobe)*
Hea brohmanddant aschea dorek jivo, vostunk tachench mholl'llem khaxelemfonn asa. Jivo aschi opoli sokot ani svarthak lagun ekameka lhan-vhodd mholl'lle bhed korun miroita punn hokigotent dorekak oplich mholl'lli moroyad asta, mol asta ani tench chintop hea kovitechem mull chintop. Kovichem chintop mukar gel'leporinch itihas yeta, bougollik ginean yeta, monoxa totvachem chintop sogollem eka fattolean ek yevun monis mhollear hea brohmanddachoch ek konn asuyeta mholl'llem chintop hea kovitent udeta. - Som
[kovita] Oprup* (- Urjita Bhobe)*
Oprup hea somsarat oprup khoim asta? chintunk gelear ozap dista punn vigoneanachea panamni khellttolem ek ottoll sot tuka mellttolem okhondd hea bromhanddacho konnan konn omor asta osonkhy somvtsoram kitli yugam hangachem sogllem urta hanga eka kallavele jivo jivannu tujeant asum yeta tanche onnu rennu aiz tuje angar ji asa kat onx tazo asum yeta pois ontrallant eka tempar uddttalo zo gorvan monis zaun aiz tazo onx asot khoim tori dhul'lan aiz jem dista asot ghoddye tuka vidrup fattlea yugant asot tich sobitokai oprup bromhanddatolem noketr jem sohsr yugam fattim rostea konxak aiz tench ghoddye dhul'l chatti ken'na ken'na osoch vichar monat chomkun vota hozar vorsam fattlo onnu kallzant mhoje asum yeta sohsraudhi yugam poilim zal'lo asot ulkapat onx tazo aila asot komb zaun bhumyem gorbhant ghoddye ken'nai kil'lun yet gheun divy to ujvadd chomvrun yet dhortorecher zaun ujvaddachem zhadd bromhanddantolo pormannu ek mhojey kuddicho bhag asot dorea lhar khelltta asot varea talar mhojech pasot varem, uzo, udok mollob ani dhortori ekmekant bhorsot asat ekjivo zal'leurim dhortorevelea dor ek jivant tare gire zaleat ekjivo urjen fokot rup bodlolam nirjivo zamv sojivo bromhandd asa okhondd dor ek jivo khaxelo na konn hin na konn xrextth ek oprup dor eklo unne lekhit konnui tuka fokot polloun rup visru naka tum asa bromhanddachem oprup **** - Urjita Bhobe.** [May, 2020]

	Urjita Bhobe: sahitik obhiruch aschi gõychi urbheunt kouyotri hi. Kovisom'mellonamni ti kareall. Her bhasentlim kovita soit vaschi obhiruch aschea hicho fuddlod kovitozomo ’urzasrot’ porgott zala. Konkonni kovitemni novi sokot bhorche dixen bai urjita vaur korun asa. Poinnari-viz sahitik spordho 2018 cher hichea kovitek dusrem inam' labhlam. Poinnari-viz sahitik spordho 2019 cher poilem inam' labhlam.
[कविता] अपरूप (- उर्जिता भोबे)
ह्या ब्रह्मांडांत आसच्या दरेक जीव, वसतुंक ताचेंच म्हळ्ळें खाशेलेंफण आसा. जीव आसची अपली सकत आनी स्वार्थाक लागून एकामेका ल्हान-व्हड म्हळ्ळे भेद करून मिरयता पूण हकीगतेंत दरेकाक अपलीच म्हळ्ळी मरयाद आसता, मोल आसता आनी तेंच चिंतप ह्या कवितेचें मूळ चिंतप. कविचें चिंतप मुकार गेल्लेपरिंच इतिहास येता, बौगोळीक गिन्यान येता, मनशा तत्वाचें चिंतप सगळें एका फाटल्यान एक येवून मनीस म्हळ्यार ह्या ब्रह्मांडाचोच एक कण आसुयेता म्हळ्ळें चिंतप ह्या कवितेंत उदेता. - सं
[कविता] अपरूप (- उर्जिता भोबे)
अपरूप ह्या संसारात अपरूप खंय आसता? चिंतुंक गेल्यार अजाप दिसता पूण विज्ञानाच्या पानांनी खेळटलें एक अटळ सत तुका मेळटलें अखंड ह्या ब्रम्हांडाचो कणान कण अमर आसता असंख्य संवत्सरां कितली युगां हांगाचें सगळें उरता हांगा एका काळावेले जीव जीवाणू तुज्यांत आसुं येता तांचे अणू रेणू आयज तुजे आंगार जी आसा कात अंश ताजो आसुं येता पैस अंतराळांत एका तेंपार उडटालो जो गर्वान मनीस जावन आयज ताजो अंश आसत खंय तरी धुल्लान आयज जें दिसता आसत घडये तुका विद्रूप फाटल्या युगांत आसत तीच सोबीतकाय अपरूप ब्रम्हांडातलें नकेत्र जें सहस्र युगां फाटीं रस्त्या कोनशाक आयज तेंच घडये धुल्ल चाटी केन्ना केन्ना असोच विचार मनात चमकुन वता हजार वर्सां फाटलो अणू काळजांत म्हजे आसूं येता सहस्रावधी युगां पयलीं जाल्लो आसत उल्कापात अंश ताजो आयला आसत कोंब जावन भुंयें गर्भांत घडये केन्नाय किल्लून येत घेवन दिव्य तो उजवाड चंवरून येत धरतरेचेर जावन उजवाडाचें झाड ब्रम्हांडांतलो परमाणू एक म्हजेय कुडीचो भाग आसत दर्या ल्हार खेळटा आसत वाऱ्या तालार म्हजेच पासत वारें, उजो, उदक मळब आनी धरतरी एकमेकांत भरसत आसात एकजीव जाल्लेवरीं धरतरेवेल्या दर एक जीवांत तारे गीरे जाल्यात एकजीव उर्जेन फकत रूप बदललां निर्जीव जांव सजीव ब्रम्हांड आसा अखंड दर एक जीव खाशेलो ना कोण हीन ना कोण श्रेश्ठ एक अप्रूप दर एकलो उणे लेखीत कोणुय तुका फकत पळोवन रूप विसरू नाका तूं आसा ब्रम्हांडाचें अपरूप *** - उर्जिता भोबे.** [माय, २०२०]

	उर्जिता भोबे: साहितीक अभिरूच आसची गोंयची उर्भेवंत कवयत्री ही. कविसम्मेळनांनी ती काऱ्याळ. हेर भासेंतलीं कविता सयत वासची अभिरूच आसच्या हिचो फुडलद कवितजमो ’उर्जास्रोत’ पर्गट जाला. कोंकणी कवितेंनी नवी सकत भर्चे दिशेन बाय उर्जिता वावर करून आसा. पयणारी-वीज साहितीक स्पर्धो २०१८ चेर हिच्या कवितेक दुस्रें इनाम लाभलां. पयणारी-वीज साहितीक स्पर्धो २०१९ चेर पयलें इनाम लाभलां.


ದಾಯ್ಜ್.ಕೊಮ್

2004 ಥಾವ್ನ್ 2011 ಪರ್ಯಾಂತ್ ಕಾರ್ಯಾಳ್ ಆಸ್‌ಲ್ಲ್ಯಾ ದಾಯ್ಜ್.ಕೊಮ್ ಚೆರ್ ಪರ್ಗಟ್‌ಲ್ಲ್ಯಾ ವಿಂಚ್ಣಾರ್ ಸಾಹಿತಾಕ್ ಆಮಿ ಫುಡಿಲ್ಯಾ ದಿಸಾಂನಿ ಪಯ್ಣಾರಿ ವಾಚ್ಪ್ಯಾಂಕ್ ಲಾಭಯ್ತೆಲ್ಯಾಂವ್.